O comité intercentros e máis de 30 organizacións políticas, sindicais e sociais convocan unha marcha o 6 de novembro en Compostela "por unha CRTVG ao servizo do pobo" e piden á cidadanía que "saia ao rescate dos seus medios".
O director xeral carga contra a oposición tras as súas denuncias por contidos que "alimentan o machismo", sentenzas contra a Corporación por vulnerar dereitos fundamentais ou pezas que "dan voz á extrema dereita".
Sinala a "utilización" de TVE logo de que a CRTVG fose condenada por represaliar un traballador crítico durante a súa etapa á fronte da Xunta, caracterizada polas protestas, dimisións e folgas do persoal contra a manipulación.
José Manuel Pérez Tornero dimitiu este luns como máximo dirixente da Corporación dos medios públicos en España. Sánchez Izquierdo leva máis de trece anos á fronte da CRTVG.
O Goberno galego reduce a condena á Corporación Radio Televisión de Galicia por represaliar un traballador crítico a "un tema estritamente laboral" e cre "insostible", á "vista dos datos obxectivos", afirmar que existen unha "política de represalias" nos medios públicos. No Parlamento, unha iniciativa do BNG apoiada polo PSdeG reclama a reprobación e a remuda do director xeral, que continúa no posto por tempo indefinido
O comité intercentros amosa o seu "fastío" ante os novos episodios polémicos do Telexornal, que considera "un ataque sen precedentes ao servizo público", e reclama a marcha de oito responsables de información e contidos da TVG.
Defende A Galega, BNG e PSdeG denuncian a "deriva desinformativa e manipuladora" da televisión pública logo de limitar unha nova sobre exhumacións a unha pregunta dunha canle de ultradereita que cuestionaba a ministra Belarra que non acudise a "ver os españois que morreron a mans dos comunistas".
O BNG pide contas ao Goberno galego por un ditame xudicial "histórico" que, defende, vai alén do laboral e ten "dimensión colectiva" e "política". O vicepresidente Calvo responde que "critica por criticar" e acusa a Pedro Sánchez de facer "purgas" en RTVE
O Bloque defende que o detonante para supeditar a remuda no Consello da CRTVG ao cumprimento íntegro da lei, incluíndo a substitución do director xeral, é a condena agora firme á Corporación pública por represalias a un traballador. O PSdeG confirma que manterá o sentido previsto do seu voto tanto na votación para a CRTVG como para o Consello de Contas, polo que os nomeamentos propostos polo PP sairán igualmente adiante
Ambos aspirantes teñen actualmente postos na Consellería de Medio Ambiente. Antes traballaran en medios e ostentaran xefaturas de comunicación e gabinete co PP na Deputación de Lugo e na presidencia da Xunta con Feijóo, respectivamente. A elección require, segundo a lei e coa actual composición do Parlamento, o voto favorable de cando menos un dos grupos da oposición
A corporación non recorre ante o Supremo a sentenza do Superior que ratificou que sancionou o xornalista Carlos Jiménez en represalia por mobilizarse nos 'venres negros' contra a manipulación informativa.
Olalla Rodil (BNG) e Noelia Otero (PSdeG), xornalistas e membros da comisión de control dos medios públicos, reflexionan sobre a falta de medidas e o "silencio" ante a "manipulación perversa" ou a sentenza do TSXG que confirma que un traballador foi sancionado por se mobilizar contra a Corporación.