Ourense

A Xunta reinicia a tramitación do proxecto logo de que na documentación orixinal figurasen datos doutra planta similar que a empresa impulsa a 200 quilómetros

Un traballador morre e outro resulta ferido nun sinistro cun elevador nas obras da alta velocidade na aínda pendente variante de entrada a Ourense, en San Cibrao das Viñas

O incendio que en agosto arrasou o espazo protexido de Pena Trevinca afectou á mina existente en Casaio (Carballeda de Valdeorras). A Asociación Científica Sputnik Labrego, en colaboración co Albergue Eco dos Teixos e a Comunidade de Montes de Casaio e Lardeira, chaman a recadar fondos para protexer as instalacións que na Segunda Guerra Mundial explotaron os nazis.

Concellos da comarca, que sufriron xa restricións de auga polas escorreduras das primeiras chuvias, advirten de problemas máis graves coas próximas precipitacións e sinalan a Xunta pola súa "inacción": "Deixáronnos sós nos incendios e déixannos agora".

A Comisión Europea, preguntada pola recente sentenza que condena a inacción de Xunta e Estado, lembra que tamén está pendente de que o Estado aplique a directiva que obriga a designar zonas vulnerables á contaminación por nitratos

A entidade ecoloxista mobilizará esta fin de semana máis de 70 voluntarios e voluntarias para realizar labores de control de erosión e freo de escorrentías coa colaboración dos concellos da Rúa, Petín, O Barco, O Bolo e Vilamartín. Insta a Xunta, confederacións e deputacións a promover un voluntariado galego para a restauración hidrolóxica e ambiental das zonas queimadas que teña un carácter único e integrado e que sexa permanente ao longo do ano.

A Audiencia de Ourense sentenza ao socialista Gerardo Seoane a dous anos de cadea, un de inhabilitación como promotor de obras e multa de 2.500 euros por un delito contra a ordenación do territorio, e absólveo de prevaricación urbanística

O realizador chairego Daniel Canto retrata cun dos drons da súa produtora, Vagalume Audiovisual, a destrución causada polo lume o pasado agosto en varias das localidades ourensás máis afectadas. "Os que nos dedicamos a isto temos a responsabilidade de amosar o que pasa en realidade", explica Canto, especialmente impresionado polo visto na "arrasada" aldea de San Vicente de Leira

Unha mobilización reúne máis dun milleiro de persoas que amosan a "indignación" dunha comarca "cansa e queimada" tras a vaga de incendios: "Non queremos máis desculpas. Queremos un futuro verde, con vida, con esperanza".

Catro integrantes da BRIF de Laza, presentados como "quizais as persoas máis importantes a día de hoxe en España" explicaron en que consiste o seu traballo ou como se usa un batelume. Ademais, alertaron da crecente "virulencia" dos incendios debido ao "abandono" do rural.

Adega, Grupo Naturalista Hábitat e Sociedade Galega de Historia Natural reclaman ao Goberno central e á Xunta que traballen para a restauración das 1.028 hectáreas que eran de dominio público, seguindo os obxectivos fixados en 2022 polo Ministerio de Transición Ecolóxica para a rehabilitación de zonas húmidas desaparecidas.