O Goberno defende a liquidación das vivendas para mocidade previstas na céntrica avenida de Xoán XIII e ataca as características da obra prevista, impulsada polo bipartito pero adxudicada tras o retorno do PP á Xunta.
Máis de 1.000 inmobles foron embargados polo impago da hipoteca durante o pasado 2014 no país, segundo datos do INE. Tan só no último trimestre, leváronse a cabo 301 destas execucións, que non sempre acaban no desafiuzamento dos propietarios pero si son o paso previo.
Aprazado ata o 3 de marzo o desaloxo dunha familia en Ourense que acumula sete meses de impagos ao non poder facer fronte a un aluguer de 310 euros. A Xunta tan só lle ofrece unha vivenda social en Carballeda ou Castro Caldelas, nunha provincia co 23% das casas deshabitadas.
Toda a oposición apoia unha iniciativa do Bloque para manter as vivendas protexidas na compostelá avenida de Xoán XXIII, que Xunta e Concello liquidaron.
Tres anos despois da derrogación da lei que instaba a reservar ata o 40% do solo para pisos protexidos a media galega non chega ao 5%. A Xunta recortou dende 2009 máis do 90% dos fondos para construír vivendas de promoción pública.
Os colectivos anti desaloxos e as plataformas PAH do país maniféstanse este xoves ante as subdelegacións do Goberno para censurar a "represión" que aseguran sufrir. Máis de 5.000 euros conseguiron xa na Coruña para pagar as multas impostas a varios compañeiros.
O país acumula máis de 4.200 desaloxos dende comezos de 2013. No terceiro trimestre do ano descenderon os lanzamentos en propiedades alugadas pero aumentaron os hipotecarios. Feijóo retrucou a demanda de Cáritas a prol da vivenda digna alegando que hai prazas libres "nos albergues".
Medra a oposición dentro e fóra do Concello de Santiago á liquidación do proxecto de pisos de alugueiro para a mocidade en pleno centro e a construción de "vivenda libre" no seu lugar. Mentres, o alcalde compostelán culpa da operación ao bipartito da Xunta.
Agustín Hernández e Ethel Vázquez acordan trasladar máis de 4 quilómetros os pisos protexidos proxectados a 400 metros da Praza do Obradoiro e permitirán que a empresa que os constrúa promova "vivenda libre" no seu lugar.