Sanidade confirma a sanción de dous días de suspensión de emprego e soldo que o afectado considera unha "vinganza" pola súa oposición á clausura da sala de partos. Anuncia que acudirá ao xulgado de non prosperar o recurso ante o conselleiro.
O groso da lei de eutanasia entra en vigor este 25 de xuño, pero o artigo que estipula a creación dunha Comisión de Garantía e Avaliación para aplicala en cada comunidade autónoma leva tres meses vixente. Feijóo di "entender" que a Comisión estará "en vigor para que se poida responder ás primeiras solicitudes" de eutanasia que reciba o Sergas e confronta a nova lei coa que regula en Galicia dende 2015 os coidados paliativos, a sedación e outros procedementos para persoas enfermas terminais
500 profesionais das fundacións de investigación sanitaria contan agora cun convenio colectivo que equipara os seus dereitos aos dos empregados do Sergas en canto a permisos e categorías profesionais
Sanidade é a consellería atinxida por un maior número dos asuntos dentro das queixas recibidas pola Valedora durante 2020, un terzo do total. Case o 60% das actuacións da Valedoría durante o pasado ano foron referidas ao Goberno galego e catro de cada dez, aos concellos
Sanidade estima que os hospitais públicos galegos contarán co 89,5% das prazas entre xullo e setembro, xustifica o peche no "decremento da demanda asistencial" e aclara que "estarán operativos todos os recursos necesarios".
O vindeiro 25 de xuño acaba o prazo para crear a Comisión de Garantía e Avaliación que aplicará a lei en Galicia, cuxo proxecto está xa redactado pero aínda sen aprobar.
Varias áreas sanitarias confirman aos sindicatos a perda de máis de 460 prazas de ingreso nos hospitais galegos, á espera dos datos dalgunhas xerencias.
A CIG denuncia que as instalacións precisan dunha "reparación importante tras só cinco anos de funcionamento" e que a concesionaria decidiu un peche que provocará que a subcontrata traslade os menús desde Aragón.
Eventuais en Loita acolle "con esperanza pero sen euforia" a proposta do Goberno central á UE para reducir a precariedade ao cumprirse dous anos da súa 'revolta' e tras a denuncia que "impresionou" en Bruxelas.
Sanidade insiste en incentivos económicos para aumentar ao 60% a presencialidade pero advirte de que non volverá ao nivel preCOVID. Profesionais acusan a Consellería de "transmitir unha idea falsa" e sinalar os médicos.
En 2018, Galicia descendeu por primeira vez no que vai de século das 9.000 camas hospitalarias en funcionamento; en 2019 eran 8.906, segundo os datos que vén de actualizar o IGE. Nos últimos anos, a Xunta sinalou o ritmo crecente de operacións cirúrxicas no Sergas como mostra de que "o recurso cama xa non é tan imprescindible coma antes"