Dereito á vivenda

O Goberno galego subvenciona ata o 95% das obras ás empresas que rehabiliten vivendas para alugar ao seu persoal por ata 650 euros ao mes, pero só o 75% do custo no caso dos particulares en concellos pequenos

Unha sentenza dá a razón a unha comunidade de propietarios e considera "actividade molesta e prexudicial" o uso "con fins turísticos" dunha vivenda, que ordena cesar "en canto actividade xeradora das molestias acreditadas"

A publicación no BOE culmina a solicitude do Concello, que a Xunta aceptou no segundo intento entre advertencias da súa oposición política. Os novos contratos terán que "estar referenciados ao prezo anterior" para "evitar incrementos desproporcionados". Entre os datos achegados polo goberno local que xustifican a declaración destaca que o incremento dos custo dos alugueiros duplica a suba xeral dos prezos ao consumo

Vivenda entregou o 6 de xullo ao PSdeG na Cámara os mesmos datos do seu censo de pisos baleiros propiedade dos bancos que lle negara un mes antes. Pouco antes desta nova resposta Praza.gal obtivo a información e publicouna xunto cunha liberación íntegra dos datos

O desaloxo foi adiado ata o vindeiro día 15, prazo no que o Concello buscará unha alternativa habitacional para a muller, que temía ser separada dos seus pequenos. 

A Sareb, o 'banco malo', é titular de máis da metade das vivendas baleiras inscritas no censo da Xunta cuxos datos vén de liberar Praza.gal, co Santander como segundo gran propietario. Estes pisos ou os públicos promovidos pola Xunta non cobren, nin de lonxe, as que van ir perdendo a condición de protexidas ata 2030 (máis de 35.000) e equivalen a apenas un 12% da demanda de pisos de protección no país

Praza obtén ao abeiro da Lei de Transparencia os datos do rexistro de vivendas baleiras propiedade de entidades financeiras que a Xunta evitou entregar ao Parlamento. A Coruña é o concello con máis pisos baleiros propiedade da banca, segundo os datos manexados polo Goberno galego, con máis de 300. A Sareb, o 'banco malo', é a entidade que máis vivendas baleiras ten inscritas neste rexistro

De xaneiro a marzo Galicia rexistrou 114 desaloxos en casos de impagamento de alugueiro. Só houbo menos no trimestre máis afectado polo confinamento da COVID, cando se suspenderan os prazos xudiciais. Malia este descenso, o total de desaloxos -incluíndo a trintena en vivendas hipotecadas- quintuplican os novos casos de ocupacións ilegais

O socialista cifra en 548 millóns os transferidos polo Estado desde 2018 e lamenta que aínda agora se comecen a edificar vivendas pola Xunta, que critica que os fondos estatais sexan para axudas e non para construír

O prezo dos novos alugueiros nas catro urbes supera o 30% do salario bruto, o límite máximo aconsellado nas regras financeiras para manter unha economía persoal "saudable". No conxunto de Galicia o valor sitúase algo por debaixo (28,4%) pero tamén con tendencia a medrar.

Javier Gil vén de publicar Generación inquilina. Un nuevo paradigma de vivienda para acabar con la desigualdad (Capitán Swing), unha obra na que este investigador do Consejo Superior de Investigaciones Científicas (CSIC) analiza as causas da crise de vivenda que impide o acceso a un inmoble asequible a toda unha xeración. O vindeiro mércores 17 ofrecerá unha conferencia na sede coruñesa do COAG.