Fálase

Principia o traspaso de poderes do PSdeG ao BNG no Concello de Santiago. A capital galega é unha das dúas cidades galegas que mudará de signo político no goberno municipal o vindeiro sábado, cando se constitúan as novas corporacións municipais. A nacionalista Goretti Sanmartín será a alcaldesa á fronte dun goberno do Bloque (6 edís) no que previsiblemente participará tamén Compostela Aberta (2 edís), mentres que os 6 edís socialistas votarán a súa investidura, pero non gobernarán, cando menos neste inicio do mandato. Sanmartín subliña a "cordialidade e a posta á disposición" de diversos informes por parte do goberno saínte e o alcalde en funcións, Xosé Sánchez Bugallo, asegura desexarlle á vindeira rexedora "a máxima sorte e o máximo acerto". [Imaxe: © Concello de Santiago]

• A esquerda volve ter o groso do poder nas principais institucións locais galegas malia ao pulo do PP
• O BNG adianta o PSdeG en Santiago e Goretti Sanmartín pode ser a primeira alcaldesa da cidade

Rueda di que aínda non pensou quen substituirá o seu vicepresidente primeiro, Francisco Conde, que deixará a Xunta de xeito inminente tras designalo Feijóo candidato ao Congreso por Lugo. O presidente da Xunta considerábao "imprescindible" e "peza fundamental".

• Francisco Conde, a sombra económica de Feijóo de Pemex aos fondos europeos
• Feijóo abre outra crise de goberno na Xunta e deixa a Rueda sen Francisco Conde, o seu vicepresidente "imprescindible"

Stellantis Vigo terá que indemnizar o sindicato CUT con 30.000 euros por vulnerar o seu dereito á negociación colectiva. O TSXG acredita tres vulneracións á liberdade sindical nunha sentenza que vén de facer pública a central. 

Antón Gómez-Reino, ex-líder de Podemos Galicia, renuncia a concorrer nas listas do 23X por Sumar. O deputado de Galicia en Común abandona por cuestións persoais, segundo conta Europa Press. 

Besteiro é substituído como delegado do Goberno de España en Galicia por Pedro Blanco, responsable xurídico de UGT, secretario de Emprego no PSdeG e asesor do ex-conselleiro Ricardo Varela durante o goberno galego de coalición de PSdeG e BNG. A inclusión de Besteiro como cabeza de lista por Lugo para as xerais do 23 de xullo obrígao a deixar a Delegación do Goberno dous meses e medio despois da súa toma de posesión.

O PP confirma que o vicepresidente Francisco Conde será cabeza de lista ao Congreso por Lugo e precipita unha crise de Goberno na Xunta, xa que a condición de conselleiro é incompatible coa de candidato ás xerais. Miguel Tellado será número un pola Coruña, a ex-ministra Ana Pastor encabezará a candidatura de Pontevedra e Ana Belén Vázquez, a de Ourense. 

• AMPLIAMOS 👉 Feijóo abre outra crise de goberno na Xunta e deixa a Rueda sen Francisco Conde, o seu vicepresidente "imprescindible"
• HEMEROTECA | Un PP menos "deG" á sombra do ex-presidente

Morre aos 86 anos de idade o empresario e ex-primeiro ministro italiano Silvio Berlusconi. O polémico político, condenado xudicialmente en varias ocasións, dirixiu o país nos períodos 1994-95, 2001-06 e 2008-11. Estivo ingresado en abril na unidade de coidados intensivos por problemas pulmonares e cardiovasculares. Imaxe: EPP (CC BY)

• HEMEROTECA | TRIBUNA - O inmediato futuro de Italia: unha explicación do melonismo

A Real Academia Galega e PuntoGal dan a coñecer os nove gañadores e gañadoras da sexta edición do seu Concurso de microrrelatos. Na modalidade de persoas adultas o gañador do primeiro premio, foi Nel Vidal, mestre no IES Rego de Trabe de Culleredo, o mesmo que a gañadora do terceiro, Mónica Fraga; a costureira e contacontos Nanda Costas fíxose co segundo premio.

Na categoría xuvenil as gañadoras son Andrea Bravo López, alumna do IES do Milladoiro; Mencía Jorge Cabaleiro, estudante do IES Castelao de Vigo; e Beatriz Martínez García, do IES de Cacheiras. Na categoría infantil as premiadas son Ainhoa Valverde Silva, do CPI de Cova Terreña; Arwen Fernández García, do CEIP Humberto Juanes; e Mai Lemmen, do CEIP Castrelo de Miño

Pontón, partidaria de que as eleccións galegas se celebren decontado: "Canto antes poidamos celebrar eleccións, antes poderemos cambiar o rumbo deste país", afirma a portavoz nacional do BNG en entrevista con Radio Galicia da Cadena SER.

A dirección do PSdeG é partidaria de non formar parte do goberno local de Santiago, que encabezará o BNG. Esa é a "opción principal" dos socialistas galegos que, no entanto, aseguran que a decisión será consensuada co grupo municipal.