Fálase

O xulgado da Pobra de Seabra non acepta adiar o xuízo rápido a José Manuel Baltar como presunto autor dun delito contra a seguridade viaria por conducir o coche oficial da Deputación de Ourense a 215 por hora. O avogado do presidente da institución e do PP ourensán alegou que tiña fixada unha vista por outro caso con anterioridade, pero a xuíza estima que pode comparecer igualmente "ao longo da mañá deste martes" a través de internet, segundo confirman fontes do Tribunal Superior de Castilla y León. Máis información, hoxe en Praza.gal.

• O exceso de velocidade de Baltar e os audios comprometedores de Jácome axitan a batalla do 28M en Ourense
• Baltar xa non responde por ir a 215 km/h e PSdeG e BNG apelan ao electorado do PP ourensán para desaloxalo

Sanxenxo promove un novo paseo marítimo de 380 metros e 900.000 euros para o que haberá que cortar 30 piñeiros. O proxecto, a información pública, quere construír unha pasarela entre a praia de Silgar e Punta Vicaño, onde xa hai un miradoiro ao que se pode acceder por outro lugar máis afastado do mar.

• HEMEROTECA | A Xunta admite que o porto deportivo de Sanxenxo provocou "gran impacto" nunha praia tras velo en 2001 "ambientalmente viable"

Adiado o xuízo rápido no que José Manuel Baltar tiña que comparecer este martes na Pobra de Seabra como presunto autor dun delito contra a seguridade viaria por conducir o coche oficial da Deputación de Ourense a 215 por hora. O avogado do presidente da institución e do PP ourensán alegou que tiña fixada unha vista por outro caso con anterioridade, polo que procede a suspensión. O xulgado debe fixar agora unha nova data

• 🔴ACTUALIZACIÓN | O xulgado da Pobra de Seabra non acepta adiar o xuízo rápido a Baltar e terá que comparecer hoxe a través de internet
• O exceso de velocidade de Baltar e os audios comprometedores de Jácome axitan a batalla do 28M en Ourense
• Baltar xa non responde por ir a 215 km/h e PSdeG e BNG apelan ao electorado do PP ourensán para desaloxalo

28M | O xornal La Región divulga novos audios do alcalde de Ourense, Gonzalo Pérez Jácome, nos que, segundo o xornal, o líder de DO e candidato á reelección "admite que xestiona diñeiro negro e se gaba de saber branquealo". Ao tempo, unha enquisa publicada polo mesmo xornal sitúa a PP e PSdeG ao bordo do empate técnico como primeira forza da vindeira corporación municipal, na que o partido de Jácome podería volver ser determinante.

• AMPLIAMOS 👉 O exceso de velocidade de Baltar e os audios comprometedores de Jácome axitan a batalla do 28M en Ourense
• HEMEROTECA | Rueda ve "tempo perdido" para Ourense o mandato de Jácome, a quen o PP deu a alcaldía
• HEMEROTECA | O PP pide a dimisión de Jácome na alcaldía de Ourense tras entregarlla e propiciar que seguise no posto

Atropelo múltiple en Vilanova: un coche levou por diante 11 persoas, entre elas un menor, ao irromper a pasada noite na carpa onde actuaba a París de Noia durante as festas de San Miguel de Deiro, segundo confirmou o 112. A condutora do vehículo perdeu o control por causas que se están a investigar. Segundo informa Diario de Pontevedra, os ocupantes do coche eran un coñecido narcotraficante e a súa esposa. Na imaxe, dos servizos de emerxencia e publicada por Pontevedra Viva, a zona do accidente minutos despois do suceso.

A oposición en Ourense pide á Fiscalía que investigue os audios nos que Jácome propón a dous funcionarios que asuman unha multa ao seu coche en Vigo. O alcalde responsabilizou da sanción a outro traballador. 

A Xunta asegura que a Sareb non ten dispoñible en Galicia ningún dos pisos comprometidos polo Goberno de España. Así o dixo a conselleria de Medio Ambiente, Territorio e Vivenda, Ángeles Vázquez, durante unha entrevista na Radio Galega. "É un despropósito e unha vergoña", engadiu. 

• A Sareb en Galicia, concello a concello: 1.800 vivendas rematadas e 1.200 obras en curso para axudar a paliar a falta de alugueiro social

O Goberno de España aprobará a concesión de avais de ata o 20% para a compra da primeira vivenda para xente nova. Será para mozos e mozas con ingresos anuais inferiores a 37.800 euros e ás familias con menores a cargo. 

• HEMEROTECA | A Xunta avalará hipotecas para mercar vivenda a mocidade que cobre ata 46.200 euros ao ano

O xornalista lucense Marcos Méndez recolle o XIX Premio José Couso. O gañador le o manifesto do Día Internacional da Liberdade de Prensa: "Hoxe máis que nunca temos que protexer a nosa profesión, a liberdade" . 

• O xornalista lucense Marcos Méndez gaña o XIX Premio José Couso pola súa cobertura da guerra de Ucraína dende o terreo

Gonzalo Pérez Jácome intentou que dous funcionarios asumisen unha multa ao seu coche en Vigo. Así o desvela La Región, que fai públicos uns audios que desmentirían a versión previa do alcalde de Ourense.