Dereito á vivenda

Dende 1981 Galicia gañou uns 357.000 fogares e arredor de 96.000 vivendas protexidas. Tras a gran recesión rexistrou uns 36.000 novos fogares e só 3.000 vivendas protexidas, equivalentes ao 10% das que gañou o mercado privado. Con Fraga e co Goberno de PSdeG e BNG o investimento galego en vivenda superaba a media estatal pero a tendencia inverteuse con Feijóo e ata a actualidade, cando a Xunta ten en marcha 90 promocións con algo máis de 1.200 pisos protexidos 

O 'Bono emancípate' consiste en 1.500 euros para menores de 36 que alugasen vivenda dende mediados do ano pasado e 3.000 se a mercaron, con límites de renda de 33.600 euros para unidades de convivencia e 25.200 para solicitantes individuais

A Coruña solicitará á Xunta a declaración da cidade como como Zona de Mercado Residencial Tensionado, en base a un estudo que certifica que cumpre cos criterios fixados polo Ministerio de Vivenda. Tamén presentou a nova ordenanza de vivendas de uso turístico, que as reduce a baixos, primeiros andares e a edificios completos e que abre a porta a limitalas aínda máis en barrios que sofran saturación

Un informe de Ecoloxistas en Acción alerta de que a proliferación de vivendas de uso turístico está a expulsar familias residentes dos barrios máis saturados. "Está a facer inaccesible a vivenda para as capas sociais con menos ingresos e para a mocidade que se quere emancipar", denuncia. Vigo é cidade na que máis aumentou o seu número dende o 2020 (+113%) entre as 23 analizadas e A Coruña é a cuarta (+84%)

O delegado do Goberno central non acode a un acto de Vivenda na Coruña tras vetar a Consellería a súa intervención. Pedro Blanco acusa o Executivo autonómico de agochar que boa parte do financiamento da vivenda de promoción pública é estatal. 

O rexedor instou a parella a marchar durante unha concentración veciñal na que parte dos participantes irromperon no inmoble. Por tras da decisión de ficaren na vivenda estivo unha longa historia de exclusión social

As autonomías do PP pactan co seu líder aplicar medidas que, no caso galego, suporían en boa medida manter os plans de vivenda da Xunta na etapa do ex-presidente, que o gabinete de Rueda está a emendar. Se o actual Goberno aplicase integramente o asinado tería que subir un punto o imposto de transmisións patrimoniais na primeira vivenda para mocidade. En 13 anos de presidencia de Feijóo comezou a construción de 5.462 vivendas protexidas; o goberno de Rueda promete 3.500 en catro anos 

O documento confirma que o concello cumpre en todo o seu territorio dous dos criterios para solicitar a declaración, que busca regular o prezo do alugueiro. Entre 2018 e 2023 o prezo de arrendamento da vivenda aumentou en máis de 50% en varios barrios da capital de Galicia

Na fin do pasado ano apenas un 13% dos fogares estaban a pagar pola primeira vivenda, o valor máis baixo da serie histórica. Antes da gran recesión algo máis do 10% dos fogares galegos pagaba alugueiro, dez puntos menos dos que tiñan hipotecas e agora os arrendados xa son máis. Daquela a hipoteca media nas cidades galegas era uns 2.200 euros anuais máis cara que o alugueiro; agora a diferenza é de apenas 400 euros ao ano

Dezasete anos despois de que o Executivo de socialistas e nacionalistas aprobase construír 172 pisos públicos no barrio lucense de Garabolos, o gabinete do PP dá luz verde a 146 vivendas de promoción pública na mesma contorna. A alcaldesa da cidade ve unha "boa nova" que o Goberno galego comece a "saldar a débeda histórica" en materia de vivenda pública e subliña que "seguiremos esixindo que cumpra" porque só en Lugo as inscricións no rexistro de demandantes superan o milleiro

En Galicia funcionan xa máis de 26 mil establecementos deste tipo inscritos no rexistro da Xunta, que se duplicaron nos últimos tres anos. A Coruña ultima unha ordenanza e Vigo busca coutar a expansión a través do PXOM. Outras localidades preparan subas de impostos a estes negocios.

Segundo a Enquisa Estrutural a Fogares do IGE, cada vez máis xente paga un alugueiro pola súa vivenda principal e os prezos son cada vez maiores. A situación afecta de forma máis grave ás zonas urbanas, pero tamén nos concellos menos poboados o encarecemento entre o 2019 e o 2023 superou o 20%.