Os conselleiros en funcións, Villares e Vázquez, contrapoñen a "transparencia" e a achega de medios do Goberno galego á "inacción" do Executivo central e aos "bulos' e a desinformación". A titular de Medio Ambiente asegura que a Administración autonómica irá aos tribunais para pedir ao Estado que reclame os 2,3 millóns que custou a limpeza de granulados.
Virginijus Sinkevičius, comisario de Medio Ambiente, Océanos e Pesca, advirte tamén que os granulados "poden funcionar como vectores de transmisión de substancias tóxicas ou microorganismos patóxenos que puidesen ter absorbido", en resposta a unha pregunta parlamentaria do eurodeputado galego Nicolás González Casares.
Bloque e socialistas cargan contra o Goberno galego por difundir que moveu na busca de sacos e granulados no mar todos os seus buques e helicópteros de Gardacostas cando non chegou a mobilizar nin a metade dos que dicía: "É unha estafa".
Os datos oficiais de Salvamento Marítimo revelan que o Goberno autonómico comunicaba a diario o uso de todos os seus medios aéreos e marítimos na procura de sacos no mar malia deixar en terra máis da metade e mentres criticaba o escaso apoio do Estado. O ministro de Transnportes acusa a Administración autonómica de "mentir" e "manipular".
O ministro de Transportes, Óscar Puente, comparece a petición do PP no Congreso e cualifica de "calamitosa" a xestión do Goberno galego, insiste en que foi informado desde o principio do vertido e asegura que activou e desactivou o 3 de xaneiro a alerta que acabou por comunicar dous días despois.
A Xunta admite que apañou máis de 12.000 quilos de plásticos distintos aos pellets en menos dun mes, pero sinala a concellos e entidades privadas tanto para a recollida ordinaria como para manexar datos ao respecto
Milleiros de persoas desbordan o centro de Santiago para denunciar a "indefensión" do litoral e a actuación do Goberno galego ante o vertido de granulados plásticos e advirten da "situación crítica" das rías desde hai anos, para a que demandan solucións.
Os efectos do cambio climático ou a mortaldade masiva de bivalvos agudizan os problemas nas rías galegas, cun importante devalo na produción marisqueira e afectadas pola contaminación. "O dos 'pellets' foi a gota que rebordou o vaso", coinciden expertos e voces críticas no sector, que critican a "inacción" da Xunta.
Os convocantes aclaran que a manifestación é só "en defensa dos sectores produtivos do mar galego" e que a xestión dos pellets foi "a gota que rebordou o vaso" nunha crise no sector que "vén de moito tempo atrás". O Goberno galego advirte dos danos á "imaxe" de Galicia e do interese "claramente político" da mobilización.
Voluntarios e operarios recollen a diario o granulado de plástico que chega ás praias de Muros. Na de Area Maior, un espazo natural destacado, a cantidade varía pero a "marea branca" non cesa. A alcaldesa cualifica como "inexistente" a xestión da Xunta desta crise dos 'pellets'. "Temos claro que da praia non se van retirar nunca porque é imposible quitalo todo, as bólas son minúsculas e están mesturadas coa area, moitas xa enterradas. O que non sabemos é cando o mar vai deixar de traelas ata a costa", di a voluntaria María Candamo.
O presidente asegura ter probas da relación da oposición coa "trama de manipulación dixital" que a secretaria xeral do PPdeG denunciou baseándose só en "indicios", pero di que non as pode facilitar porque non fixo el a investigación
A Comisión Europea traballa coa Organización Marítima Internacional para impor requisitos máis estritos á hora de transportar os granulados nos buques. Ana Miranda (BNG) e González Casares (PSdeG) reuníronse co comisario Sinkevičius para denunciar a xestión da Xunta na crise e reclamar medidas para evitar a contaminación plástica.