O pasado ano incoáronse 399 delitos por 'usurpación' de vivendas baleiras, un número semellante ao do ano 2016. En canto ás 'violacións de domicilio', referidas á ocupación vivendas habitadas, abríronse dilixencias en 95 casos, cun lixeiro incremento con respecto aos anos anteriores.
Tribunal Superior e Policía sinalan a escaseza de casos pero a conselleira de Vivenda volve asegurar que existe "sensación de impunidade" e "salienta" as ocupacións antes da reunión do Observatorio da Vivenda porque "están dando moito que falar" e "lle preocupa a Galicia". Anuncia un "teléfono para prexudicados por ocupacións" e o encargo dun "mapa da ocupación en Galicia" que terá como obxectivo "obter datos reais sobre o problema", evidenciando que polo momento non os ten
O xulgados galegos ingresaron 27 demandas por ocupación ilegal no segundo trimestre do ano, que viu reducidos os desafiuzamentos nun 87,4% pola COVID-19. Mentres o presidente do TSXG subliña que a "alarma xerada" parece "non estar avalada polas cifras", a Xunta apunta a un incremento e o PP pide á Valedora un informe extraordinario ao respecto porque "cada vez son máis" casos
Tres días despois de que o Tribunal Superior considerase que a "alarma" por ocupacións semella "non estar avalada polas cifras" porque as demandas xudiciais ao respecto descenden, a conselleira de Vivenda defendeu que experimentan "un incremento" e laiouse de que estas accións "non sexan delito", aínda que en realidade si están recollidas no Código Penal
O plan para construír este edificio de vivendas públicas de alugueiro a apenas 400 metros da Catedral de Santiago foi lanzado en tempos de Fraga, impulsado polo Goberno de PSdeG e BNG e adxudicado nunha primeira fase polo Executivo do PP de Feijóo, pero nunca se realizou. Xunta e Concello acordan agora que sexa un xardín por tempo indefinido, se ben o goberno local asegura que a súa preferencia segue a ser que acabe acollendo "vivendas en réxime de protección para o alugueiro"
Os prezos mantiñan ata abril o ascenso continuado iniciado en 2015, cun encarecemento medio de máis de 100 euros en Vigo e na Coruña e valores medios que superan os 600 euros nos centros destas dúas cidades. Tamén nas grandes vilas os prezos medraron un 13% dende o 2016.
O filme ‘A vivenda, un ben social?’, realizado polo Colexio Oficial de Traballo Social inclue entrevistas con persoas usuarias, profesionais dos servizos sociais, investigadores e políticos, que advirten de que a vivenda se ten convertido no principal factor de exclusión social.
Os 24 pisos de promoción pública que a Xunta vén de anunciar en Santiago son o mesmo número de vivendas que todas as protexidas finalizadas en Galicia durante a lexislatura que remata
O pasado ano practicáronse 2.271 lanzamentos en Galicia, dos que 1.800 tiveron a súa orixe en incumprimentos da Lei de Arrendamentos Urbanos e tan só 396 en execucións hipotecarias. Os desaloxos motivados polo impagamento do alugueiro medraron un 44%.
O sindicato estudantil Anega presentou a campaña 'Vivenda digna e accesible xa', na que denuncia o incremento dos prezos na cidade e as malas condicións dos inmobles. Alerta sobre o efecto das vivendas de uso turístico e de que a tendencia á alza se incrementará durante o Xacobeo.
A Coruña acolle este sábado un encontro sobre dereito á vivenda, que reflexionará sobre o problema da suba dos alugueiros, a presenza na cidade de fondos voitre ou a cuestión dos pisos baleiros en poder de entidades financieiras. Falamos con representantes do Sindicat de Llogaters de Barcelona e do Sindicato de Inquilinas de Madrid, que participan no encontro