Fálase

O Exército de Israel advirte dun "ataque sen precedentes" na cidade de Khan Yunis contra "terroristas" e avisa á poboación para que marche. Khan Yunis é a segunda cidade de Gaza, sitúase no sur da franxa, e acolle un dos campos de refuxiados da UNRWA, a organización de Nacións Unidas para Palestina. A UNRWA asegura que "o 71% de franxa de Gaza" está dentro da "zona militarizada por Israel". O propio exército manifesta que nas últimas 24 horas bombardeou "160 obxectivos" coas súas forzas aéreas. Na UNRWA denuncian que as autoridades israelís seguen bloqueando a entrada de subministracións desde hai máis de dez semanas. O primeiro ministro israelí, Benjamin Netanyahu, asegurou este luns que acabarán "tomando o control de todas as zonas da franxa" de Gaza. Só esta fin de semana morreron máis de 250 persoas a causa dos ataques na franxa.  [📸 UNRWA]

Ana Pontón recrimina a postura do PP sobre Eurovisión e lamenta que "Rueda sexa incapaz de dicir algo tan simple como que condenar o masacre dun pobo non é ningún numerito , senón a mínima expresión da decencia moral e política". A portavoz nacional do BNG coida que, cos seus ataques a RTVE por amosar solidariedade co pobo palestino, os populares sobrepasaron "todas as liñas vermellas da decencia e da humanidade" por, no canto de "condenar un xenocidio, alentar o Estado criminal de Israel" a través de cargos como a presidenta de Madrid, Isabel Díaz Ayuso, mentres "o señor Feijóo cala e mira a outro lado". Na imaxe, Ana Pontón este luns en conferencia de prensa [CC BY-NC-SA BNG]

• 🟪🟧🟦EN VINTE🟪🟧🟦 | Boicot a Eurovisión. O galego Pablo Canedo 10 kr, finalista no Falastinvision contra o xenocidio israelí
• HEMEROTECA (2014) | Israel declara "inimigo" o Parlamento de Galicia

O BOE e o DOG publican o real decreto de traspaso de funcións sobre o litoral do Estado á Xunta, a primeira cesión de competencias a Galicia en 17 anos. Será efectiva a partir do 1 de xullo e Xunta e Goberno de España seguirán intercambiando informes naqueles casos en que unha competencia corresponda á outra administración.

• Galicia obtén 17 anos despois a primeira competencia dende a fin do Goberno de PSdeG e BNG
• Chiringuitos si, pero non concesións como a da parella de Feijóo: o que vai gobernar a Xunta na costa

O inquérito da RTP apunta a unha clara vitoria da dereita en Portugal, coa ata agora gobernante Aliança Democrática do primeiro ministro Luís Montenegro en cabeza e sumando arredor dunha decena de escanos. O Partido Socialista perdería arredor dunha vintena de representantes e estaría en segunda posición, pero coa extrema dereita do Chega moi próxima

• AMPLIAMOS 👉  Portugal entrégase ás dereitas

A participación nas eleccións portuguesas ata as 12 da mañá é do 25,56%, un dato moi semellante ao das anteriores lexislativas, celebradas o pasado ano. Na imaxe, a sede da Assembleia da República, en Lisboa, cuxos 230 escanos se renovan este domingo [© Assembleia da República]

• HEMEROTECA (2024) | Portugal vira á dereita

Domingo de alertas meteorolóxicas por treboadas con fortes chuvias e sarabia en gran parte de Galicia. MeteoGalicia ten activo o aviso amarelo na provincia de Lugo e no interior da Coruña por tormentas que "poden superar os 15 litros nunha hora e vir acompañadas de sarabia" dende mediodía e ata as 21h. Aemet eleva os seus avisos a nivel laranxa no centro e sur da provincia de Lugo por chuvias de ata 30 litros nunha hora e sarabiadas a causa das tormentas e estende o nivel amarelo ao resto da área lucense, a toda a provincia de Ourense e tamén á da Coruña agás a contorna da Costa da Morte e do Barbanza. En liña cos avisos da Aemet, Emerxencias da Xunta activou a alerta laranxa no centro e sur de Lugo e a amarela no resto de áreas baixo aviso. Por este motivo, a Secretaría Xeral para o Deporte suspendeu toda a actividade deportiva federada nas zonas con alerta laranxa dende as 15:00 e ata a medianoite.

En marcha a manifestación de Queremos Galego polo Día das Letras baixo o lema "lingua vital xa" e un chamamento a "parar a emerxencia lingüística". [📸 BNG]

• AMPLIAMOS 👉 Foliada masiva con Queremos Galego a prol dunha "lingua vital"

👅🛰Hoxe, Día das Letras Galegas, a portada de Praza está en galego. E todas as nosas informacións.

👌Mañá, tamén

🤗Faite socia, faite socio do xornal da Galicia que vén dende 5€/mes

🔄Ata o 80% da achega vénche de volta na declaración da renda

🔗Faite de Praza.gal

Tanxugueiras celebran o Día das Letras homenaxeando as pandeireteiras reinterpretando O meu amor de Leilía, "un dos temas máis influentes do xénero" cuxas intérpretes, destacan, son "unhas das culpables de que Tanxugueiras quixesen dedicarse á música". O grupo dedica a canción "a todas aquelas mulleres que gardaron nas súas gorxas o eco das letras e melodías, sementando nelas a memoria que hoxe nos define". Aida Tarrío e Sabela e Olalla Maneiro participan este 17 de maio no pleno extraordinario da RAG en Malpica.

• As Tanxugueiras, no acto central dun Día das Letras que unirá tradición e futuro

Sandra Permuy convértese na primeira alcaldesa do Concello de Fene. A até o de agora primeira tenente de alcalde e concelleira de servizos, benestar social, igualdade, seguridade e persoal foi investida alcaldesa co apoio das concelleiras do BNG e Esquerda Unida no pleno celebrado na tarde deste venres, no que participaron os exalcaldes nacionalistas Xosé María Rivera Arnoso e Juventino Trigo, así como a portavoz nacional do BNG, Ana Pontón. "A corporación actual parécese máis que nunca ao pobo que nos elixiu", salientou Permuy.