Política

As viaxes previas á habilitación de Garzón para a liña Ourense-Santiago fíxoas pola vía paralela á do accidente, máis segura, e non recibiu advertencias tras a alerta sobre a curva que outro maquinista lanzou ano e medio antes do accidente. O outro acusado, ex-xefe de seguridade de Adif adiou a súa declaración ata o próximo xoves "afectado" polo intento de agresión que sufriu este mércores polo pai dunha moza morta en Angrois

Os gobernos de España e Alemaña insistiron na Coruña na alianza para impulsar o gasoduto Midcat e apremar a Francia, que se opón á iniciativa. "Estudarémolo", dixo Sánchez sobre o convite alemán a unirse ao seu escudo antimísiles nunha tarde de forte despregamento policial no centro da cidade na que a alcaldesa Inés Rey aproveitou para formular diversas peticións ao Estado en clave local

Praza.gal solicitou ao abeiro da Lei de Transparencia os datos da enquisa sobre fusións municipais da que a Xunta publicitara algunhas cifras. Tras dous recursos, o Goberno di que só ten parte dos datos mentres a Fundación que fixo o inquérito completa un traballo máis amplo e só revela as "principais conclusións", como que o apoio ás fusións cae ao 56% se implican ao propio concello ou que "a poboación se identifica primeiro con Galicia, seguida da aldea ou vila de residencia e o barrio"

A maxistrada desbota todo tipo de queixas que demorarían unha vista cuxa primeira xornada comezou co maquinista exposto ás cámaras e rematou co ex-cargo de Adif protexido das vítimas pola policía

Os desafiuzamentos seguen multiplicando practicamente por 15 os novos casos de ocupacións en Galicia. Mentres o Poder Xudicial difunde estes datos, Rueda axita no Parlamento a pantasma da ocupación en resposta a Pontón (BNG), que lle reclama máis investimento en "políticas sociais de vivenda". O presidente defende medidas como a previsión de 1.200 novas vivendas protexidas e asegura sen citar dato ningún que moitas persoas "teñen unha vivenda que non usan e non se atreven a poñela en aluguer" por se llela ocupan. 

O comité intercentros e máis de 30 organizacións políticas, sindicais e sociais convocan unha marcha o 6 de novembro en Compostela "por unha CRTVG ao servizo do pobo" e piden á cidadanía que "saia ao rescate dos seus medios". 

O proxecto orzamentario, cun montante récord, inclúe fondos para subir as pensións arredor do 8,5% e así compensar a inflación. O financiamento das comunidades autónomas aumenta un 24% e o gasto en defensa, na contorna do 25%. O acordo dos socios de Goberno implica tramitar "urxentemente" a lei de familias, con medidas como un novo permiso parental de 8 semanas

Cando en maio asumiu a presidencia do partido en Galicia, Rueda evitou meter na súa directiva a membros do Goberno galego para descargalos de traballo, pero agora a maioría teñen responsabilidades sectoriais no PP estatal

Parte das súas competencias tamén están atribuídas a outros órganos xa existentes, pero o Goberno galego asegura que non supón un incremento de custo 

O pasado domingo Fratelli d'Italia gañou as eleccións no país transalpino. É a primeira vez dende a Segunda Guerra Mundial que a ultradereita vai liderar un dos grandes países europeos. Falamos con Alfonso López Rodríguez, profesor da Facultade de Ciencias Políticas da USC, sobre os factores que alimentan o ascenso destas forzas e como combatelas

No outono de 1987, o socialista Fernando González Laxe foi investido presidente da Xunta tras desbancar mediante unha moción de censura o popular Fernández Albor, albo de conspiracións no seu propio partido.

Adif enfróntase ao paradoxo de que unha condena do seu ex-director de seguridade limitaría o accidente ao seu erro persoal, mentres que se só é sentenciado o maquinista certificaríase a incapacidade do sistema de paliar o risco previsible que había na curva