Dereito á vivenda

Nun texto encabezado polo logotipo do Goberno galego e dos demais gabinetes do PP, os conservadores cargan contra a ministra por advertir da retirada de fondos se non aplican integramente as medidas da lei estatal de vivenda concibidas para frear os prezos e axitan o medo ás ocupacións. Os concellos da Coruña e Santiago manifestaran o seu interese na declaración de zonas tensionadas e Rueda dixera estar disposto a aceptalas se estaban "debidamente argumentadas"

Tres de cada catro fogares en Galicia son vivendas e propiedade e apenas un 15%, alugadas. O 'país de propietarios' confórmano máis de 800.000 fogares e o 'país de inquilinos', uns 160.000. No medio, arredor de 200.000 caseiros, un rendismo popular ao que se engaden varias grandes empresas, dende inmobiliarias a un fondo voitre. Mentres, os alugueiros xa son máis caros que a hipoteca media galega en catro cidades

Hai 1.480 vivendas que se poden alugar para estadías de longa duración fronte a 5.382 vivendas de uso turístico rexistradas legalmente. Nos últimos dous anos o número de pisos turísticos aumentou un 168% en Vigo e un 130% na Coruña e os prezos do alugueiro disparáronse.

Os inmobles entregaranse a persoas da localidade que as necesiten cun arrendamento mensual de entre 207 e 285 euros ao mes, cunha duración do contrato dun ano con prórroga obrigatoria ata un máximo de 7 anos

As primeiras sentenzas xudiciais dan a razón á sociedade semipública a pesar de que as veciñas e veciños asinaran legalmente un contrato de alugueiro e pagaban todos os meses a renda a outras entidades, descoñecendo que estas quebraran e os seus activos foran adquiridos polo banco malo. A alcaldesa de Cambre manterá este xoves unha sentenza con representantes da Sareb para buscar unha solución

Un portal creado por dous lucenses calculou o esforzo que se debe realizar en cada cidade galega para acceder a unha vivenda en propiedade a través dun préstamo hipotecario, no que as persoas interesadas deben achegar o 30% do valor do inmoble. O estudo destaca as dificultades moi superiores que deben afrontar as persoas que busquen mercar en solitario.

O goberno pontevedrés estende á zona histórica as restricións ás vivendas turísticas que xa rexían no centro da cidade: só en edificios completos, baixos ou primeiros andares. Inicialmente, a regulamentación nesa área retendeu "favorecer a rehabilitación de vivendas". Agora, indica o edil de Urbanismo, pretende "evitar males maiores" na "convivencia entre residentes e visitantes"

Dende mediados da segunda década do século a vivenda libre recuperou aos poucos mentres a protexida o fixo de maneira moito máis tímida, cun desequilibrio que en Galicia se disparou dende 2014: de 2015 a 2023 quedaron rematadas 750 protexidas e 18.705 do mercado libre. O Rexistro de Demandantes contén máis de 17.000 solicitudes, a metade en Vigo e A Coruña. A Xunta reitera a promesa de 4.000 vivendas protexidas nesa lexislatura mentres a oposición recea de que "fagan o que non fixeron en 15 anos"

Galicia finalizou 2023 con 14 novas vivendas protexidas, segundo os datos oficiais. O presidente subliña que a Xunta xa "iniciou a execución" de 400 e mantén a promesa de chegar a 4.000 na fin do mandato. O titular da Xunta evita garantir a retirada de todos os pisos turísticos ilegais do rexistro turístico, como esixe a líder do BNG

Unha nova sentenza do Tribunal Superior eleva a dez os ditames xudiciais que avalan o Concello de Santiago para limitar os pisos turísticos pola vía urbanística con independencia da súa inscrición no rexistro da Xunta. O goberno local compostelán dá especial importancia a que a xustiza o avale para que deixar sen efecto a comunicación previa de apertura de pisos turísticos irregulares sexa dabondo para o cesamento da actividade

As ringleiras de mozas e mozos á procura de piso regresan nun contexto no que o dereito á vivenda vai gañando espazo no debate público. O Colexio Oficial de Administradores de Inmobles de Galicia evidencia que "moitos pisos que se alugan a estudantes" non teñen as "condicións mínimas de habitabilidade" e recomenda pedir "sempre" copia do contrato e do depósito da fianza no IGVS mentres lembra que o estudantado ten os "mesmos dereitos que calquera arrendatario", así como obrigas como as referentes aos ruídos nocturnos

As medidas políticas a prol do dereito a vivenda redundan en beneficios de quen precisa un teito a prezo razoable e atopa resistencias nos grandes grupos inmobiliarios, mais tamén no rendismo popular. Pero, quen son estes rendistas? O peso da poboación que declara a Facenda ingresos por alugueiros de inmobles é en Galicia notablemente maior que na media estatal entre a poboación con rendas inferiores a 30.000 euros. Tanto no caso galego como no total estatal, os ingresos inmobiliarios son maiores canto máis alta é a renda total da persoa