A empresa recoñece que a súa posición "é menos sólida que hai uns meses", ao carecer do apoio do Estado, despois que de o Goberno central anunciara que deixaría de defender nos tribunais a prórroga concedida por Rajoy
O Salón do Libro Infantil e Xuvenil de Pontevedra vén de facer 20 anos. Fíxoo apelando á revolución como eixe temático. Se cadra a palabra algo exaxera, sendo estritos co significado do termo. Mais do que non hai dúbida é de que eventos coma este contribuíron, e moito, a transformar a cidade. Falamos coa concelleira de Cultura, Carme Fouces, unha das principais responsables do impulso do Salón.
O xiro do Goberno de España ao deixar de opoñerse aos recursos do Concello, Greenpeace e APDR contra a prórroga concedida polo Executivo de Rajoy volveu abrir a porta a que a pasteira saia da ría. A declaración política promovida polos populares pola vía de urxencia non terá efecto práctico ningún, pero axitará a axenda preelectoral
Pontón censura que, tras prometer o traslado, o presidente "se comportase como conselleiro delegado de ENCE" tras decidir o Goberno de España non seguir defendendo a prórroga nos tribunais. Feijóo resalta que a súa promesa implicaba trasladar a factoría "dentro da comarca de Pontevedra", onde non hai ningún punto que reúna as "condicións" de proximidade a peiraos, consumo de auga e electricidade, matiza
Ana Pontón destaca a cidade e a xestión do actual alcalde como "referencia", non só para o nacionalismo senón a nivel "internacional"
Os días 3 e 4 de maio Lalín acollerá a IV Edición da Festa do Orgullo, un evento que comezou a celebrarse no ano 2016 e que conta coa colaboración na súa organización de colectivos de toda Galicia.
Aclara que a prolongación da concesión é excesiva e non axustada a dereito e que o Executivo do PP non xustificou por que ENCE non pode mudarse a outro lugar. Feijóo carga con dureza contra o Goberno central e contra unha posible marcha da pasteira tras defender o traslado durante anos.
Desmárcase da decisión de Rajoy e renuncia a opoñerse aos procedementos xudiciais do Concello, a APDR e Greenpeace. A Avogacía do Estado advirte que a prórroga só é viable de non haber outra ubicación para a fábrica e que os 60 anos máis "non son conformes a dereito". A empresa advirte das consecuencias no emprego.
O asasinato de María Jesús en Valga producíase case ao mesmo tempo que en Sober se desenvolvía o funeral da muller orixinaria da vila asasinada pola súa parella o pasado 8 de marzo en Madrid. Colectivos feministas, forzas políticas e gobernos transmiten a súa repulsa por estes asasinatos e chaman ao rexeitamento social da violencia de xénero
En decembro, 33 internos do programa de Saúde Mental enviáronlle unha carta convidándoo a visitar a prisión, dicíndolle que a súa música lles achegaba “paz e harmonía perfecta en medio de tanta loucura”.
A pasteira obtivo un beneficio neto de case 132 millóns de euros en 2018 grazas á boa marcha do mercado da celulosa a nivel mundial. As remuneracións dos seus conselleiros, entre os que permanecen dous ex-altos cargos do PP, sumaron case 3 millóns de euros nun ano
Somos Cambados revela un certificado que lle atribúe o 20% da propiedade como resposta ás acusacións dos populares contra a alcaldesa socialista pola relación do seu marido cun investigado nos anos noventa