Dereito á vivenda

En Oleiros o prezo medio de compra o pasado ano foi de 284 mil euros. Na Coruña e Santiago, os valores tamén superaron a media do Estado. En Cambio, Vigo e A Coruña aparecen como os concellos galegos con alugueiros máis caros, que se elevaron entre un 3,3% e un 6,5% nun ano.

Falamos con Roi Zas da coruñesa Outra Forma de Vivenda, e con Carmela Cons da compostelá Alvariza, sobre os seus modelos de vivenda colaborativa en cesión de uso, nos que un grupo de persoas se xuntan para formar unha comunidade e tomar decisións sobre o proxecto construtivo que finalmente habitarán. Despois de anos de traballo ambas as dúas cooperativas están preto de comezar a edificar os inmobles.

O alcalde lucense presenta o Plan Municipal de Vivenda, con accións como descontar o 95% do tributo de bens inmobles ás persoas propietarias que inclúan os seus pisos baleiros na Bolsa Municipal de Alugueiro Accesible, que o Concello ofertará "por baixo do prezo do mercado". O proxecto inclúe mercar vivendas para rehabilitar e alugar, novo solo urbanizable con reservas mínimas do 40% para pisos protexidos e limitar os pisos turísticos a baixos, primeiros andares ou edificios de uso exclusivo

A líder do BNG critica que a Xunta propoña vivir "en baixos abandonados que ninguén quere" cando "hai 90.000 pisos baleiros". O secretario xeral do PSdeG salienta que as rebaixas fiscais da Xunta chegan "só ao 4% da poboación" e insiste en aceptar a condonación da débeda que ofrece o Estado.

Nos contratos asinados entre xuño e agosto, o custo medio mensual dos alugueiros sitúase por riba dos 600 euros mensuais, fronte aos 592 euros ao mes que se pagan nas cotas dunha hipoteca. O prezo das hipotecas disparouse dende 2021 a 2023 (as cotas medias pasaron de 473 a 577 euros), pero a relaxación dos tipos de xuro freou a suba dende entón.

Movemento Galego de Saúde Mental celebrou este sábado a súa xornada anual, que baixo o título de Nin manicomio nin intemperie: un fogar. Por unha vivenda digna, accesible e suficiente, analizou as dificultades engadidas para acceder a un fogar que sofren as persoas con problemas de saúde mental.

Jaime Palomera vén de publicar El secuestro de la vivienda (Ediciones Península, 2025), unha obra na que analiza a actual crise e fai un chamamento e propostas para repensar as políticas e devolver a vivenda á súa condición de dereito fundamental. Esta semana ofreceu unha conferencia na sede do COAG na Coruña e falamos con el.

As compras realizadas por estranxeiros medraron un 14% no último ano en Galicia e sitúanse un 72% por riba do pico máximo acadado antes do estoupido da burbulla inmobiliaria en 2009. No conxunto do Estado, o 40% das operacións foron realizadas por estranxeiros non residentes.

Os desafiuzamentos sitúanse nuns 300 trimestrais, en torno á metade que hai unha década, e multiplican por 20 os novos casos de ocupación entre marzo e xuño de 2025

A Audiencia de Pontevedra vén de condenar a 18 meses de prisión a un home ao que dúas persoas entregaron 1.420 e 700 euros respectivamente en concepto de reserva e fianza por unha vivenda sobre a que en realidade non tiña dispoñibilidade. As vítimas reclamáronlle sen éxito as chaves da vivenda e, posteriormente, a devolución do diñeiro, tamén infrutuosamente.

É un descenso leve, pero significativo: o abaratamento dos alugueiros en setembro na Coruña contrasta coas subas que seguen a rexistrar as outras seis cidades galegas. Nos sete primeiros meses do ano, antes da declaración de zona tensionada, A Coruña estaba a ser unha das cidades nas que o prezo dos alugueiros máis se estaba encarecendo (+7,6%)