Fálase

18F | A CRTVG confirma que convida ao seu único debate electoral a PP, BNG, PSdeG, Sumar e Podemos. A corporación pública indica que o criterio para o convite é incluír as forzas con representación parlamentaria (populares, nacionalistas e socialistas) e os grupos que "cumpren cos criterios para ser considerados significativos" segundo a "confirmación da Xunta Electoral". Deste xeito, ao contrario que hai catro anos -cando acudiron Vox e Cs-, non haberá representación de ningunha formación da dereita que non sexa o PP, que ata agora só confirmou a presenza de Alfonso Rueda no debate da CRTVG e non nos ofrecidos por RTVE e a Cadena SER. O debate está programado para o primeiro luns de campaña, o 5 de febreiro, e estará moderado por Marta Darriba e Alejandro López. Na imaxe, debate electoral da CRTVG previo ás eleccións de 2020.

• O PP accede a un só debate 'a catro' na TVG e esquiva que Rueda vaia a encontros cara a cara
• O BNG pide á CRTVG un debate entre Pontón e Rueda por seren "as dúas alternativas reais" á Xunta
• Besteiro empraza a Rueda a celebrar seis debates electorais e pide "unha campaña 100% galega"

O Toconao volverá pasar nas próximas horas fronte a Galicia tras perder hai mes e medio os pellets que seguen a chegar á costa. O barco cruzou esta pasada noite o estreito de Xibraltar en ruta entre Turquía e Inglaterra, a onde se prevé que chegue o xoves, segundo varias webs de xeolocalización de buques. [Imaxe: Greenpeace]

• Blondiemuser: Cando a rabia galega viraliza a crise dos ‘pellets’ (e mobiliza os medios)
• Os plásticos devolven o foco á grave crise nas rías: "Hai máis 'pellets' que marisco"
• O ‘canal’ de Fisterra creado en 1994 e ampliado tras o Prestige ten o dobre de tráfico que Suez

Alerta laranxa en todo o litoral galego este luns por fenómenos meteorolóxicos costeiros adversos.

Feijóo advirte ao PPdeG que poucos votos "cambian a historia dun país" e pide traballar "a tope" e "non distraerse" ante o 18F. O líder do PP reclama "pensar en Galicia e España" de cara ás autonómicas. Rueda 

Besteiro entra a formar parte do Comité Federal do PSOE. O candidato á presidencia da Xunta pasa a formar parte do máximo órgano de decisión dos socialistas, segundo informa Europa Press, que destaca que o tamén deputado gaña así máis peso na organización. 

18F | O PP mantería a maioría absoluta malia perder tres escanos, segundo unha enquisa de Hamalgama Métrica para Vozpópuli. O BNG repetiría os 19 escanos das anteriores eleccións galegas, mentres que o PSdeG subiría un. Sumar e Vox entrarían no Parlamento con cadanseu escano. 

• CRÓNICA | De "Galicia en paz" ao cambio de goberno: os partidos ven alargar os límites do posible para o 18F

Milleiros de persoas saen á rúa en Vigo polo "fin do xenocidio e a ocupación" en Palestina, nunha xornada de protesta en máis de 90 concellos do Estado. Foto: Ecoloxistas en Acción. 

A maior parte de Galicia ergueuse este sábado con temperaturas baixo cero e importantes xeadas. Meteogalicia prevé unha suba nos termómetros xa para mañá domingo. 

18F | O PP revalidaría a maioría absoluta con 39 escanos, o BNG sobe, o PSdeG estáncase e DO entraría no Parlamento, segundo unha enquisa de E-M Analytics para Nós Diario. Sumar e Podemos non lograrían representación no Parlamento. Podes consultar aquí os datos de todos os inquéritos publicados.

• CRÓNICA | De "Galicia en paz" ao cambio de goberno: os partidos ven alargar os límites do posible para o 18F

Josep Borrell, responsable de Exteriores da UE, salienta que Israel financiou Hamas para debilitar a Autoridade Nacional Palestina e defende que a solución de dous estados "debe ser imposta desde o exterior para traer a paz". "A única solución posible, se excluímos a extinción dunha das partes, é crear dous estados que compartan a terra pola que levan cen anos morrendo", di Borrell na súa investidura como doutor Honoris Causa pola Universidade de Valladolid. "Todo o mundo o pensa menos o goberno israelí". [Imaxe: PSOE de Valladolid]

• Hamás ou o búmerang da historia: como Israel contribuíu á súa fundación
• Israel acusa o secretario xeral da ONU de ser "un perigo para a paz mundial" por pedir un alto o fogo