Fálase

A empresa concesionaria do servizo de recollida de residuos da Coruña despide o líder do Sindicato de Trabajadores de Limpieza (STL), Miguel Ángel Sánchez, que presionou os traballadores para forzar a extensión da folga e foi acusado de estafa, branqueo e corrupción entre particulares. Prezero tamén despediu outros dous traballadores, membros do comité de empresa, integrado na súa totalidade por membros do STL. [Na imaxe, un contedor do lixo queimado nun barrio da Coruña CC-BY-SA Praza.gal]

• HEMEROTECA | O conflito do lixo da Coruña remata despois de mes e medio cun STL debilitado
• HEMEROTECA | Medidas xudiciais e políticas pechan o cerco sobre o STL pero o lixo segue nas rúas da Coruña malia o alivio de Valoriza
• HEMEROTECA | Subornos, conflito, chantaxe e medo: a "rede criminal" ligada ao sindicato maioritario na limpeza da Coruña 

Un home morre ao caer dunha altura duns 20 metros mentres traballaba nunha nave situada no lugar de Pazos, en Marcón (Pontevedra). Trátase da segunda morte en circunstancias semellantes nas últimas horas, onte perdeu a vida un traballador en Santiago. O falecido en Marcón pertence a unha empresa de reformas e servizos, mobilizouse unha ambulancia do 061 pero non puido facer nada para salvalo. 

• HEMEROTECA | Radiografía dos accidentes laborais: tres mil persoas morreron no traballo nas últimas tres décadas en Galicia

Morre un traballador en Santiago ao caer dunha nave no polígono do Tambre. O 112 sinala que recibiu a alerta pouco antes das nove da mañá e que foi mobilizada unha UVI móbil que non puido facer nada por salvarlle a vida. 

• HEMEROTECA | Radiografía dos accidentes laborais: tres mil persoas morreron no traballo nas últimas tres décadas en Galicia

O ADN confirma que os restos conservados na necrópole da Catedral de Santiago pertencen ao bispo Teodomiro, descubridor do sepulcro do apóstolo Santiago, que deu inicio ás peregrinacións a Compostela. Así o demostran os resultados da investigación do arqueólogo galego Patxi Pérez-Ramallo, adiantados por El País, que se publican na revista especializada Antiquity. [Na imaxe, descuberta da tumba do apóstolo Santiago O Maior polo bispo Teodomiro no Tombo A da Catedral de Santiago - Dominio Público]

👉🏻AMPLIAMOS | Identifican os restos do bispo Teodomiro, quen descubriu a tumba do apóstolo Santiago hai 1.200 anos

Este luns comeza en Rianxo o festival Titiriberia, que se estenderá ata o próximo domingo coa República Checa como protagonista internacional.

• Os monicreques históricos da República Checa, protagonistas do Titiriberia de Rianxo

As fins de semana de agosto Praza.gal non se actualiza por descanso do persoal. Pero deixámosvos moito para lerdes e o luns estamos de volta.

Monbus substituirá a Auto Res (Avanza) na concesión Madrid-Salamanca-Vigo a partir da próxima fin de semana tras facerse co concurso estatal para renovar a liña convocado polo ministerio. En Galicia a empresa lucense controlada por Raúl López está presente en 49 das 127 concesións da Xunta.

• HEMEROTECA | Contas detalla o dominio de Monbus nas concesións da Xunta: está en 49 das 127, cun negocio de 36 millóns ao ano
• HEMEROTECA | O Supremo fai firme que Monbus e Alsa se repartiron o mercado ilegalmente e avala que sexan sancionadas

Máis dunha vintena de personaxes do cómic pódense ver xa polas rúas da Coruña, dende o Spiderman do Obelisco ao Superman que dá a benvida á cidade dende un paso elevado na Avenida da Vedra, pasando por Os Simpsons, Hellboy, Esther, Blacksad, Corto Maltés ou Groucho, distribuídos por distintos escenarios da urbe herculina. O vindeiro luns comeza o Viñetas deste o Atlántico, que este ano inclúe por vez primeira unha figura dun personaxe do cómic galego, o Gaspariño do Xaquín Marín, que presidirá as sesións do ‘Viñetas Late Night’ no Teatro Colón.

• Akira Toriyama e o 'Gaspariño' de Xaquín Marín, protagonistas do Viñetas que confirma A Coruña como "a cidade do cómic"

A pontevedresa Antía Jácome finaliza sexta a final do C2 500 con María Corbera, polo que obteñen diploma olímpico. Jácome aínda terá unha derradeira oportunidade de subir ao podio este sábado nas probas finais do C1 200.

• O K4 de Arévalo e Germade conquista o bronce en París

A pontevedresa Antía Jácome clasifícase para a final do C2 500, que se celebrará ás 12:50 horas. En cambio, no K2 500 a tamén pontevedresa Carolina García e Sara Ouzande non puideron pasar da semifinal, na que foron sextas; ás 13 horas terá lugar a súa final B. Tamén quedaron fóra da final Carlos Arévalo e Rodrigo Germade na carreira do K4 500, ao ser quintos na súa semifinal. O pontevedrés Pablo Crespo, de só 22 anos, caeu igualmente na semifinal do C1 1000

• O K4 de Arévalo e Germade conquista o bronce en París