Coronavirus

Cando, a vindeira semana, a Xunta suspenda a emerxencia sanitaria declarada o 13 de marzo de 2020 e aprobe a nova ampliación de ocupacións máximas en interiores, case o 85% da poboación total do país estará vacinada por completo contra a COVID. A incidencia acumulada, que cada vez ten menos peso para decidir restricións, rolda os 16 casos novos por cada cen mil habitantes a 14 días e as persoas hospitalizadas con test positivo da COVID volven ser menos de 40

Nos 13 primeiros días de outubro notificáronse 401 novos positivos en Galicia, unha cifra que a finais de agosto se acadaba nun só día. Ademais, só oito localidade tiveron máis de 10 contaxios nas últimas dúas semanas e 216 concellos están libres de COVID.

O curso comezou con 367 positivos nas aulas, que en catro semanas ficaron reducidos a unha quinta parte. A incidencia nos menores de 12 anos descende rapidamente e xa se sitúa preto da media

O Ministerio de Sanidade e as comunidades aprobaron esta semana a administración de doses de reforzo aos maiores de 70 anos, pero tan só o 35% da poboación mundial está vacinada contra a COVID, o que incrementa o risco de mutacións resistentes aos actuais tratamentos. Falamos con Agustín Montes, profesor de Saúde Pública da USC, e con Xosé María Torres, voceiro de patentes da ONG Farmamundi, que cualifica a decisión de "egoísta"

Dende as 00:00 deste sábado decae oficialmente o mapa de restricións e entra en vigor o novo protocolo, marcado pola ampliación xeral ao 90% das ocupacións máximas en interiores. As persoas coa COVID ingresadas nos hospitais seguen sendo arredor de 40 e a campaña de vacinación está a piques de superar o 93% das persoas de 12 ou máis anos con pauta completa

Case o 70% da poboación de Galicia vive en municipios que rexistraron menos dunha decena de novos casos do coronavirus en 14 días. Apenas 40 persoas están ingresadas nos hospitais galegos con test positivo da COVID e a positividade das probas de detección do virus rolda o 1%. 

Dende hai varios días persoal de enfermaría está a realizar dende os centros de saúde chamadas a quen consta como non vacinado. Falamos con dous destes profesionais sobre os casos que están a atopar, cunha parte significativa de persoas que residen noutras comunidades autónomas ou noutros países, onde xa foron inmunizados.

A Xunta disponse a plasmar no DOG unhas ampliación da ocupación máxima do 90% no groso de actividades sociais, económicas e culturais, onde xa non haberá límite máximo de persoas participantes. Nos concertos, a ampliación ao 90% aplicarase co público sentado; se está de pé, no exterior queda no 66% e no interior, no 50%. Na hostalería, a ocupación máxima das mesas pasa de 8 a 10 persoas no interior e de 15 a 20 nas terrazas

Aumentaron as marchas convocadas por partidos políticos e descenden as impulsadas por colectivos cidadáns. Reduciuse especialmente o número de mobilizacións con reivindicacións laborais ou ecoloxistas e aumentaron as contrarias a "medidas políticas e lexislativas" e as ligadas a temas sanitarios e educativos

A Xunta actualiza e relaxa as medidas do protocolo para o ensino, que aclara que un convivente dun contaxiado por coronavirus poderá ir ás aulas se está inmunizado ou pasou a doenza nos últimos seis meses. 

Esta semana descende o número total de casos activos nos colexios, pero aumenta de 19 a 24 o das aulas pechadas. Dúas escolas de Foz e O Barco concentran o maior número de positivos. Os e as menores de 11 anos, aínda sen a vacina, sofren máis contaxios que calquera outro grupo de idade.

Ao redor dun terzo das persoas que superaron a COVID seguen sufrindo secuelas varios meses despois de dar negativo, sobre todo fatiga, dor de cabeza, perda do olfacto e do gusto, dores musculares e problemas respiratorios de maior ou menor gravidade. Falamos con Carmen Montero, coordinadora da unidade postCOVID do CHUAC da Coruña, creada para tratar estes pacientes.