Política

Ana Pontón vén de facer dez anos como portavoz nacional do BNG. Encabeza a oposición á fronte dun grupo parlamentario catro veces máis amplo que o logrado daquela. Ante o avance global das dereitas di estar convencida de que cómpren "políticas valentes" e de que, no caso galego, en torno a un Bloque "que non ten teito" existe xa unha "nova maioría que quere políticas alternativas" ás dun PP que, sostén, só lle resta facer "propaganda para ver se convence de que vai facer o que non fixo en 20 anos". Conversamos con ela sobre estes anos, a situación política do país e do Estado e asuntos clave como a vivenda, a transición ecolóxica ou a industria tras o fracaso de Altri

Tras a ratificación no cargo da Valedora, Dolores Fernández Galiño, renóvase o posto adxunto, ata agora ocupado por María Xosé Porteiro, proposta en 2019 polo PSdeG como segunda forza, lugar que agora ocupa o BNG

O sindicato SLTA vén denunciando as condicións laborais do persoal en beneficio das empresas, envoltas en reiteradas polémicas en Galicia cos helicópteros de salvamento, incendios ou sanitarios

Un dos documentos desclasificados este mércores, manuscrito e atribuído ao CESID, sitúa o político de Vilalba en dúas conspiracións en marcha que en 1981 buscaban sacar a Suárez do poder por vías non democráticas. Nos textos tamén se detalla o coñecido incidente que protagonizou ás nove da mañá do 24 de febreiro, no que puxo en perigo ao resto de deputados.

Unha petición oficial de transparencia formulada ao gabinete do presidente logo de admitir que coñece o acordo é desviada a Industria, que previamente respondera á Valedora do Pobo que esa documentación "é descoñecida"

A reclamación de chamar CEIP da Almáciga ao actual colexio Apóstolo Santiago partiu da asociación de nais e pais e, tras "dous cursos de reflexión, debate e participación" recibiu apoio unánime do Consello Escolar. Os populares ligan a proposta a "un perigoso proceso de eliminación de todo o que significa Santiago de Compostela" que atribúe á alcaldesa, Goretti Sanmartín (BNG). Para o goberno local, o PP "falta ao respecto á comunidade educativa, ao barrio e á intelixencia"

Un informe de Defensa "sobre a ameaza interior" agora desclasificado minimizaba "o espectro separatista galego" 

Mentres non se adxudique o novo concurso o servizo seguirá prestado pola empresa que o viña facendo, Eliance, que acumula ducias de incumprimentos

O Goberno de España publicou este mércores ao mediodía a documentación desclasificada sobre o intento de Golpe de Estado do 23F. Varios informes policiais, realizados pola Jefatura Superior de Policía da Coruña, detallan a resposta que o Golpe de Estado tivo nas rúas galegas, principalmente a cargo de sindicatos, forzas políticas de esquerda e grupos estudantís. 

A actual vicepresidenta segunda e ministra de Traballo, cabeza de cartel de Sumar nos comicios de 2023, anúnciao nunha carta aberta para dar a coñecer o que define como "decisión moi meditada" que xa comunicou "aos meus seres queridos, ao conxunto do meu espazo político e ao presidente do Goberno".

O presidente insiste en que coñece o acordo logo de que a Consellería de Industria o negase á Comisión da Transparencia