Co poeta Lois Pérez na dirección artística, a nova praza lucense da Mosqueira acolle un ciclo de catro noites de recitais durante o mes de xullo nas que a poesía e a música contemporánea dialogan con outras disciplinas artísticas. Tras comezar con Manuel Rivas e Dores Tembrás, continúa con Antón Reixa e Malandrómeda; Antía Otero e Berta Dávila e mais Lucía Aldao e María Lado
Durante tres días a vila acolleu milleiros de visitantes nunha celebración que trasladou o público asistente aos primeiros anos do século XX e ao tempo da emigración a América e do retorno dos indianos. Lila Downs puxo a música, con múltiples actividades nas rúas e prazas da localidade, engalanadas para a ocasión.
O ex-edil Liñares e outras tres persoas pactan coa Fiscalía un ano e catro meses de prisión e 6.000 euros de multa por suborno e pertenza a grupo criminal na adxudicación fraudulenta da ORA de Lugo en 2009
O Estado recortou a subvención de 2,4 millóns concedida a Vestas ao considerar, entre outros aspectos que investira en Viveiro 9,35 millóns e non os 12,5 que prevera. A compañía recorreu á Audiencia Nacional, que lle deu parcialmente a razón mentres executaba a reconversión da factoría mariñá, destruíndo a maioría dos postos de traballo
O plan do ministerio, rexeitado pola Xunta, elimina o paso polo centro de Pedrafita do tráfico en dirección á Meseta pero manteno en dirección a Galicia
O modelo de residencias da Deputación de Lugo "con prazas 100% públicas" que non buscan "o negocio nin a rendibilidade económica" aumentará ata os nove centros en funcionamento para cando remate este mandato. O Centro de Atención a Maiores de Becerreá destaca por promover o "arraigo", ao priorizar o acceso da xente da contorna tanto á residencia como ao centro de día.
PP, BNG e PSdeG apoian por unanimidade unha iniciativa dos populares na Cámara galega mentres no Congreso deputado do Bloque, Nestor Rego, vincula a construción da ponte coa corrupción e a titular de Transportes dille que se ten probas, vaia á Fiscalía
No marco dunha ampla axenda en clave local, centrada nestes días na provincia de Lugo, a portavoz nacional do BNG sinala que a residencia da vila mariñá, impulsada polo Concello coa Deputación lucense, supuxo "unha declaración de principios de como se poden poñer os dereitos das persoas maiores por diante do negocio"
O líder do PSdeG reclama "rigorosidade" ao Bloque porque "non todo vale". A portavoz nacional da formación nacionalista acusa a socialistas e populares de "protexer intereses partidistas e empresarias".
O grupo chinés Shanghai Keichuang traslada toda a súa actividade en Galicia a Salvaterra e pon fin á produción en Celeiro, nunha comarca pendente de Alcoa e que vén de asistir aos despedimentos en Vestas e á marcha atrás da fábrica de fibras téxtiles de Altri.
O "diagnóstico técnico sobre os fallos estruturais" determinará se cómpre "cambiar todo o viaduto" ou aínda cabe a posibilidade da reconstrución. O delegado do Goberno central en Galicia sinala que tamén dependerá desas pescudas determinar "se é necesario recorrer á vía xudicial" sobre o acontecido na infraestrutura, adxudicada en 1997 e inaugurada en 2001. A ministra de Transportes visita este venres a zona