Medra a oposición dentro e fóra do Concello de Santiago á liquidación do proxecto de pisos de alugueiro para a mocidade en pleno centro e a construción de "vivenda libre" no seu lugar. Mentres, o alcalde compostelán culpa da operación ao bipartito da Xunta.
Agustín Hernández e Ethel Vázquez acordan trasladar máis de 4 quilómetros os pisos protexidos proxectados a 400 metros da Praza do Obradoiro e permitirán que a empresa que os constrúa promova "vivenda libre" no seu lugar.
Representantes de PSdeG-PSOE, BNG e EU responsabilizan o Goberno municipal coruñés do desafiuzamento, mentres que o alcalde bota balóns fóra e culpa o anterior goberno bipartito da cidade.
Cáritas reclama novas políticas de vivenda e medidas como "aluguer social ou ocupación de vivendas baleiras" para darlles respostas ás 3.600 persoas que dormen cada noite nas rúas galegas. O presidente da Xunta chama a "traballar" para "saber por que, se hai albergues que non se utilizan, hai xente que dorme na rúa". Audio no interior
O Concello expulsa da súa vivenda unha muller, seu fillo e dous netos para poder equipar unha urbanización de 2.000 vivendas e cun enorme despregamento policial. Tres persoas, entre elas o bombeiro Roberto Rivas, permaneceron horas sobre o tellado para evitar a derruba dunha casa que o dono abandonou ante a forte presión.
Veciños da Coruña volven intensificar as protestas ante o inminente desaloxo dunha familia en Elviña, cuxa casa podería ser derrubada na vindeira semana. As manifestacións colapsaron varias veces o tráfico e irromperon no pleno municipal sen que o Concello dea unha solución.
Stop Desafiuzamentos corta o tráfico á entrada da universidade en protesta pola próxima derruba da casa duha das familias afectadas por un proxecto que expropiou forzosamente varios cidadáns que recibiron en compensación terreos nos que non poden construír e que ninguén lles compra.
Roberto Rivas, bombeiro multado por "alterar a orde pública", declárase culpable por negarse a colaborar nun desaloxo pero nega que incitase a nada e rexeita continuar cun proceso que cre "inxusto, covarse e hipócrita". Insiste en que os atestados policiais foron "dirixidos" e abre unha campaña para que a cidadanía axude no pago da súa multa e das do resto de persoas sancionadas.
Stop Desafiuzamentos manifestouse esta mañá ante varias sedes do Instituto Galego da Vivenda e Solo en Galicia no primeiro acto coordinado dos diferentes colectivos para denunciar a negativa da Xunta a desbloquear as vivendas anunciadas por Feijóo para persoas desaloxadas.
Roberto Rivas, o bombeiro que se negou a participar no desaloxo de Aurelia Rey, fala con Praza dun xesto que deu a volta ao mundo e volve defender con firmeza a "desobediencia civil e pacífica" ante a "represión" que cre que supoñen algunhas leis.
Colectivos como Stop Desafiuzamentos apelan á responsabilidades das Administracións para axudar as persoas en risco de quedaren sen casa. A Xunta asegura que atende a problemática no marco das súas competencias.
Hai dez anos o Goberno de Fraga lanzou a idea de construír un bloque de pisos de aluguer para a mocidade na entrada do Casco Vello compostelán. O bipartito impulsou o proxecto e o gabinete de Feijóo manteno paralizado por consideralo moi caro, aínda que mudou os logotipos dos valados da obra nada máis chegar ao poder. Mentres, o orzamento para a construción de pisos protexidos descendeu un 80% e o prezo da vivenda sobe por primeira vez en cinco anos.