O Goberno galego afirma que, aínda que poida semellar "discreto", o balance da liña 'antiocupacións' á que destinou 27.000 euros en 2021 é "acorde co agardado". Matiza agora que o das ocupacións "non é tanto un problema cuantitativo como cualitativo"
No conxunto de Galicia os prezos aumentaron un 21% dende o 2016. Pontevedra é a urbe que máis se encareceu, pero Vigo e A Coruña seguen a ser os lugares máis caros para vivir. Os últimos datos achegados polo Observatorio de Vivenda da Xunta coinciden co debate aberto sobre a Lei de Vivenda e as medidas para conter os prezos dos alugueiros.
Trátase de tres inmobles propiedade da Sareb, o 'banco malo' no que o Estado ten unha participación do 45%, que comunicou as persoas inquilinas que debían abandonar os seus pisos, a pesar de que estaban a pagar o alugueiro con regularidade. O Goberno galego traslada a responsabilidade ao Executivo central.
O Poder Xudicial subliña que a comparación interanual debe ser realizada con 2019 para evitar a distorsión dos prazos suspendidos pola COVID: as 22 novas demandas por ocupacións no terceiro trimestre son un 35,3% menos que daquela. Mentres, os desafiuzamentos foron 14 veces máis que eses casos de ocupación, pero tamén descenden interanualmente
A porcentaxe de persoas con carencias materiais severas pasou do 3,6% de 2019 ao 5,2% de 2020, segundo un informe da Rede Galega contra a Pobreza, que destaca o impacto da pandemia, pero tamén da "situación de emerxencia residencial de milleiros de familias".
Os prezos medraron un 20,7% en cinco anos nas sete urbes, onde no 2018 as familias destinaban ao seu pagamento entre un 14,3% e un 17,6% dos ingresos netos, sen contar os outros custos da vivenda. O esforzo económico é superior nos barrios populares, coma Os Mallos, a Agra do Orzán ou Coia, debido ao baixo nivel de renda nestas áreas.
A lei de vivenda pactada polos socios do Goberno de España definirá como grandes propietarios a quen posúan 10 ou máis vivendas. Para eles, contemplará medidas de limitación de prezos e, segundo PSOE e UP, tamén menos beneficios fiscais. O "bono" de alugueiro anunciado por Pedro Sánchez durará dous anos e poderán pedilo persoas de entre 18 e 35 anos que ingresen ata 23.725 euros anuais
O Poder Xudicial rexistrou no segundo trimestre de 2021 máis de 400 lanzamentos en vivendas alugadas ou hipotecadas e apenas unha vintena de novos casos por ocupacións ilegais, fenómeno no que Galicia ten a segunda menor incidencia do Estado. Os lanzamentos tamén diminúen (-32%) a respecto do segundo trimestre de 2019, o último non condicionado pola pandemia
Despois de permanecer estancado durante o pasado ano, o custo de adquisición dunha casa aumenta un 3,5% e acumula un aumento do 19% dende o 2015. O prezo dos alugueiros medrou un 22% nos últimos seis anos, especialmente nas sete cidades.
O Goberno galego fala de “experiencia piloto” e anima a concellos e particulares a “incorporar información sobre as zonas e lugares en situación de abandono”
Os 106 lanzamentos por execucións hipotecarias rexistrados no primeiro trimestre do ano duplican os dun ano antes, en boa medida polo reinicio de casos que quedaran paralizados co primeiro Estado de Alarma pola COVID. Os desafiuzamentos en vivendas alugadas foron 352, seis menos que un ano antes
O director xeral do Instituto Galego de Vivenda e Solo xustifica o encargo dodocumento a unha ex-deputada popular por Castilla-La Mancha que o BNG cualifica de "copia e pega escandaloso".