A investigación oficial sobre o ocorrido en Lobeira en 2022 conclúe que "a causa do incidente foi a deficiente coordinación" e xestión das mensaxes dos pilotos de catro aeronaves de tres empresas distintas "que resultou en dúas perdas de separación en voo consecutivas".
Dende o ano 2017 o Concello de Ames plantou preto de seis mil árbores frondosas caducifolias para previr a expansión dos incendios, especialmente preto dos núcleos habitados, recuperar a calidade do solo e aminorar a perda de biodiversidade. Agora o proxecto foi validado pola UE para servir de exemplo a outros países.
O Parque Natural da Baixa Limia-Xurés rexistrou máis de 180 incendios nos últimos dez anos, e tamén era espazo protexido pola Rede Natura boa parte do queimado no maior incendio do que hai datos precisos, o do Courel de 2022
O alto tribunal fai firme unha sentenza que obriga a Medio Rural a indemnizar a un condutor de motobomba despedido tras ser interino máis tempo do debido, un proceso xudicial que plasma o xeito en que a Xunta xestiona o persoal de loita contra incendios
A CIG denuncia que os fixos descontinuos que só traballan seis meses "non chegan nin ao limiar da pobreza".
Entre xoves e sábado arderon 3.046 hectáreas entre Trabada (2.326), Foz (234), Vilariño de Conso (213), Lobeira (111), Chantada (89) e Avión (73), fronte ás 2.596,5 hectáreas queimadas entre xaneiro e os primeiros días de outubro. En Trabada o lume arrasou o 15% da superficie deste concello e converteuse no incendio máis destrutivo do ano e un dos peores na Mariña nas últimas décadas.
O lume, declarado contra o mediodía deste xoves, obrigou a desaloxar vivendas e foi empurrado polo vento cara ao norte ata obrigar a cortar a Autovía do Cantábrico. No que ía de ano, segundo os datos divulgados pola Xunta, todos os incendios rexistrados sumaban apenas 2.600 hectáreas, o mesmo que ardeu nos últimos tres días
Na súa investigación, Martín Senande Rivera constatou o aumento significativo na velocidade de propagación do lume por causa da redución da humidade dos combustibles asociada ao aumento da temperatura. Alerta, así mesmo, de que o número de días con risco de piroconvección profunda -que poden provocar unha expansión errática dos incendios- podería aumentar significativamente no sur de Europa
Demandan que se cumpra cunha sentenza do Supremo que permite a súa conversión en persoal laboral fixo e un convenio colectivo autonómico coas mesmas condicións para todos os profesionais.
Dous cargos da empresa foron xulgados por non limpar a vexetación xunto a unha liña eléctrica que provocou un incendio en 2016 en Ribas de Sil, pero a xustiza absólveos logo de que outro compañeiro declarase que non tiñan esa competencia
A nova lei prohibe "a creación ou difusión de feitos ou datos falsos en relación cos incendios forestais por calquera medio" e o presidente asegura que vai dirixida a quen mobilice recursos para incendios que non existen
O anteproxecto da nova lei de incendios prohibe "a creación ou difusión de feitos ou datos falsos por calquera medio, incluídas as redes sociais" e prevé multas de ata 100.000 euros. O Colexio de Xornalistas teme que o veto "poida ser interpretado como unha limitación á liberdade de información". O Goberno tamén contempla ampliar a súa capacidade para prohibir o acceso aos montes no caso de que considere que hai perigo de incendio neles