Ourense

En vésperas das municipais, os bipartitos de PSdeG e BNG seguen gobernando con normalidade mentres os do PP con DO en Ourense para salvar a Baltar racharon varias veces. Tras lograr non ser xulgado ata despois das eleccións por conducir o coche oficial a 215 km/h, Baltar expresouse en termos de "situación gravísima" que "invalida para a política". Referíase aos audios de Jácome publicados por 'La Región', que xa investiga a Fiscalía e que o alcalde ourensán sinala como parte dunha operación da "mafia" que "orquestra" o PP, co que non se pecha a volver pactar

O presidente comparte mitin en Ourense horas despois dun novo adiamento, a despois do 28M, do xuízo por un delito contra a seguridade viaria ao seu compañeiro de partido, a quen a xustiza advertiu de sancións engadidas por non comparecer antes

O popular ourensán converte o seu xuízo rápido por delito contra a seguridade viaria nunha vista penal ordinaria que se celebrará tres días despois dos comicios do 28M e Rueda xustifica que está no seu dereito

O alcalde de Ourense e líder de DO acusa o xornal 'La Región' de "manipular" e "adulterar" gravacións obtidas cun "micrófono oculto" no seu despacho porque, di, "se xoga 10 millóns" de euros por mandato municipal e el non os entrega. Négase a responder preguntas sobre os contidos concretos dos audios, que "non valen absolutamente nada" por non seren "orixinais", estar "editados" e obtidos de maneira "ilegal", augura que vai "arrasar" nas urnas tras este "ataque", que ve "orquestrado" tamén polo PP, se ben admite estar aberto a un novo pacto con Baltar

BNG e PSdeG centran na crise ourensá o Pleno do Parlamento mentres o presidente cualifica de “conduta inaxeitada” o presunto delito de seguridade viaria cometido por Baltar e culpa os socialistas de que Jácome sexa alcalde por non repartirse cargos co PP

Tras rexeitar o xulgado de Seabra o adiamento solicitado polo avogado do presidente da Deputación e do PP de Ourense, o letrado non atendeu a comparecencia por vía telemática que ditara a xuíza, abocada a fixar unha nova data. Mentres, o alcalde e aspirante á reelección anuncia que xa presentou "unha denuncia no Xulgado" e asegura que as gravacións nas que, segundo 'La Región', alude a condutas como branqueo de cartos, están "editadas e manipuladas", ademais de seren "ilegais" e procuraren "eliminalo" como candidato o 28M

En vésperas da comparecencia do 'barón' do PP ourensán ante a Xustiza polo seu presunto delito contra a seguridade viaria, 'La Región' publica gravacións que amosan a Jácome tentando que funcionarios municipais asuman unha multa de tráfico e "admitindo que xestiona diñeiro negro e se gaba de saber branquealo" , destaca o xornal

No pleno extraordinario forzado polo PSdeG para pedir máis explicacións pola infracción do presidente da Deputación ourensá aos mandos do coche oficial e esixirlle a dimisión, o voceiro do PP  ve todas as preguntas "respondidas" e socialistas e nacionalistas advírteno de que defenderen a Baltar xa os "prexudica" ante a cita electoral do 28M: "Votar a calquera candidato do PP de Ourense implica apoiar este xeito de conducir a institución"

"Non", respondeu o presidente da Deputación e do PP de Ourense á pregunta de se dimitirá por este caso. A viaxe, afirma, debeuse a que tiña "varios encontros de xestión ordinaria como presidente" en Madrid, se ben non "pernoctou" nesa cidade. O 'barón' ourensán di que tivo outras dúas multas no coche da Deputación como presidente e nega que unha delas fose a imposta por circular a 157 km/h na N-120 entre Monforte e Pantón, viaxe na que "o xefe do parque móbil", mantén, non puido "identificar" con "certeza" quen conducía

A Garda Civil xa remitiu ao xulgado da Pobra de Seabra o atestado sobre o exceso de velocidade do presidente da Deputación de Ourense, que atribúe o seu "erro illado" a que circulaba por "unha longa recta (...) sen referencias". Segundo as medicións definitivas dos axentes, Baltar superaba o limiar do delito contra a seguridade viaria por exceder en 80 km/h o límite permitido. O presidente da Xunta ve "moi importantes" as "desculpas" do barón ourensán, que segundo varias informacións xa fora multado varias veces por exceso de velocidade a bordo do coche da Deputación

Os estatutos do partido contemplan a “competencia exclusiva e excluínte” do Comité Nacional de Dereitos e Garantías para instruír e resolver un expediente de calquera afiliado que pertenza a “calquera órgano nacional” do PP, como ocorre con Baltar