Fálase

Juan Carlos de Borbón regresará de Abu Dhabi e comezará o seu retorno a vindeira fin de semana cunha "visita rápida" a Sanxenxo, segundo afirmou o xornalista Fernando Ónega en Onda Cero. O rei emérito está nos Emiratos Árabes dende 2020, cando marchou de España en pleno aluvión de escándalos financeiros alegando a necesidade de "facilitar" o reinado do seu fillo. Na imaxe de arquivo, o anterior xefe do Estado en Sanxenxo, nuns premios náuticos.

• HEMEROTECA (abril 2022) | Por que o rei emérito non está en Sanxenxo (polo menos, de momento)

Un roteiro polas rúas de Lisboa, organizado polo Movimento Aú, amosou esta fin de semana as pegadas da comunidade galega na capital lusa. Os organizadores destacan que a poboación galega desenvolveu "un papel destacado en todos os grandes momentos da historia de Portugal", salientando que "nos séculos XVIII e XIX, se a comunidade galega parase a súa actividade, Lisboa pararía". O Movemento Aú botou a andar hai uns meses, coincidindo coa recuperación da festa tradicional galega do Amaro Navegante, que levaba 111 anos sen se celebrar.

Este sábado botou a andar a XII Edición do Festival Internacional de Xardíns de Allariz, cunha ducia de creacións que se poderán visitar ata o 30 de outubro. O tema elixido neste ano é o de “Xardíns Terapéuticos, deseños que curan”.

• Unha ducia de xardíns galegos para recibir a primavera

Alfonso Rueda xura o seu cargo como Presidente da Xunta de Galicia, converténdose no sexto da historia da autonomía.

As 12 horas comeza o acto de toma de posesión de Alfonso Rueda como presidente da Xunta, que terá lugar no Salón dos Reis do Parlamento de Galicia. Pódese seguir en directo a través deste enlace.

• Galicia estrea Goberno tres meses despois do “incendio” no PP no que Feijóo non quería perder moito tempo
• Alfonso Rueda, elixido sexto presidente da Xunta

As baixas laborais por regras dolorosas serán asumidas ao 100% pola Seguridade Social e durarán o que precise cada muller segundo a prescrición médica. En infoLibre, máis detalles do acordo pechado entre os ministerios de Igualdade e Seguridade Social sobre o texto que se incluirá na nova lei do aborto. Na imaxe, a ministra de Igualdade, Irene Montero, nun acto recente [© Ministerio de Igualdade]

• HEMEROTECA | Unha campaña de mulleres con endometriose denuncia o nesgo de xénero na Medicina a través da doenza que sofren 60 mil galegas

Así soa Pano corado, o novo das Tanxugueiras, un "canto ao amor libre e á diversidade". "O noso maior desexo é que cantedes ao noso carón en cada concerto para "rebentar con nós as vellas cadeas dos amores presidiarios", explican as cantareiras na presentación do tema. O videoclip xa pode verse en YouTube e o sinxelo está tamén dispoñible nas principais plataformas musicais. O vídeo é, outra volta, un traballo de Trece Amarillo.

• ENTREVISTA | "Queremos demostrar que a nosa música tradicional pode ter a mesma proxección que calquera outra"

O DOG e o BOE publican o real decreto polo que se nomea presidente da Xunta a Alfonso Rueda. Tras a elección este xoves no Parlamento de Galicia, este sábado tomará posesión do cargo.

• HEMEROTECA | Unha ducia de investiduras de presidentes da Xunta

Rusia cortará o subministro de gas a Europa a través de Polonia tras a sanción do Kremlin a 31 entidades de diferentes países, entre elas a que xestiona o gasoduto polaco. O prezo do gas dispárase un 20%. Foto: CC-BY-SA Boevaya mashina

Detido un traballador do metal que participaba na manifestación do sector na Coruña durante a segunda xornada de folga no siderometal da provincia coruñesa. A CIG condena a "actuación policial totalmente desproporcionada, brutal e inxustificada". Foto: CIG.