A xunta únese á demanda do Estado para reclamar a titularidade pública dos bens mobles do Pazo de Meirás. A Administración autonómica presentou este luns nun xulgado de Madrid o escrito para se unir á demanda da Avogacía do Estado.
Fálase
-
O presidente do Poder Xudicial e do Tribunal Supremo, Carlos Lesmes, anuncia que este luns dimitirá do cargo tras catro anos de bloqueo na súa renovación e Pedro Sánchez convoca a Feijóo na Moncloa.
Ribeira acolleu na tardiña deste sábado unha concentración contra o veto á pesca de fondo con presenza das principais forzas políticas e sindicais. [Imaxe: PSdeG]
José García Buitrón, falecido o 17 de setembro, recibiu este sábado unha homenaxe no Paraninfo da Universidade da Coruña. A vicepresidenta segunda do Goberno de España, Yolanda Díaz, e outros representantes políticos e sociais lembraron a figura do cirurxián e ex-senador de Podemos. [Imaxe: Galicia en Común].
- OBITUARIO | José García Buitrón, compromiso humanista
A militancia de Junts Per Catalunya vota a favor da saída da formación do Govern da Generalitat, no que participa en coalición con Esquerra Republicana de Catalunya, que ten a presidencia. Cunha participación do 79,18% dos 6.465 militantes con dereito a voto, un 55,73% respondeu que o partido non debe seguir formando parte do Govern.
Restablecido o acceso á Cidade da Cultura despois da inspección de seguridade realizada pola Polícia Nacional ante unha ameaza de bomba. O TSXG precisa que foi revisada porque actualmente o Gaiás é considerado sede xudicial, por estarse celebrando alí o xuízo polo accidente de Angrois
O Tribunal Superior de Xustiza de Galicia tamén informa de que rematou a revisión nos xulgados de Santiago con resultado negativo en canto a materiais explosivos. Quedan reanudados todos os servizos, o xulgado de garda incluído.
Desaloxan por unha ameaza de bomba os xulgados de Santiago e a Cidade da Cultura, onde este venres se retomou a vacinación fronte a COVID de persoas maiores de 80 anos e onde este mércores comezou o xuízo polo accidente de Angrois. [Imaxe de arquivo de Praza Pública CC-BY-NC-SA]
Ismael Ramos, coa súa obra ‘Lixeiro’, Premio Nacional de Poesía Joven Miguel Hernández outorgado polo Ministerio de Cultura. En Praza.gal entrevistamos hai uns meses ao autor por esta obra.
Sesenta persoas desaloxadas por mor dun dun incendio no sanatorio 'La Robleda', no Pino. O lume orixinouse a pasada madrugada nun dos cuartos, segundo o 112, e obrigou á devandita evacuación no baixo do edificio, mentres que os pacientes do primeiro andar puideron continuar no interior. Tres enfermeiros e dous residentes tiveron que ser atendidos no hospital Clínico de Santiago por mor da inhalación de fume
O Estado prevé investir en Galicia 1.077,88 millóns de euros en 2023, uns tres millóns máis que en 2022 e o 8% do total do investimento territorializado. Así consta no proxecto de Orzamentos Xerais do Estado que vén de entregar o Goberno de España ao Congreso. Máis información, hoxe en Praza.gal