O líder do PSdeG subliña que, especialmente dende a reforma sanitaria, a veciñanza da Mariña "sabe que para as operacións máis complexas e para ter todas as prestacións sanitarias ten que desprazarse a outras zonas". Nunha visita preelectoral á comarca insta a contrastar os "38 millóns de euros" do Goberno de España a Alcoa coa "campaña de demagoxia e falsidade continua" que atribúe a Feijóo
A "atención a pacientes en lista de espera" da área de Vigo foi incluída como parte da mellora do concerto de Povisa a finais de 2018, pero o acordo, de ata 1 millón de euros, non se concretou ata agora, cadrando coa venda á filial española do grupo americano Centene. Sanidade resta importancia ao momento en que foi asinado.
Tras as novas concentracións ante os centros de saúde a Asemblea Galega de Áreas Sanitarias (AAS) manifestouse este 26 de outubro en Santiago. Mentres, persoal do Sergas que traballa nas comisións impulsadas por Sanidade non cre que "sexa o momento" de mobilizacións por estaren "en plena negociación coa Xunta"
O presidente minimiza os acordos de PP e Vox criticando ao PSdeG que “gobernan con independentistas” e atribúa o crecemento dalgunhas industrias galegas ás súas políticas e a crise doutras ao Goberno central
Unha ambulancia do 061 tardou máis de tres cuartos de hora en asistir un home que acabaría falecendo en Dozón. O PP vetou a comparecencia do conselleiro solicitada pola oposición, que insiste na escaseza de medios
A Asemblea de Áreas Sanitarias convoca unha gran manifestación para o vindeiro 26 de outubro e paros totais nos centros de saúde a finais de novembro mentres continúan as protestas en varias comarcas ou das enfermeiras eventuais
Un estudo realizado por Eventuais en Loita conclúe que o 36% das enfermeiras do Sergas son eventuais, fronte aos datos que achega Sanidade, que fala de case un 90% de estabilidade entre o persoal sanitario
O Sergas vén de adxudicar os últimos luminosos tras lanzar en marzo un concurso que tivo que reiniciar por intentar aceleralo de xeito ilegal e no que despois foi obrigado a readmitir a unha empresa eliminada
O Grupo Nosa Terra XXI vende o 93% do hospital vigués a Ribera Salud, que fora ferramenta do antigo goberno valenciano do PP para erguer o seu modelo de sanidade de xestión privada. A compañía está controlada pola americana Centene Corporation dende que o Banco Sabadell vendeu a maioría das súas accións
"A poboación galega percibe unha deterioración continua do sistema público de saúde", di o informe da Valedora, que advirte da persistencia do "problema estrutural" das listas de espera. Para a Xunta, a conclusión debería ser que "o sistema sanitario público de Galicia é moi resolutivo, moi accesible e moi eficaz"
Os propietarios de Povisa ratifican a Sanidade que prevén vender o hospital ao grupo Ribera Salud, controlado ao 90% pola corporación estadounidense Centene. O pasado verán o Consello de Contas detectou "falta de transparencia" no contrato da Xunta con Povisa e advertiu que ata o 80% do volume de negocio do centro sanitario vigués depende do concerto co Servizo Galego de Saúde