Fálase

O PSdeG traslada que Ferraz ratificou a súa proposta para que Carmela López, alcaldesa de Burela e deputada provincial, sexa a candidata socialista para substituír a José Tomé na Presidencia da Deputación de Lugo, que dimitiu tras o coñecemento público dun presunto caso de acoso sexual. O BNG avanzou xa o voto a favor da súa candidatura para "dar continuidade á maioría de esquerdas" no goberno da entidade provincial. Dende o PSdeG subliñan que a ratificación "permite avanzar na conformación dun proxecto sólido para unha Deputación útil, próxima e comprometida coa igualdade de oportunidades en toda a provincia de Lugo". [📸 CC-BY-SA Concello de Burela]

• Besteiro defende a xestión dos casos de acoso e denuncia o "uso espurio" da canle interna do partido
• HEMEROTECA | A permanencia de Tomé faino imprescindible na Deputación de Lugo e clave cara a 2027

O Goberno de España bonificará a quen non suba o prezo do alugueiro e limitará o de temporada. Os propietarios que renoven os seus contratos sen elevar o importe aos inquilinos terán unha bonificación fiscal do 100% no IRPF. Sumar, socio do executivo, anuncia que non apoiará a proposta. Foto: ©Pool Moncloa/Fernando Calvo.

Un "contrato de vida dixital" entre alumnado e colexio, entre as medidas do Plan de benestar dixital no ensino da Xunta. O Goberno galego di que será "un documento voluntario que asinarán o centro e o alumno, de acordo coa familia, relativo ao uso das tecnoloxías fóra do horario escolar", con "obrigas para o alumno no que atinxe aos tempos, horarios e usos dos dispositivos dixitais" e "retos de desconexión dixital como método pedagóxico". 

• HEMEROTECA | O 84% dos centros E-Dixgal recuperan os libros de texto ante a crise do programa da Xunta
• HEMEROTECA | Educar sen pantallas?: "O desafío non é tecnolóxico, senón ético"
• HEMEROTECA | O mal exemplo dos pais co móbil duplica as condutas de risco da mocidade en internet

A asociación Dereito a Morrer Dignamente concéntrase na Praza do Obradoiro en lembranza do falecemento de Ramón Sampedro, hai hoxe 28 anos, e reitera a súa petición para que o 12 de xaneiro sexa declarado como Día da Morte Digna en Galicia. [📸 © Montse Prado/BNG]

• DATOS | A maioría de procesos de eutanasia iniciados en Galicia non acaban en axuda para morrer
• HEMEROTECA | O dereito á morte digna de Laura Fernández, entre a burocracia do Sergas e os procedementos abreviados en situacións extremas
• HEMEROTECA | O 'Día da Morte Digna' lembra os 25 anos do pasamento de Ramón Sampedro e reclama a defensa deste dereito

Falece aos 101 anos José Luis Varela Iglesias, escritor e profesor, discípulo de Vicente Risco e académico correspondente da RAG, ademais de na RAE e na Real Academia da Historia. Premio Nacional de Literatura Miguel de Unamuno en ensaio, foi premiado coa Medalla de Galicia en 2001. Foto: CC-BY-SA RAG. 

Rueda critica o BNG por "seguir apoiando tiranos" e asegura que o PP estará con Venezuela "ata que sexa un país libre". O presidente da Xunta chama a estender "a fórmula de Galicia" ao resto de España durante a Interparlamentaria dos populares celebrada na Coruña coa presenza do líder do partido, Alberto Núñez Feijóo. 

Agricultores e gandeiros manteñen cortada a A-52, tras máis de 24 horas de protesta polo acordo entre a UE e Mercosur. O corte da estrada ao paso por Xinzo de Limia comezou a primeiras horas do sábado. 

Galicia supera as 877.000 persoas vacinadas fronte á gripe, cunha cobertura de máis do 73% entre as maiores de 65 anos e de máis do 55% entre a rapazada ata os 11 anos. 

Agricultores e gandeiros cortan a A-52 á altura de Trasmiras en protesta polo acordo comercial entre a UE e Mercosur aprobado este venres. Os colectivos Agromuralla e Gandeiros Galegos da Suprema anuncian que retomarán as mobilizacións o luns 12 de xaneiro diante da sede da Xunta en Lugo. Foto: DGT.

• A tractorada de Ourense bloquea a entrada da Subdelegación do Goberno e estende a protesta

O novo modelo de financiamento autonómico achegaría 21.000 millóns máis ás comunidades autónomas. O Goberno de España propón aumentar a cesión da recadación do IVE e do IRPF do 50% actual ao 55% e ao 56,5% respectivamente e aplicar mecanismos de compensación para os territorios peor financiadas. 

• AMPLIAMOS | O Estado ofrece máis cartos de IRPF e IVE ás comunidades e Galicia disporía de 600 millóns máis