Ourense

O Administrador de Infraestruturas Ferroviarias admite que o fallo na infraestrutura "provocou a avaría" no tren Avlo. Cando o deron retirado das vías comezaron os labores de reparación, que se estenderon "toda a noite". Do Irixo a Santiago os trens xa circulan por vía dobre pero de Ourense ao Irixo aínda o teñen que facer por vía única, polo que Renfe estima demoras de cando menos 20 minutos en todos os servizos durante este xoves

A eurodeputada do BNG inaugura na sede da Eurocámara en Bruxelas unha mostra con algunhas das imaxes máis destacadas do galardoado fotoxornalista ourensán sobre a loita contra os incendios en Galicia. Miranda e representantes do BNG en Ourense manteñen encontros con responsables da Comisión Europea sobre a loita contra o lume en Galicia, política forestal e seguimento dos datos de hectáreas queimadas

A Audiencia de Ourense atende o recurso do rexedor e anula o auto do xulgado que o enviaba a xuízo por prevaricación por non pedir a compatibilidade entre o seu posto público e a actividade privada xestionando unha canle televisiva. "Non toda omisión ou incumprimento dun deber por parte dun funcionario pode catalogarse de prevaricación administrativa omisiva por non ser equivalente a unha resolución arbitraria expresa", di o tribunal

O sindicato denuncia "as condicións de explotación que padecen arredor de medio cento de persoas traballadoras estranxeiras das subcontratas portuguesas"

Greenpeace realizou un estudo en seis colexios e institutos de Alacante, Barcelona, Madrid, Ourense e Sevilla para documentar, mediante cámaras termográficas, as elevadas temperaturas que se viven estes días nos centros educativos. No instituto ourensán as temperaturas mínimas nas aulas situáronse preto dos 27 graos e no centro do patio as zonas sen sombra superaron os 40 graos.

Competencia alerta dos riscos dun sector que se contrata "en situacións vulnerables", con ameazas como o control dos crematorios nas cidades por grandes grupos ou o dominio territorial dalgunha empresa na Costa da Morte, Deza ou a montaña de Lugo

O club fundado no ano 2014 por un grupo de seareiros despois da desaparición do equipo histórico da cidade e xestionado democraticamente por eles acada o ascenso á Primeira Federación. Os unionistas derrotaron o Conquense 0-2 e desataron a euforia na Praza Maior de Ourense.

Hai dúas semanas dous torques e o brazalete de ouro, de posible orixe castrexa e procedentes dunha colección particular galega, foron vendidos nunha poxa realizada pola casa Ansorena por un total de 210.000 euros

O devastador lume do pasado agosto foi provocado polas rozas dunha empresa contratada por Xunta e Concello, labores que non se suspenderon malia o risco extremo e as ordes de paralización que acabaron perdéndose polo camiño. A alcaldesa, chamada a declarar, recoñece que había instrucións de realizar eses traballos aquel día e que non era consciente de que non se puidesen realizar. 

O ministerio público calcula que a reparación dos danos causados en máis dun cento de hectáreas terá un custo de máis de 4,7 millóns de euros

As escavacións realizadas o pasado verán neste xacemento do Parque Natural da Serra da Enciña da Lastra e que tiveron que rematar de forma anticipada por mor dos grandes incendios forestais, acharon abundantes restos humanos, fragmentos cerámicos e obxectos singulares e revelan que a cova foi utilizada como lugar de enterramento colectivo durante a Idade do Bronce.

A Xunta declara Ben de Interese Cultural o conxunto de 81 covas construídas nesta localidade de Larouco, "exemplo dos xeitos de vida tradicionais e das relacións entre as xentes e os seus medios de produción" e da cultura do viño en Valdeorras. Na actualidade manteñen a súa actividade e constitúen tamén un espazo de encontro social, familiar e veciñal.