Catro integrantes da BRIF de Laza, presentados como "quizais as persoas máis importantes a día de hoxe en España" explicaron en que consiste o seu traballo ou como se usa un batelume. Ademais, alertaron da crecente "virulencia" dos incendios debido ao "abandono" do rural.
Adega, Grupo Naturalista Hábitat e Sociedade Galega de Historia Natural reclaman ao Goberno central e á Xunta que traballen para a restauración das 1.028 hectáreas que eran de dominio público, seguindo os obxectivos fixados en 2022 polo Ministerio de Transición Ecolóxica para a rehabilitación de zonas húmidas desaparecidas.
A Fiscalía pide 6 anos de cadea para o socialista Gerardo Seoane por delitos de prevaricación urbanística e contra a ordenación do territorio. E indica que a Consellería de Cultura chegou a pedir "o auxilio da Policía Autonómica para entregar ao acusado a notificación do informe antedito, negándose o acusado a asinar e recoller" a notificación
Neste século, cando parece que case non quedan territorios sen alterar pola nosa pegada no planeta, din que no Teixadal de Casaio, incluído no catálogo de bosques de árbores senlleiras de Galicia, é coma se non pasara o tempo. Alí, no medio dos teixos e da frondosa vexetación, con permiso da fauna do lugar, non é posible saber que día nin que ano é. Porén, este agosto vai deixar unha pegada neste espazo de especial conservación e protección da Rede Natura de Pena Trevinca, pois foi por estas montañas polas que chegou ata Casaio o lume máis voraz da súa historia
A comisaria de Medio Ambiente asegura, en resposta ao BNG, que adoptará "as medidas necesarias para obter máis información a fin de velar polo cumprimento" da normativa europea en materia de auga potable
Tras a vaga de incendios na que arderan 50.000 hectáreas e morreran catro persoas en dous días o Parlamento aprobara máis dun cento de medidas que, coidaba o PSdeG daquela, implicaban "recuperar as políticas do Goberno de Touriño e da consellería de Suárez Canal". "A maior traxedia non foron só os incendios, senón que a súa xestión quedase nas mans dun PP incompetente" e cunha "actitude negacionista e neglixente" ante a emerxencia climática, cre o líder socialista
Pontón incide en que a vaga de incendios é "un punto de inflexión" para mudar as "políticas forestais, ambientais e de desenvolvemento rural" da Xunta e pon sobre a mesa medidas que requiren dun "gran acordo de país" que "aposte por un medio rural vivo e produtivo, e que nos protexa fronte aos lumes"
"Chegounos o lume á porta da casa", conta María desde a aldea de Taboazas, onde lograron salvar as vivendas e puxeron a salvo á xente maior. Non tiveron tanta fortuna na aldea de Parafita, desde a que Carlos, gandeiro, explica como se lle queimaron as terras e mais o gando cun lume feroz que non vira na vida: "Perdémolo todo"
As lapas destruíron por completo San Vicente de Leira, en Vilamartín de Valdeorras, no mesmo día no que a veciñanza do Canizo, na Gudiña, salvou por pouco as súas casas. Magdalena e Raquel, veciñas, relatan a batalla do pobo en solitario contra incendios "nunca vistos" e o "inferno" no que se converteron dous núcleos aos que non chegaron medios: "Non veu ninguén".
O fogo de Chandrexa, o segundo máis grande da historia en Galicia, iniciouse en Requeixo, unha das parroquias de alta actividade incendiaria, onde o Goberno galego intensifica a atención e a "disuasión" e aplica "medidas extraordinarias" de prevención e protección. A Granxa, onde prendeu o lume de Oímbra, tamén está incluída nesta listaxe, ao igual que outros seis núcleos que sufriron as lapas este ano.
A unión dos dous focos en Chandrexa de Queixa e logo a outro en Vilariño de Conso creou un gran fogo de máis de 16.000 hectáreas, o meirande documentado no país, que afecta sete concellos. Moi preto, en Maceda tamén confluíron dous importantes incendios e en Oímbra e A Mezquita hai outros dous de 10.000 e 9.000.
"Ninguén nos preguntou nada, pero estamos preparados. Temos o noso propio plan de evacuación, comezando pola xente maior da aldea", conta Raquel de Acevedo, unha aldea de Chandrexa de Queixa á que aínda non chegou o lume