O Tribunal Europeo de Dereitos Humanos considera que a condena imposta a Pablo Fragoso, confirmada polo Constitucional, vulnerou o seu dereito á liberdade de expresión.
"Recuperar aspectos agochados ou desapercibidos permítenos construír un relato máis plural e democrático do noso pasado", defendeu o historiador Lourenzo Fernández Prieto este sábado no seu discurso de ingreso como académico de número na Real Academia Galega
Rey Varela cumpre cos prognósticos e volverá ser alcalde da cidade ferrolá. O PSdeG perde un edil e a alcaldía. O BNG obtén un concelleiro máis, mentres que Ferrol en Común queda con dous tras perder outro.
O PP, que non goberna ningunha cidade e só unha deputación provincial, necesita conquistar o 28M algunha praza de importancia e, da man de José Manuel Rey Varela, pon Ferrol no obxectivo. O PSdeG de Ángel Mato reivindica que a cidade está "máis viva" e Ferrol en Común (Jorge Suárez) e BNG Iván Rivas) buscan reforzar a actual maioría de esquerdas.
O Teatro Jofre acollerá o 28 de abril un acto público no que intervirán familiares das vítimas, representantes políticos e membros da Comisión Pro Memorial, que leva anos promovendo un monumento que recolla os nomes e cronoloxía das persoas represaliadas, cuxa construción comezará en breve, segundo anuncia o Goberno local
O encontro poético celebrará a súa derradeira edición entre o 27 e o 29 de abril e denuncia o "cru desprezo" do actual goberno municipal. Dende o 2008 pasaron pola cidade naval ducias de poetas, que levaron os seus versos a todo tipo de espazos, dende auditorios e bares ata rúas, prazas e mercados.
Unha concentración convocada por Esquerda Unida denunciou o "crime de guerra" cometido contra o xornalista, que "foi asasinado polas tropas estadounidenses" e criticou a posición do "actual Goberno progresista", que está "defraudando a unha familia que leva 20 anos de coherencia e loita". No acto tamén se lembrou a Pablo González, encarcerado dende hai un ano en Polonia.
A pasada semana publicouse no DOG con dúas décadas de atraso o plan reitor de uso e xestión (PRUX), que revela o proceso de eucaliptización do espazo e de redución e fragmentación do bosque autóctono. A Xunta investirá 1,1 millóns de euros para mercar parcelas e realizar "actuacións de conservación e restauración", pero o orzamento anual do parque roldará os 200.000 euros, unha "achega insuficiente" para o ecoloxismo, que critica a "falta de ambición" do plan.
A cidade naval volve ser o epicentro do Día da Clase Obreira Galega e volve render homenaxe a Amador e Daniel, nunha xornada na que tamén se lembrou a figura do histórico sindicalista falecido hai tan só uns días.
Entregaron un escrito ao alcalde e aos grupos municipais para levar o asunto ao vindeiro pleno. Na proposta faise referencia a 16 placas, estatuas, escudos, a catro rúas ou a unha vintena de honras e distincións a militares e políticos do Franquismo.
O ex-presidente e actual líder do PP acusa o titular do Goberno de España de "financiar a invasión de Rusia" coa importación de gas ruso que en realidade é responsabilidade de empresas como Naturgy. Reganosa, da que a Xunta é accionista cunha participación ampliada durante a presidencia do agora líder do PP, é a súa segunda vía de entrada no Estado. Dende o inicio da invasión pasaron por Reganosa 865.000 metros cúbicos de gas licuado ruso por un valor aproximado duns 487 millóns
A empresa de Mugardos na que o Goberno galego é accionista cede a cambio a Enagás 130 quilómetros de gasodutos que abastecen centrais eléctricas nas Pontes e Sabón e a refinería da Coruña, co compromiso de impulsar unha conexión de hidróxeno co resto da península