Agás sorpresa maiúscula, a formación de Puigdemont volverá unir os seus votos aos de Feijóo e Abascal para, como a comezos de ano, volver provocar a derrogación de medidas como a moratoria xudicial de desafiuzamentos ou a contención de prezos do alugueiro. "O seu voto retrataraos ante xeracións enteiras", advirte Sánchez mentres medra o ruxerruxe dun posible adianto electoral
A conselleira de Vivenda insiste en rexeitar a intención do Concello de xestionar directamente os 3,6 millóns que lle corresponden dos fondos do Estado, acúsao de "irresponsable" por ter pisos municipais baleiros e pide que llos ceda porque a Administración autonómica “si que ten capacidade económica para a súa rehabilitación”.
Decenas de persoas acampan desde a noite do xoves no Obradoiro en demanda de "vivenda universal, gratuíta e de calidade". Hai convocadas manifestacións en varias cidades para o vindeiro sábado. As protestas consideran "insuficientes" os decretos aprobados polo Goberno de España pero piden a súa aprobación como primeiro paso para medidas máis de fondo.
O primeiro dos dous Reais Decretos-Lei sobre vivenda aprobados polo Goberno de España elimina a exención da que estes negocios gozaban no IVE e pasarán a tributar coma os hoteis, ao 10%. A reforma permite os concellos con zonas de mercado residencial tensionado, no caso galego só os municipios coruñés e compostelán, subir o Imposto de Bens Inmobles entre un 50% e un 150% en función do número de inmobles que controle cada propietario
Rueda escenifica a adxudicación de 24 vivendas de promoción pública no barrio compostelán de Lamas de Abade 19 anos despois das anteriores na cidade, que o Executivo de coalición de socialistas e nacionalistas asignou en 2007
O Consello de Ministros recupera a moratoria de desaloxos para poboación vulnerable, rebaixas de impostos para persoas que viven de alugueiro e préstamos para quen tenta comprar e sitúa nun texto independente a posibilidade de renovación automática de contratos
Vigo, A Coruña, Santiago e Ferrol acollen concorridas mobilizacións exixindo medidas e denunciando os desafiuzamentos á espera do decreto que saia do Consello de Ministros.
A información estatística do IGE detalla a existencia de máis de 160.000 propietarios de vivenda que alugan algún dos seus inmobles en Galicia. É un colectivo heteroxéneo, de idade avanzada e de todo tipo de nivel adquisitivo. Porén, nos últimos anos a poboación con ingresos elevados recibe unha parte cada vez maior das rendas inmobiliarias. Os que gañan máis de 60.000 euros ao ano perciben xa o 30% dos alugueiros.
"A quen non se lle remova a conciencia con iso é que non a ten", di o presidente do caso de Maricarmen, a anciá desafiuzada en Madrid, pero pide "pensar na seguridade que hai que darlle aos propietarios" que son persoas individuais e non grandes propietarios
O pasado ano asináronse case 19 mil hipotecas de vivenda en Galicia, un 21% máis que no ano 2024. O tipo de xuro medio, de novo por riba do 3%, está no seu nivel máis alto dende xaneiro de 2025.
Os datos oficiais da Xunta amosan que nos primeiros 12 meses de aplicación da figura, os prezos medios baixaron un 1% na cidade, fronte a aumentos de ata o 9% nas restantes urbes. En cambio, o número de vivendas alugadas descendeu un 24%, fronte a caídas inferiores nas outras seis cidades