A nova relaxación nas restricións chega mentres a incidencia acumulada do coronavirus a 14 días baixa de 100 casos novos por cada cen mil habitantes por primeira vez en dous meses e medio e as 134 persoas ingresadas con test positivo son 35 menos que hai unha semana. Todo, cando o país xa superou o 80% de poboación con pauta completa da vacina
Con máis do 80% da poboación vacinada e á cabeza do Estado, o presidente di que Galicia é “a comunidade con menos vacinas por habitante”. Pontón advirte a Feijóo de que os médicos volverían a Galicia "con mellores contratos" e Caballero aféalle que a Xunta non sometese o certificado COVID á supervisión xudicial ata que así llo reclamou o Superior, varias semanas despois
Ao contrario que o TSXG, considera que amosar o certificado de vacinación, de test negativo ou de ter a enfermidade superada é unha medida "axeitada", "acorde coas esixencias" de "protección da saúde" e sen impacto excesivo en dereitos como a intimidade ou a igualdade. A sentenza chega na véspera da implantación do novo protocolo da Xunta para a hostalería que, cando menos de momento, segue adiante segundo o previsto
As cifras de casos novos do coronavirus detectados polo Sergas son as máis baixas dende finais de xuño; a incidencia acumulada a 14 días está a piques de baixar dos 100 casos por cada cen mil habitantes e a 7 días xa está por baixo de 40
No seu traballo de fin de grao, Moisés del Puerto, hoxe xa egresado da Escola de Enxeñaría Aeronáutica e do Espazo da Uvigo, investigou a circulación de aerosois nunha aula do campus de Ourense e concluíu que a distancia mínima debería ser superior á fixada nos últimos meses
O Sergas notifica menos de cen casos novos en vinte e catro horas por primeira vez dende xuño e as 158 persoas ingresadas con test positivo da COVID ás seis da tarde do domingo eran 43 menos que unha semana antes. Só quedan tres concellos cunha cobertura da vacina con pauta completa inferior ao 70% e nun cento xa supera o 90%
Máis do 75% das doses postas este pasado sábado en Galicia foron para persoas sen cita, na primeira xornada na que se abriu esta posibilidade. Os casos activos baixan dos 4.000 e as novas infeccións detectadas quedan en 146.
Os casos activos de coronavirus sitúanse nos 4.000, unha cifra algo superior aos da xornada anterior pero 2.600 menos que hai unha semana e a metade que a final do mes de agosto.
A vindeira semana, coincidindo co inicio do curso no ensino secundario, os mozos e mozas desa xeración recibirán a pauta completa, o que elevará por riba do 90% a porcentaxe de poboación diana vacinada. Quedarán pendentes os menores de 12 anos e ao redor de 200 mil persoas maiores desa idade, especialmente no grupo de 30 a 39 anos, o menos vacinado.
As 152 persoas ingresadas con test positivo da COVID son case medio cento menos que hai unha semana. Todos os grupos de idade agás o de 12 a 19 anos están por riba do 75% de vacinación con pauta completa
Coas vacinas como pano de fondo, a hospitalización gaña peso como criterio para establecer restricións en lugar da incidencia. As 160 persoas ingresadas con test positivo da COVID son 46 menos que hai unha semana. A vacinación avanza nas últimas semanas entre os grupos máis mozos, os máis afectados pola quinta vaga por seren os últimos en acceder a ela. Na poboación de 20 a 29, a pauta completa xa supera o 75%
O sábado, día 11, o Sergas abre os centros de vacinación da COVID para que calquera maior de 12 anos que aínda non teña a primeira dose poida recibila sen necesidade de cita previa. O novo protocolo da hostalería estará en vigor dende o 15 de setembro. Para acceder á máxima capacidade, os locais terán que cumprir requisitos como dotar o persoal de máscaras FFP2 ou manter un rexistro de clientela