A maioría dos populares veta a comparecencia reclamada por Defende A Galega e toda a oposición, que acusa a Xunta de converter os medios públicos nun "esperpento de censura e propaganda" a prol do presidente galego.
A CRTVG desbota a investigación reclamada polo comité intercentros e por Defende a Galega ao considerar que "non existe nin unha soa proba nin indicio razoable" que sosteña o que define como "acusación contra os traballadores" dos medios públicos e unha "campaña de desprestixio". Asegura ademais "non entender comportamentos de certos colectivos" sobre os que, afirma, xa alertou "ao comezo da pandemia"
A filtración dunha conversa en off de Irene Montero difundida polo ABC apunta a canle pública, que solicitou as imaxes á ETB e gardounas no seu arquivo. A CRTVG nega os feitos e rexeita o uso da conversa privada logo de emitila varias veces nos seus telexornais.
Boa parte do persoal da CRTVG mobilízase desde hai dous anos contra o "uso partidista" da TVG e da Radio Galega por parte do Goberno galego, que responde obviando, minimizando ou desprezando as protestas.
O presidente da Xunta esgrime os bos datos de audiencia dos medios públicos para rexeitar as críticas do seu persoal polo seu uso partidista. "A maioría dos galegos infórmase neles e cre que a súa información é veraz", di.
O comité intercentros esixe ao PP que "libere" os medios públicos do seu "secuestro" e denuncia que a cobertura do coronavirus baséase en "criticar e desprestixiar a xestión do Goberno central e louvar a da Xunta".
Defende A Galega cumpre un cento de semanas de protestas nuns medios públicos sen control da Cámara desde finais de xaneiro. A oposición coincide co persoal mobilizado na denuncia da súa "utilización partidista" a prol do PP, acentuada durante a pandemia.
"Eu non sabían que seguían", asegura o presidente da Xunta e candidato do PP, que defende elección do actual director xeral dos medios públicos, anterior á lei de medios do ano 2011. Esa norma foi reformada en 2015 para permitir que, a efectos prácticos, Sánchez Izquierdo continúe indefinidamente no posto
Defende A Galega aproveita a convocatoria electoral para lembrar "a todos os partidos" a necesidade de "abordar de inmediato" o cumprimento da lei de Medios e a urxente creación do Consello de Informativos ante un "escenario de manipulación que non é novo". O colectivo difunde un decálogo de reivindicacións.
Profesionais recoñecen o maior "control" por parte da Corporación das informacións que afectan directamente a Xunta, onde denuncian o "veto" ao parecer da oposición ou da veciñanza.
O director xeral da CRTVG xustifica o atraso, de máis de oito anos, na aprobación dun estatuto profesional na necesidade de adaptalo ao emprego das novas formas de comunicación por parte dos profesionais dos medios públicos.
Os prazos fixados na lei de medios públicos de 2011 comezaron a incumprirse seis meses despois da súa entrada en vigor e preceptos centrais como a remuda na dirección xeral ou a constitución do Consello de Informativos seguen pendentes oito anos despois. A plataforma Defende a Galega' inicia unha recollida de sinaturas para esixir o cumprimento íntegro da norma