Algo máis de 39 millóns de fondos NextGenerationEU únense a uns 69 da Xunta para engadir 784 pisos unha oferta de vivenda pública en alugueiro que de 2014 a 2019 sumara só un. Entre 2011 e 2021 Galicia apenas gañou 637 vivendas protexidas para alugueiro
A lei obriga a que os alugueiros se abonen nos primeiros sete días de cada mes pero a Xunta tarda varias semanas en pagar a propietarios que arrendan a persoas vulnerables, e cando a Valedora pediu explicacións demorou 14 meses a súa resposta
O Goberno galego tardou dous anos en activar a plataforma informática que comprometeu por lei en 2019, gabouna como unha “ferramenta novidosa” para “loitar contra a despoboación” e outros dous anos máis tarde só suma catro aldeas
O 29% das vivendas galegas están desocupadas, o dobre que a media estatal (14%) segundo os datos do Censo do ano 2021 publicados este venres. Os concellos rurais presentan as maiores porcentaxes, pero Vigo e A Coruña son a segunda e a terceira cidade do Estado cunha maior proporción de inmobles baleiros. En conxunto, as sete cidades galegas teñen ao redor de 90 mil vivendas baleiras.
No ano 2021 o prezo medio dos alugueiros incrementouse un 2% en Galicia, catro décimas por riba da media do Estado (1,6%). Os pisos de menor tamaño, inferiores a 60 metros cadrados, son os que máis encareceron nos últimos anos, cun aumento do 11%
Tras recibir apenas trinta consultas nun ano, a Xunta renovou por 50.000 euros o teléfono 'antiocupacións' que encomendara ao Consello da Avogacía, pero engadindo consultas sobre desafiuzamentos. O pasado febreiro volveuno renovar por outros 50.000 euros, incluíndo o compromiso de actualizar unha guía con eventuais novidades lexislativas. A seis días do 28M, Rueda anuncia un novo acordo para "elaborar unha guía informativa" sobre "vivendas ocupadas ilegalmente" e atribúeo á "incerteza" que atribúe á nova lei estatal de vivenda
Este mércores, o Executivo detallou os lugares onde se construirán 20.000 vivendas "asequibles" en terreos do Ministerio de Defensa, un total de 20.000 en todo o Estado, 486 delas en Galicia
"Cos locais comerciais hai demasiada oferta e pouca demanda, pero no mercado dos pisos sucede á inversa", explica o arquitecto vigués Alexandre Cameselle, especializado en transformar locais comerciais en vivendas, que ve factible "ter duascentas vivendas máis na cidade nun ano" se a Xunta actualiza as normativas
O Plan Sectorial de Solo Residencial foi aprobado polo Goberno PSdeG-BNG en 2008, xusto antes do estourido da crise. O Goberno de Feijóo prometeu "reformulalo na súa integridade" e nunca chegou a aplicalo. No período en que estaba previsto despregalo acabaron construíndose en Galicia unhas 70.000 novas vivendas, unha de cada dez protexidas
Tanto o Índice de prezos do Ministerio coma o Observatorio da Vivenda da Xunta amosan que entre 2016 e 2021 o encarecemento dos alugueiros superou en boa parte do país o límite fixado na nova Lei de Vivenda para poder aplicar accións de regulación. Porén, os territorios gobernados polo PP, entre eles Galicia, anuncian que non aplicarán as medidas.
"Xa pagamos por esas vivendas co rescate bancario, non é xusto que as volvamos pagar", defende a líder do BNG, que anuncia iniciativas no Parlamento e no Congreso nesta liña e reclama á Xunta un plan concreto de vivenda pública tras "dinamitar" esta política, acusa, dende a chegada de Feijóo á presidencia en 2009 e ata a actualidade
A bolsa de vivenda baleira do banco malo, xurdido do estoupido da burbulla inmobiliaria, pode ser unha década despois a base sobre a que construír un parque de vivenda pública con alugueiro accesible. O Goberno central destinará a este fin 50.000 vivendas da Sareb, 21.000 de maneira inmediata, das que 1.285 están en Galicia. Ademais, anuncia a construción ou rehabilitación doutras 43.000.