Fálase

A ministra de Industria asegura, tras reunirse co conselleiro delegado de Alcoa nos EUA, Roy Harvey, que a multinacional está disposta a vender a factoría de aluminio da Mariña e a facelo "directamente a terceiros". Reyes Maroto afirma que trasladou a Harvey o pactado coa Xunta e os sindicatos e tamén que o Estado está "disposto a ofrecer as ferramentas de acompañamento públicas" para "verificar que o comprados sexa solvente". "O noso obxectivo -agrega- é que a venda se anuncie, como moi tarde, o 30 de setembro".

• HEMEROTECA | A xustiza deita luz sobre as artimañas de Alcoa para desmantelar as súas factorías en Galicia a prezo de saldo

Pablo Casado "recomenda" que "vaian vivir a Cuba" a "eses da esquerda aos que tanto lles gusta". Afirmouno nunha entrevista coa axencia de Vocento, Colpisa, que este domingo publican varios xornais do grupo ou ligados a el. Casado continúa este domingo en Galicia tras participar, na xornada do sábado, no congreso do PPdeG que reelixiu a Feijóo (na imaxe). [Foto: © PP]

• HEMEROTECA (xuño 2021) | O PP galego súmase á condena do embargo a Cuba e quere que a Xunta así o diga aos Estados Unidos
• HEMEROTECA (2018) | O PP ataca a viaxe de Pedro Sánchez a Cuba tras dúas visitas oficiais de Feijóo á illa
• HEMEROTECA (2013) | A "festa televisada" de Fraga e Fidel Castro

Este sábado foi unha xornada de calor abafante en practicamente toda Galicia agás puntos do norte, especialmente na Mariña. Meteogalicia destaca que a cidade de Ourense ou Remuíño, na Arnoia, superaron os 40 graos. Agrega tamén que dende o domingo, "as máximas irán en progresivo descenso, especialmente significativo no litoral atlántico polas brétemas costeiras".

O PP de Galicia elixe a Feijóo como presidente por quinta vez co 98,3% dos votos emitidos polos compromisarios do congreso que o partido celebra en Santiago. 

• AMPLIAMOS 👉 Feijóo, reelixido no PPdeG co 98% dos votos, di ter "ganas de máis" e de facer presidente a Casado
• CRÓNICA | O PPdeG, do "nacionalismo moderado" no inicio do fraguismo ao mandato no que Feijóo superará ao fundador

O papa Francisco prohibe a celebración de misas en latín e de costas á freguesía seguindo o rito previo ao Concilio Vaticano II, agás contadas excepcións. Os papas Xoán Paulo II e Bieito XVI abriron a man na recuperación deses rituais co aplauso dos sectores máis ultraconservadores da Igrexa católica. Explícao o xornal especializado Religión Digital. Na imaxe (catholicvs.blogspot.com), un destes rituais preconciliares, nunha capela de Lugo.

A Audiencia Nacional anula a prórroga da concesión de ENCE na ría de Pontevedra concedida polo Goberno de Rajoy en funcións no 2016. Estima así os recursos formulados polo Concello de Pontevedra e Greenpeace.

• AMPLIAMOS 👉 A Audiencia Nacional anula a prórroga a Ence outorgada por Rajoy porque non xustificou que deba estar na ría

A xuíza ratifica a prisión provisional para os tres acusados polo asasinato de Samuel Luiz enviados á cadea a pasada semana por risco de fuga e destrución de probas. A maxistrada citáraos para avaliar a procedencia de manter a medida ditada polo xulgado de garda. Na imaxe (CC BY-NC-SA Praza Pública), homenaxes a Samuel no lugar do crime.

• 9/7/2021 A xuíza envía a prisión a tres dos acusados do asasinato de Samuel por risco de fuga e destrución de probas

Estragan pintando coas cores da bandeira de España un banco de Sada que lucía a bandeira do movemento LGBTI+. O BNG de Sada, que fai parte do goberno local e difundiu a imaxe, encadra este estrago nunha "onda de homofobia que estamos a sufrir e que tamén ten a súa incidencia" na vila, din. "Entre todas ímola parar", afirman. Os bancos, situados na contorna do IES Isaac Díaz Pardo, foran inaugurados en 2019 polo Concello sadense en colaboración con Chrysallis Galicia (Imaxe: BNG Sada)

• "Os discursos de odio contra as persoas LGBT xa estaban aí, pero agora teñen un altofalante público e político"

O Parlamento expresa por unanimidade "condena e repulsa polo vil asasinato de Samuel Luiz" e as expresións homófobas proferidas polos autores do crime e lembra "a importancia de desterrar da nosa sociedade o odio á diversidade sexual". A través dunha declaración institucional -figura que require a unanimidade dos grupos-, o lexislativo galego recoñece tamén "o comportamento heroico dos cidadáns senegaleses que non dubidaron en acudir ao auxilio" da vítima, "tentando deter o seu linchamento". O texto íntegro pódese ler nesta ligazón.

• Migracións aprobará a regularización administrativa dos mozos que tentaron evitar a agresión a Samuel Luiz

Tellado recuncará como 'número dous' de Feijóo no PP. O presidente da Xunta e líder dos conservadores confirma que o volverá designar como secretario xeral no congreso que o partido celebra esta fin de semana. En 2016 (na imaxe) situouno no cargo que na década anterior exercera Alfonso Rueda.