O Goberno galego cumpre agora a obriga que se deu a si mesmo en 2010 de crear un rexistro da súa administración paralela, na que Contas vén detectando todo tipo de irregularidades
CIG Ensino considera unha "censura intolerable" que a Xefatura de Inspección da provincia de Lugo prohiba ás direccións dos centros facilitar información como número de estudantes ou unidades de cada centro ás asociacións de nais e pais que a solicitan. A Plataforma Galega na Defensa do Ensino Público chama a manifestarse "contra os recortes" nos centros educativos o vindeiro 26 de outubro en Santiago
As primeiras metades de cada ano viñan ofrecendo mellores rexistros de demora sanitaria que as segundas, nas que coinciden as vacacións do verán e o Nadal, pero iso non ocorreu este ano, no que Sanidade segue lonxe dos rexistros previos á pandemia
Os 3.500 pisos protexidos prometidos polo Goberno galego para esta lexislatura contrastan co non feito na década e media anterior e coas máis de 18.000 inscricións do Rexistro de Demandantes de Vivenda Protexida, case a metade en Vigo e na Coruña
Óscar Puente eleva de 55 a 82 millóns o que destina cada ano a subvencionar peaxes pero nin ve viable xuridicamente transferir a autoestrada nin economicamente rescatar a concesión
Álvaro García Ortiz, cunha dilatada traxectoria en Galicia como fiscal especializado en incendios e medio ambiente, está investigado no Supremo a instancias da parella de Ayuso, que o acusa de revelación de segredos no seu caso por fraude á Facenda pública. Foi visto como unha figura incómoda para os populares galegos polas súas consideracións sobre o caso Prestige ou ao negar a existencia dunha suposta trama de "terroristas incendiarios" á que se aferrou Feijóo na vaga de incendios forestais de 2017
Os 330 millóns que o Goberno galego di aforrar por pagar antes do previsto as autovías son apenas o 1,8% dos máis de 18.000 millóns que todos os departamentos da Xunta teñen comprometidos para os próximos anos
Os populares replican ás críticas de inacción por parte de BNG e PSdeG ante a caída do marisqueo reclamando que o Goberno de España deixe de cobrar a seguridade social ás mariscadoras
elDiario.es revela que 272 adxudicacións directas á empresa do irmán da secretaria xeral da Presidencia para rexistrar marcas da Xunta suman máis de 782.000 euros dende 2018. Pontón coida que este é "un novo caso de chanchullos do PP" e insta a Rueda a comparecer na investigación, xa que "o salpica directamente". Besteiro advirte de que Beatriz Cuíña "non é un cargo calquera" e pedirá a súa comparecencia na comisión
A Xunta tiña pendente de pagar 625 millóns en canons anuais ata o remate das concesións entre 2035 e 2040, pero pagará xa 297 e asumirá directamente a xestión e mantemento das infraestruturas
Pagados con fondos europeos e creados por decisión do Ministerio de Igualdade, o Goberno galego subcontratará a OHL os de Vigo, Ourense, Lugo e Ferrol e a Eulen o de Santiago
Nos dous últimos anos a Xunta converteu en habitual non responder as solicitudes de acceso a información ao amparo da Lei de Transparencia, negativa que pasou do 4% a máis do 25% dos expedientes