Fálase

Pedro Sánchez anuncia que os Orzamentos Xerais do Estado incluirán "unha axuda directa de 400 euros" para que a mocidade, ao facer 18 anos, adquira bens e servizos culturais como "libros ou calquera actividade artística". Este "bono cultural", sinala o presidente do Goberno de España, pretende "axudar á mocidade e a unha industria fundamental" e vai na liña de medidas semellantes noutros Estados da UE como Francia ou Italia, exemplificou. A Xunta tamén anunciou un bono para consumo cultural que para o vindeiro novembro. 

Morre dunha parada cardiorrespiratoria no seu despacho o conselleiro de Facenda, Valeriano Martínez. Todo o Goberno galego suspende a súa axenda oficial. 

• AMPLIAMOS | Morre no seu despacho o conselleiro de Facenda, Valeriano Martínez

Pablo Casado asegura que as medidas contempladas na lei estatal de vivenda que ultima o Goberno de España "non se van aplicar" nas comunidades autónomas onde goberna o PP, caso de Galicia, nin nos concellos con alcaldías do partido. Afirmouno en declaracións a Tele 5 que recolle eldiario.es. Boa parte da futura norma depende dos gobernos autonómicos e locais, en materias como a limitación de prezos do alugueiro ou subas fiscais ás vivendas baleiras, entre outras.

• As claves do plan de vivenda do PSOE e Podemos: dos límites a grandes propietarios á axuda de 250 euros
• HEMEROTECA | A Xunta prevé para política de vivenda uns cen millóns anuais ata 2025, por baixo do bipartito e de Fraga

Continúan as protestas polos recortes de profesorado. Desta vez, pais e nais do CEIP Sagrada Familia da Coruña cortaron a Ronda de Outeiro en demanda do especialista de música que lles corresponde, provocando retencións nunha das principais vías da cidade. Foto: BNG. 

• Os recortes de persoal de atención á diversidade levan as protestas a varios colexios da comarca da Coruña

As asociacións que están a preparar os actos do 50 aniversario do Día da Clase Obreira Galega, que terá lugar o 10 de marzo do vindeiro ano, propoñen trasladar o monumento que lembra os feitos, obra de Xoán Braxe, ao centro da Praza da Porta Nova, "lugar máis destacado e coincidente coa ubicación dos tráxicos sucesos que o motivan"

• ENTREVISTA | "Os feitos do 72 en Ferrol supuxeron unha sacudida de conciencia moi importante en toda Galicia"

O Ministerio de Sanidade e as comunidades autónomas aproban administrar unha dose de recordo da vacina contra a COVID ás persoas de máis de 70 anos. Esta terceira dose comezará a ser administrada a partir do 25 de outubro e só poderá ser recibida seis meses despois da segunda. Ata agora xa estaban a recibir esta dose de reforzo as persoas que viven en residencias da terceira idade e os pacientes inmunodeprimidos.

Vestas comprométese a estudar unha alternativa para seguir en Viveiro pero non retira o ERE, segundo informa El Progreso. A empresa ábrese a buscar "unha posibilidade de reciclar ou transformar a produción", segundo afirma a Xunta. Foto: CIG

O Consello de Ministros autoriza un rescate de 241 millóns de euros ao grupo hoteleiro Hotusa, que preside o chantadino Amancio López Seijas, o abeiro do Fondo de Apoio á Solvencia de Empresas Estratéxicas, creado pola pandemia. Este grupo empresarial, que tamén é o organizador do denominado Foro La Toja, conta cun plantel de 4.000 persoas e, segundo sinala o Goberno de España, recibe os fondos "exclusivamente" para "cubrir os gastos de nóminas, Seguridade Social e impostos", así como a "garantir a liquidez". Segundo a Sociedad Estatal de Participaciones Industriales (SEPI), "de non recibir o apoio solicitado, arrastraría graves dificultades para manterse en funcionamento".

• AMPLIAMOS 👉 Rescate público de 241 millóns ao grupo hoteleiro que organiza o 'Foro La Toja'

A Xunta eleva as ocupacións xerais máximas para actividades en interiores ao 90% dende o sábado, 9 de outubro e sen límite máximo de persoas. O DOG especificará as normas concretas para cada sector e actividade. Estas restricións son as principais que aínda permanecen alén das normas xerais de uso da máscara, distancia, hixiene e ventilación. 

• AMPLIAMOS 👉 Adeus ao mapa de restricións COVID: Sanidade eleva as ocupacións xerais ao 90% e augura "normalidade"
• DATOS | Galicia supera o 84% da poboación con pauta completa de vacina contra a COVID

Acordo entre o PSOE e Unidas Podemos para os Orzamentos Xerais do Estado de 2022 e a nova lei de vivenda. A norma sobre vivenda estaba a ser, precisamente, o principal atranco entre as formacións que conforman o Goberno de España para pechar o pacto dos Orzamentos, para o que agora terán que xuntar apoios no Congreso. Na imaxe, Pedro Sánchez e as tres vicepresidentas, o pasado xullo na Moncloa [© Borja Puig de la Bellacasa / Pool Moncloa]

• AMPLIAMOS 👉 As claves do plan de vivenda do PSOE e Podemos: dos límites a grandes propietarios á axuda de 250 euros
• +INFO 👉 As principais cifras para Galicia nos Orzamentos Xerais do Estado neste 2021
• +INFO 👉 Todas as informacións sobre dereito á vivenda en Praza.gal