Fálase

Restablecido o acceso á Cidade da Cultura despois da inspección de seguridade realizada pola Polícia Nacional ante unha ameaza de bomba. O TSXG precisa que foi revisada porque actualmente o Gaiás é considerado sede xudicial, por estarse celebrando alí o xuízo polo accidente de Angrois

O Tribunal Superior de Xustiza de Galicia tamén informa de que rematou a revisión nos xulgados de Santiago con resultado negativo en canto a materiais explosivos. Quedan reanudados todos os servizos, o xulgado de garda incluído.

Desaloxan por unha ameaza de bomba os xulgados de Santiago e a Cidade da Cultura, onde este venres se retomou a vacinación fronte a COVID de persoas maiores de 80 anos e onde este mércores comezou o xuízo polo accidente de Angrois. [Imaxe de arquivo de Praza Pública CC-BY-NC-SA]

Ismael Ramos, coa súa obra ‘Lixeiro’, Premio Nacional de Poesía Joven Miguel Hernández outorgado polo Ministerio de Cultura. En Praza.gal entrevistamos hai uns meses ao autor por esta obra.

• ENTREVISTA | Ismael Ramos: "Quería reivindicar a posibilidade de facernos preguntas sen resposta e a liberdade de non ter as cousas claras e que non pase nada"

Sesenta persoas desaloxadas por mor dun dun incendio no sanatorio 'La Robleda', no Pino. O lume orixinouse a pasada madrugada nun dos cuartos, segundo o 112, e obrigou á devandita evacuación no baixo do edificio, mentres que os pacientes do primeiro andar puideron continuar no interior. Tres enfermeiros e dous residentes tiveron que ser atendidos no hospital Clínico de Santiago por mor da inhalación de fume

O Estado prevé investir en Galicia 1.077,88 millóns de euros en 2023, uns tres millóns máis que en 2022 e o 8% do total do investimento territorializado. Así consta no proxecto de Orzamentos Xerais do Estado que vén de entregar o Goberno de España ao Congreso. Máis información, hoxe en Praza.gal

• AMPLIAMOS 👉 O Estado orzamenta uns 1.070 millóns de investimento en Galicia por segundo ano consecutivo
• Da suba dun 8,5% nas pensións á continuidade dos trens gratis: primeiras claves do terceiro orzamento do PSOE e UP 

Dimite o máximo responsable da FP na Consellería de Educación, o veterano José Luis Mira, menos de cinco meses despois de que o Goberno de Alfonso Rueda crease o departamento como dirección xeral. Así o vén de confirmar o propio presidente ao termo do Consello da Xunta, que nomeou como substituta a Eugenia Pérez, ata agora subdirectora xeral de Innovación na Vicepresidencia Primeira. Xunto con José Luis Mira tamén deixa as súas responsabilidades o seu fillo, Iván Mira, que exercía como subdirector xeral de Inspección e Avaliación, segundo informa La Voz de Galicia. Máis información, hoxe en Praza.gal.

• AMPLIAMOS 👉 Dimite catro meses despois de ser degradado un dos máis veteranos responsables de Educación da Xunta
• HEMEROTECA | Rueda reformula a cúpula de Educación ano e medio despois de facelo Feijóo

A Comisión Europea reduce a case a metade as áreas afectadas polo veto á pesca de fondo dentro das 87 sinaladas como ecosistemas vulnerables. Así o vén de confirmar o ministro de Agricultura e Pesca, Luis Planas, na TVG. "En 41 das 87 zonas non será efectivo o veto comunitario á pesca de fondo", explicou. 

• A Xunta pide unha moratoria de dous meses ao veto á pesca de fondo e cifra nuns 800 millóns o impacto en Galicia

Aprobada definitivamente a Lei de Memoria Democrática. O pleno do Senado [na imaxe] ratificou este mércores o texto que xa fora aprobado polo Congreso. PP, Vox e Cs volveron votar en contra desta lei, que afonda na Lei de Memoria Histórica de 2007. A nova lexislación entrará en vigor coa publicación no BOE. 

• + INFO | A Lei de Memoria Democrática suprime o título de conde de Fenosa 67 anos despois
• HEMEROTECA | Da anulación do xuízo a Bóveda á reparación do espolio económico franquista: os retos da Lei da Memoria Democrática

Comeza na Coruña o cumio hispano-alemán que reúne o presidente Pedro Sánchez e o chanceler Olaf Scholz, ademais de quince ministros dos gobernos español e xermano. Foto: Embaixada de Alemaña en España. 

• CRÓNICA 👉 Da gabanza dos recortes ás demandas de "cooperación": Galicia acolle un cumio hispano-aleman oito anos despois

O Goberno de España recorrerá ante o Tribunal de Xustiza da UE o veto á pesca de fondo. Así o vén de anunciar o ministro de Agricultura e Pesca, Luis Planas, durante a sesión de control no Congreso. "Asumimos a representación do conxunto do sector e defende os seus intereses", di Planas, que considera que "a información científica" sobre a que se basea o regulamento "é insuficiente e anticuada" e porque "non se tiveron en conta os efectos económicos e sociais". 

• Unanimidade en Galicia contra o veto á pesca de fondo imposto pola Comisión Europea en 87 zonas do Atlántico