Santiago

Martiño Noriega concorre por segunda vez á alcaldía de Santiago. Está a desenvolver unha axenda "maratoniana" na que o debate público semella ser un dilema a dúas bandas: Compostela Aberta ou a súa remuda polo PSOE de Bugallo, ao que Noriega achaca que elixiu  o "marco da dereita". Cre que volve chegar ás urnas con posibilidades de goberno, agora explicando que "fomos quen de acreditar que non é incompatible un discurso transformador coa normalización institucional"

Fomento confirma que os novos 18,5 quilómetros da autovía Lugo-Santiago entran en servizo este 24 de maio de 2019, polo que estarán abertos 66 dos 94 quilómetros do trazado máis de vinte anos despois da inauguración do primeiro tramo, de Compostela ao aeroporto

Santiago chegou ás eleccións municipais de 2015 cun escenario político revolto, marcado pola sucesión de tres alcaldes do PP entre sospeitas de corrupción; fronte ás crises dos populares e os problemas internos do PSdeG chegara a aposta de Compostela Aberta con Martiño Noriega á fronte

Noriega asegura que se segue a gobernar na capital galega, a municipalización da auga "ten que materializarse no primeiro tramo do mandato". Bugallo ratifica que esta municipalización "non é unha aspiración do Grupo Socialista" e Compostela Aberta resalta a postura a prol do alcalde de Valladolid, membro da Executiva do PSOE, que recuperou a xestión directa deste servizo

Feijóo láiase nun acto de campaña de que o treito central da A-54, de Melide a Palas, non vaia estar rematado para o Xacobeo 2021 aínda que os contratos adxudicados polo Goberno de Rajoy xa situaban o remate entre finais de 2022 e comezos de 2023

Feijóo proclama a necesidade de "unir o voto" na capital galega porque "só hai dúas opcións, a de Martiño Noriega ou a de Agustín Hernández". O líder do PPdeG advirte de que en Andalucía "non hai un goberno con Vox", senón un "pacto moi concreto" coa formación de extrema dereita para "un goberno alternativo". "Eu creo que por aí imos seguir", admite

A sinalada polos axentes como agredida "solicitou o arquivo" da causa e que non fosen impostas medidas cautelares contra Luciano Méndez. A Fiscalía, baseándose no testemuño dos gardas, ve motivos dabondo para acusalo dun "delito de maltrato de obra no ámbito da violencia de xénero"

Augas de Galicia cualifica as actuación de Explotaciones Gallegas como posible "figura delitiva" por desviar un regato sen autorización. A empresa xa foi multada en tres ocasións en medio ano pola Administración.

1.600 nenos, nenas e profesorado dos centros de ensino da comarca participaron nunha nova edición desta iniciativa, que nesta ocasión tivo como lema "O galego é a fórmula", reivindicando que remate a prohibición de impartir as materias científicas na lingua propia do país.

O cantautor portugués regresa a Compostela no marco do espectáculo Lorca namorado, creado por Abe Rábade para as festas da capital galega, polas que tamén pasarán artistas e bandas como Susana Seivane, Baiuca,  Davide Salvado, Najla Shami, Brassica Rapa ou Chicharrón, entre outros

“Respecto e valoro o traballo doutras forzas progresistas, pero o mellor é que o bloque progresista estea encabezado polo PSdeG”, responde Gonzalo Caballero á pregunta pola unión da esquerda tras as municipais