Persoas de idade avanzada recorren a xestorías para conseguir cita pola imposibilidade de contactar directamente e as limitacións de acceso aos centros de saúde. "As dificultades para acceder á asistencia favorecen o crecemento do sector privado e a saturación das urxencias", denuncia SOS Sanidade Pública.
O PP vota por terceira vez desde 2018 a favor de instar o Goberno galego a "resolver as graves deficiencias" do centro e recoñece que o Sergas levou a cabo en agosto a auditoría que a Cámara reclamara en marzo.
O último informe do Alto Comisionado advirte da falta de actuación e volve denunciar as graves irregularidades que xa advertira catro anos antes e que a Cámara instou a arranxar o pasado marzo. O Goberno galego encargou unha auditoría que xa se levou a cabo e o Sergas abordará a situación con familiares de pacientes e profesionais.
Isidro Lago, presidente do Consello Galego de Colexios Médicos, insiste no rexeitamento á iniciativa da Xunta para que persoal administrativo derive pacientes ou farmacéuticos prescriban medicamentos, e pide ao Sergas que "ofreza contratos de longa duración e decentes".
Un informe tras unha visita da entidade constata que a poboación feminina ten "maior dependencia e deterioración e menor autonomía" e máis tempo de estadía. O Alto Comisionado denunciou un caso de abuso sexual e acusa a dirección de abordalo dun xeito "deslexitimador e revitimizador".
Os colexios médicos advirten de que recorrerán mesmo "pola vía xudicial" as medidas que prevén que persoal administrativo poida derivar pacientes ou que os farmacéuticos prescriban medicamentos. Acusan a Xunta de querer "transferir" parte das súas competencias para "compensar a falta de profesionais".
Un dos dez equipos de protonterapia que a Fundación Amancio Ortega financia ao Ministerio de Sanidade será instalado en Galicia, segundo anunciou Pedro Sánchez no acto público en que asinou o convenio coa entidade, onde estivo presente o conselleiro de Sanidade. Esta terapia "é unha alternativa eficaz para tumores nos que a radioterapia convencional non resulta efectiva e a cirurxía non é unha opción"
Profesionais denunciaron ante a xerencia da área sanitaria que o acordo coa empresa pública Galaria "salta as listas de contratación" habendo profesionais dispoñibles, algo que nega o Sergas
