111 praias galegas obteñen bandeira azul, catro máis que os dous últimos anos, cando se chegou ao mínimo da última década entre renuncias de concellos e receos ecoloxistas.
Fálase
Ao fío do Día das Letras, o BNG da Coruña lanza un vídeo que representa a "historia dunha rapaza q se decide a falar galego na nosa cidade". "É certo que a lingua perde falantes, mais tamén o é que cada día se incorporan ao seu uso moitas persoas", resaltan.
Un traballador das obras do AVE resulta ferido en Laza por unha descarga eléctrica nun dos túneles máis polémicos da liña. Alí xa morrera outra persoa en 2013 nun treito no que se rexistraron tamén danos ambientais.
A Deputación de Pontevedra diríxase á Valedora do Pobo, ao Goberno de España e mais "ás organizacións empresarias e profesionais, e aos medios de comunicación" para, con arredor "dun cento" de comunicacións, instar á Xunta a incluír mulleres no consello de administración da sociedade público-privada creada para captar fondos Next Generation. A xuízo de Carmela Silva, presidenta da institución, trátase dunha "obrigada rectificación"
Atopadas en bo estado as tres persoas que Salvamento Marítimo buscaba este sábado na zona de Carnota tras saír ao mar o venres desde Corcubión e alertar familiares de que aínda non volveran. Contra as nove da noite deste sábado "o grupo foi atopado en bo estado de saúde polos equipos de intervención". [Imaxe: Salvamento Marítimo]
Salvamento Marítimo busca tres persoas que saíron pescar este venres desde Corcubión a Carnota e non regresaron. Están mobilizados medios aéreos, marítimos e terrestres.
Un incendio na conserveira Jealsa en Boiro mobiliza bombeiros de varias vilas da contorna e barcos de gardacostas. A Axencia Galega de Emerxencias rexistrou o lume ás 14.26 horas e xa alertou tamén o seu grupo de apoio loxístico. [Imaxe: CC-BY-NC-SA Plan de Ordenación do Litoral da Xunta]
👉 AMPLIAMOS | Un incendio na conserveira Jealsa en Boiro activa o Plan de Emerxencias de Galicia e mobiliza bombeiros de varias vilas
A última hora deste venres publicáronse no DOG as novas restricións fronte á COVID que estarán en vigor desde as cero horas deste domingo, tras o remate do estado de alarma, avanzadas o xoves polo presidente da Xunta. Aquí pode lerse o documento oficial e neste mapa interactivo consultarse de xeito máis visual.
O persoal da CRTVG converte o seu venres negro número 155 nunha reivindicación da "perspectiva galega" nos medios, unha "obriga dos medios públicos". Sinalan que a CRTVG "non pode servir a outros intereses que non sexan os de Galicia e as galegas; nin aos de quen está en San Caetano nin aos dos que están en Madrid"
Repsol e sindicatos chegan a un acordo sobre o ERTE na refinaría da Coruña, que afectará a 112 traballadores, fronte aos 212 iniciais. Ademais, ningún deles deixará de traballar por completo. A regulación temporal de emprego, que comezará a aplicarse o 11 de maio, redúcese a 4 meses e 20 días, fronte aos seis meses propostos inicialmente. Hai dúas semanas unha manifestación na cidade herculina protestou contra o expediente proposto pola empresa.