O lume asola sobre todo o Macizo Central, cunhas 5.000 hectáreas ardidas. Un grande fogo continúa activo e sen control en Chandrexa de Queixa, onde a Xunta solicitou a axuda da UME e houbo que desaloxar veciñanza, ao igual que en Maceda, A Mezquita ou Seixalbo.
O maior incendio deste 2025 continúa activo e outro en Maceda arrasou 400 hectáreas e ameaza O Invernadoiro. Os fogos iniciados na fin de semana queimaron a metade das hectáreas ardidas en todo o ano en Galicia.
O lume en Vilardevós quedou extinguido na mañá deste venres logo dunha semana ardendo o monte. O fogo en Monteseiro, na Fonsagrada, continúa sen controlar tras queimar 120 hectáreas.
Xente cercada polos incendios nos últimos días relata a "angustia" e a "desesperación" vivida e destacan o labor da veciñanza, que se organizou para deter as lapas e salvar as casas cun forte nordés que impedía traballar os medios aéreos.
Un operativo especial de vixilancia permite localizar un home de 28 anos "no momento xusto no que iniciaba un novo incendio" na parroquia de Velle, no concello de Ourense
Outro fogo no municipio, desta vez en Corme Aldea, obrigou a desaloxar veciñanza e cortar estradas tras cercar varias localidades. Xunta e habitantes dan por feita a intencionalidade dos últimos focos, avivados polo forte nordés. En Camariñas, o lume ameazou tamén varias casas en Xaviña, e no Courel queimou 90 hectáreas na Fonsagrada.
O sexto foco desde a fin de semana no concello de Ponteceso obrigou a desaloxar Corme Aldea tamén a cortar unha estrada. A proximidade das lapas á vila de Corme obrigou ao Goberno galego a declarar a situación 2 e a solicitar a intervención da Unidade Militar de Emerxencias. O incendio de Cospindo quedou extinguido tras arrasar unhas 250 hectáreas, mentres continúan activos os de Brantuas e A Graña.
O da localidade ourensá foi o primeiro gran lume do ano ao superar as 500 hectáreas, as mesmas que arderon no municipio da Costa da Morte pero en cinco fogos diferentes que obrigaron a desaloxar núcleos e praias e incomunicaron Corme.
O pasado 2024 foi, con 2.644 hectáreas, o terceiro ano con menor superficie ardida en incendios forestais nos montes galegos dende que hai datos comparables. O Pladiga subliña que a factores como "abandono do poboamento rural" ou unha propiedade da terra maioritariamente privada e disgregada se suma "a herdanza do resultado dunha política de (re)forestación non dotada en ocasións dunha conveniencia propia"
O Tribunal de Contas europeo sinala que máis de dous terzos do financiamento rural europeo destinado a catástrofes é dirixido en Galicia a incendios, e lamenta que os cortalumes non reciben o mantemento que deberan
A cineasta danesa Robin Petré estrea no prestixioso festival berlinés un documental que relata a dura loita contra o lume no sur de Galicia e "reflexiona sobre o fráxil equilibrio do noso mundo natural e sobre as relacións entre humanos e animais".
Investigadores da USC analizaron máis de cen mil incendios producidos no Estado español e California para concluír que os lumes se inician cada vez máis próximos a áreas habitadas. Estes incendios de interface, nos que se mesturan espazos forestais e núcleos de poboación, ademais de provocar maiores danos humanos e materiais, son máis difíciles de combater, o que obriga a reprensar os dispositivos de extinción