Fálase

Josep Borrell, responsable de Exteriores da UE, salienta que Israel financiou Hamas para debilitar a Autoridade Nacional Palestina e defende que a solución de dous estados "debe ser imposta desde o exterior para traer a paz". "A única solución posible, se excluímos a extinción dunha das partes, é crear dous estados que compartan a terra pola que levan cen anos morrendo", di Borrell na súa investidura como doutor Honoris Causa pola Universidade de Valladolid. "Todo o mundo o pensa menos o goberno israelí". [Imaxe: PSOE de Valladolid]

• Hamás ou o búmerang da historia: como Israel contribuíu á súa fundación
• Israel acusa o secretario xeral da ONU de ser "un perigo para a paz mundial" por pedir un alto o fogo

A Audiencia da Coruña xulga a próxima semana un acusado de estafar 60.000 euros á Xunta con correos electrónicos nos que se facía pasar por un contratista. O xuízo fora sinalado inicialmente para o pasado xuño. 

• HEMEROTECA | A Fiscalía pide catro anos de cadea para un acusado de estafar 60.000 euros á Xunta facéndose pasar por unha contratista

A Xunta Electoral Central amplía ata o xoves 15 de febreiro o prazo para depositar o voto por correo para o 18F. Os solicitantes comezarán a recibir a documentación dentro de dez días e agora vén ampliado nun día máis o prazo para votar, que ata agora remataba o 14.

Educación rectifica e convoca catro prazas de portugués só para EOI nas oposicións de 2024. A asociación Docentes de Português na Galiza lamenta que a Xunta continúe sen convocar prazas para profesores de Secundaria.

• O alumnado de portugués duplicouse desde 2019 mais só atinxe o 4% do estudantado

A socialista Paula Alvarellos, elixida nova alcaldesa de Lugo en substitución de Lara Méndez cos votos dos grupos municipais de PSdeG e BNG, que continuarán gobernando en coalición. Méndez renunciou á alcaldía para concorrer ás eleccións galegas como número dous da candidatura socialista na provincia lucense, que encabeza o candidato á presidencia, José Ramón Gómez Besteiro.

• Lara Méndez deixa a alcaldía de Lugo e será a 'número 2' do PSdeG tras Besteiro na lista por esa provincia
• HEMEROTECA | "A veciñanza de Lugo primou un goberno progresista e de boas prácticas fronte á mala praxe e a crispación"

O Congreso aproba a reforma da Constitución para substituír o termo "diminuídos" por "persoas con discapacidade" no artigo 49. Os únicos votos en contra foron os de Vox. O presidente do Goberno de España, Pedro Sánchez, pide "desculpas" pola demora da reforma e coida que o novo texto "salda unha débeda moral". A mudanza pasa agora ao Senado, onde previsiblemente sairá tamén aprobada por ampla maioría absoluta. Na imaxe [© Congreso], o pleno aplaude a representantes de entidades de persoas con discapacidade, tras a votación -a sesión celebrouse no Senado por mor das obras que se están a desenvolver na sede da Cámara Baixa-.

18F | O espazo de debate La caravana, de infoLibre, aborda as eleccións galegas. Conducido por Daniel Basteiro, director do xornal, avaliou as posibilidades de cambio político en Galicia con Aida Pena, Alba Nogueira, Fernando Varela e David Lombao, director de Praza.gal.

• CRÓNICA | De "Galicia en paz" ao cambio de goberno: os partidos ven alargar os límites do posible para o 18F

O hip-hop galego alza a voz por Palestina. Dios Ke Te Crew, Rebeliom do Inframundo, High Paw, Nadie González, C. Mirazo, Yslem e TIAM Gz participan nun concerto solidario en Compostela. 

Será o venres 26 de xaneiro na Sala Malatesta baixo o lema Cultura Contra a Barbarie, nun evento organizado por Pallasos en Rebeldía e presentado por Iván Prado. A recadación de fondos da gala destinarase a proxectos e entidades que traballan sobre o terreo proporcionando axuda humanitaria.

A CRTVG lanza AGalega, a súa nova plataforma dixital de contidos audiovisuais cuns 1.400 títulos de acceso libre tanto vía web como mediante aplicacións de Android e Apple, xa dispoñibles para a súa descarga, e a partir do mes vindeiro tamén nas principais marcas de televisores intelixentes. O lanzamento inclúe tamén a plataforma Xabarín, con contidos infantís igualmente en formato web e aplicación

• HEMEROTECA | Dous terzos da poboación galega ven insuficiente a oferta audiovisual en galego para a rapazada
• HEMEROTECA | Máis da metade da audiencia dos medios de comunicación desexa máis contidos en galego

18F | O PSdeG lamenta que o PP mude o "sentidiño" polo "mediño" ante os debates electorais. "Foi José Ramón Gómez Besteiro o primeiro en lanzar unha proposta sobre debates que aínda hoxe non foi respondida polo PP", subliña o secretario de organización dos socialistas, José Manuel Lage, quen agrega que Rueda "segue agochándose con subterfuxios mentres Besteiro confirmou a súa presenza nos tres debates propostos ata a data", os da CRTVG, RTVE e a Cadena SER.

• O PP accede a un só debate 'a catro' na TVG e esquiva que Rueda vaia a encontros cara a cara