A Sareb, que se negou a informar ao Parlamento sobre os 5.000 millóns de 'ladrillo tóxico' que absorbeu no rescate das caixas, ten cedidos 50 pisos á Xunta e 12 ao Concello de Miño para alugueiro social. A Xunta négase a divulgar os detalles do seu censo de vivenda baleira, do que só sinala que contén 1.813 inmobles, mentres pon o foco en casos de ocupación ilegal
O informe elaborado pola profesora e dirixente do PP Silvia Valmaña, que liga un incremento das ocupacións de vivendas co suposto "amparo" da alcaldesa de Barcelona á comisión de delitos, foi facturado pola Universidade de Castilla-La Mancha. Reproduce parágrafos enteiros dunha iniciativa presentada polo PP en Castilla-La Mancha varios meses antes que, segundo o propio partido, fora redactada por un equipo dirixido pola mesma dirixente popular
A Xunta esgrime dous informes para reclamar un endurecemento do Código Penal a respecto das ocupacións. Un deles está redactado pola profesora Silvia Valmaña, ex-deputada do PP, que liga un "alarmante incremento" do fenómeno a un suposto "amparo" ao delito de usurpación por parte de dirixentes como a actual alcaldesa de Barcelona e sinala unha suba "exponencial" dos casos en Galicia comparando as cifras do ano en que os xulgados estiveron paralizados pola folga do persoal de Xustiza
O Consello da Xunta autorizou o 29 de decembro sen facelo público o trámite legal para transferir os fondos non utilizados durante o ano. En total, 305 millóns das consellerías e outros 132 das súas entidades dependentes
As ocupacións ilegais de vivendas propiedade de persoas físicas (excluídas as pertencentes a bancos ou fondos) descenderon de 145 a 94 o pasado ano, no que houbo 15 desaloxos por cada ocupación
As vivendas, todas sen estrear, alugaranse por un prezo entre os 160 e os 170 euros ao mes. O alcalde da localidade destaca que co acordo, "pioneiro en Galicia", queren sacar "algo positivo" para a veciñanza dunha burbulla inmobiliaria que "aínda sufriremos durante bastantes anos"
Feijóo solemniza un "pacto social pola vivenda" que confía o 60% do investimento preciso a fondos privados e ratifica que o orzamento público na materia apenas vai medrar durante a actual lexislatura. O plan suxire que a Xunta vai subir os "prezos máximos de referencia das vivendas protexidas" porque "levan máis de 12 anos sen actualizarse" e isto "provoca que, en moitos casos, non sexa viable a súa construción"
O convenio da Xunta co Consello da Avogacía para asesorar sobre ocupacións chega tres anos despois da fin doutro acordo co mesmo organismo para axudar a persoas afectadas por desafiuzamentos, os cales seguen multiplicando por quince as intrusións ilegais
O pasado ano rexistráronse subas do 5% ou 6% na Coruña, Vigo, Compostela e Pontevedra e do 4% no conxunto do país, cifras moi semellantes ás dos tres anos anteriores. Dende o 2015 os prezos medios en Galicia subiron máis de 100 euros e máis aínda nas grandes cidades
O Goberno municipal vigués rexeita aplicar a rotación ás persoas que dormen máis de dez días seguidos na instalación, como fixa a normativa e lle reclama a Consellaría de Política Social. Dende o colectivo Os Ninguéns apostan pola permanencia indefinida ata contar con outros dispositivos residenciais
As demandas novas por ocupación ilegal de vivendas descenden un 26,2% interanual en Galicia, unha caída seis puntos superior á dos lanzamentos por impagamento de arrendamentos e hipotecas. O dato chega pouco despois de que a Xunta comezase a financiar un teléfono 'antiocupacións'
O pasado ano incoáronse 399 delitos por 'usurpación' de vivendas baleiras, un número semellante ao do ano 2016. En canto ás 'violacións de domicilio', referidas á ocupación vivendas habitadas, abríronse dilixencias en 95 casos, cun lixeiro incremento con respecto aos anos anteriores.