Aumentaron as marchas convocadas por partidos políticos e descenden as impulsadas por colectivos cidadáns. Reduciuse especialmente o número de mobilizacións con reivindicacións laborais ou ecoloxistas e aumentaron as contrarias a "medidas políticas e lexislativas" e as ligadas a temas sanitarios e educativos
A Xunta actualiza e relaxa as medidas do protocolo para o ensino, que aclara que un convivente dun contaxiado por coronavirus poderá ir ás aulas se está inmunizado ou pasou a doenza nos últimos seis meses.
Esta semana descende o número total de casos activos nos colexios, pero aumenta de 19 a 24 o das aulas pechadas. Dúas escolas de Foz e O Barco concentran o maior número de positivos. Os e as menores de 11 anos, aínda sen a vacina, sofren máis contaxios que calquera outro grupo de idade.
Ao redor dun terzo das persoas que superaron a COVID seguen sufrindo secuelas varios meses despois de dar negativo, sobre todo fatiga, dor de cabeza, perda do olfacto e do gusto, dores musculares e problemas respiratorios de maior ou menor gravidade. Falamos con Carmen Montero, coordinadora da unidade postCOVID do CHUAC da Coruña, creada para tratar estes pacientes.
O Sergas leva case dúas semanas rexistrando menos de cen casos casos diarios e a Xunta admite que a incidencia vai perder máis peso como criterio para establecer restricións. A cobertura da vacina con pauta completa supera xa o 90% da 'poboación diana' da campaña de vacinación tras pasar do 80% no grupo de 20 a 29
As incidencias acumuladas a 7 e 14 días son as máis baixas dende que hai datos comparables e a súa tendencia continúa sendo descendente. Fronte ás máis de 6.000 hospitalizacións na vaga posterior ao Nadal, a que vén de pasar apenas superou as 2.000, unha mudanza na que é clave a ampla extensión das vacinas, con algo máis dun 83% da poboación coa pauta completa
Os 17 casos novos por cada cen mil habitantes que Galicia rexistra nos últimos sete días supoñen o nivel máis baixo dende que a capacidade diagnóstica é equiparable á actual. Os concellos que rexistraron máis de 10 casos novos nos últimos 14 días son apenas unha vintena e tras superar o 83% da poboación con pauta completa da vacina, o Sergas dá por pechada a fase da inmunización masiva e céntrase en captar persoas pendentes da primeira inxección
Persoal doutra campaña de Universal Support leva a cabo paros e protestas polo seu traslado sen compensación a outro centro. A empresa encargada do rastrexo perdeu o servizo que veu realizando para o Sergas, que llo adxudicou a outra compañía cunha oferta máis barata.
Dende o sábado, as ocupacións máximas en diversas actividades sociais, culturais ou económicas aumentan ao 75%. Fano tras a fin das limitacións a encontros entre non conviventes e coa hostalería a implantar o seu novo protocolo. Mentres, a incidencia acumulada a 7 días xa cruzou o limiar do risco baixo e a 14 días, o valor máis elevado rexístrase no único grupo de idade aínda non incluído na campaña de vacinación, a poboación menor de 12 anos
Os datos pasan de cinco días á semana a só un e unha suma por áreas sanitarias substitúe á relación de positivos activos e aulas pechadas en cada escola, colexio ou instituto. O primeiro parte co novo modelo reflicte 367 casos activos entre alumnado e persoal dos centros educativos, o que reflicte unha situación semellante á da pasada primavera á espera da autorización das vacinas para menores de 12 anos
O acordo polo que o Goberno de España desistirá do seu recurso ante o Constitucional compromete ao Goberno galego a promover unha nova reforma legal, a décima en trece anos, e a aplicala respectando a competencia estatal de coordinación sanitaria
Das 224.276 persoas de máis de 12 anos que aínda non contan coa pauta completa, case un terzo (74.974) son trintañeiros e trintañeiras, que fican mesmo por detrás do grupo de persoas 20 a 29 anos. Este martes comezará a administración dunha terceira dose da vacina nas residencias de maiores