Política

En resposta a unha pregunta sobre seguridade formulada por eurodeputados de varios países, entre elas a galega Ana Miranda, a Comisión Europea di que supervisa se catro estados cumpren a directiva de 2016 e dous a de 2004, entre eles España

Os procesos xudiciais contra a Corporación deitan luz sobre o que comité e persoal mobilizado cualifican de "manipulación informativa". Un xornalista denunciou a modificación dunha peza para agochar a suba do IPC en Galicia, caso que foi analizado con detalle na súa demanda e na vista oral. O comité denunciou o "traslado forzoso" do xornalista e a corporación pública nega que aplicase represalia ningunha

A Xunta Electoral Central responde ao titular do Goberno galego que alegar que falou a título persoal dende o atril de San Caetano implica admitir a "utilización inadecuada de recursos públicos" a prol do PP e "se así fose", advírteno, "quedaría deslexitimado" que a Asesoría Xurídica da Xunta o defendese, como así sucedeu. Nas declaracións denunciadas respondera que o PSOE daba mostras de "desesperación", subliñou que nos actos electorais do PP percibía ansias de "cambio" e deu a Feijóo como "gañador" do debate de RTVE ao que non foi

"Era o que faltaba, que desde o Concello traiamos xente á cidade e que cando vaian ás Cíes a Xunta lles cobre", di o rexedor sobre a enquisa do Parque das Illas Atlánticas sobre un "suplemento" para mellorar a recuperación de flora e fauna

"Despois das críticas electoralistas, a oposición xa cre no Plan Galicia", mantiña Feijóo como conselleiro en agosto de 2003, cando augurou o remate do eixo atlántico de alta velocidade para 2007 (foi en 2015) e a conexión coa Meseta para 2010 (foi en 2021). Nos lustros posteriores culpou a PSOE e BNG dos incumprimentos

A deputada Olalla Rodil esixe que se abra de maneira "inmediata e coa máxima dilixencia" unha investigación sobre a denuncia da Asociación Galega de Inspectores e Inspectoras de Servizos Sociais, cuxos feitos relatados considera "escandalosos". 

O sistema de financiamento autonómico vixente está caducado dende 2014 e as negociacións para a investidura reactivan o debate ao respecto. O Bloque censura a "sobreactuación" do actual presidente e aposta por concretar a posición galega con demandas como lograr a cesión dunha maior porcentaxe do IVE ou do IRPF. Os socialistas lembran que o debate do novo financiamento polo momento "non existe como tal"  e lamentan que Rueda semella centrado en "salvar ao soldado Feijóo"

Hai dous anos e medio Feijóo prometeu instalar o servizo na Cidade da Cultura pero agora o goberno de Rueda xustifica no "equilibrio territorial" e a "descentralización" a decisión de emprazalo no parque tecnolóxico de San Cibrao das Viñas