- En actualización Coronavirus
- Acontece Lugo
O brote de coronavirus na Mariña achégase ao medio cento de casos tras sumar outros 12 e salpica a Asturias
O brote da Mariña provocou que a área sanitaria lucense pasase en apenas unha semana de 17 a 64 "positivos activos" pola covid-19. Unhas 500 persoas que tiveron contacto con persoas afectadas polo brote están en corentena por se desenvolven síntomas
Pontón promete reclamar dende a Xunta a xestión de pisos das antigas caixas para convertelas en vivenda pública
A candidata do BNG proponse reverter "once anos nos que o PP deixou de lado a política pública de vivenda", con só catro novos pisos protexidos o pasado ano e unha vintena en toda a lexislatura. Anuncia en Ferrol "un imposto ás vivendas baleiras de fondos voitre e entidades bancarias que estean desocupadas durante máis de dous anos sen causa xustificada"
- Datos Coronavirus
- Acontece
Os positivos no brote de coronavirus da Mariña xa son 35 tras máis de medio milleiro de probas
Este 1 de xullo, o Ministerio de Sanidade reflicte cinco casos novos diagnosticados en Galicia nas últimas vinte e catro horas. O global de "positivos activos" do que informa o Sergas pode resultar enganosa ante os brotes puntuais: o indicador baixa levemente no global de Galicia mentres segue subindo na área afectada, neste caso a de Lugo
A cúpula estatal do PP desembarca en Lugo para facer campaña por Feijóo
Na súa terceira intervención na carreira electoral galega, segunda en campaña, Casado botou man de metáforas taurinas para preguntarse "a que vén" Pedro Sánchez a Galicia. Tras a visita do líder popular, o seu número dous, García Egea, acudiu tamén á provincia lucense, onde atribuíu a Feijóo a salvación de "miles de vidas" pola realización de test rápidos do coronavirus
PSdeG, BNG e Galicia en Común ven máis próximo o cambio de Goberno tras o debate cun líder do PP "esgotado"
O socialista Gonzalo Caballero cre que, no debate da TVG, Feijóo "quedou sobrepasado pola realidade dun país que quere cambio" e Gómez-Reino, de GeC, coida que o encontro "evidenciou non só que hai partido, senón que se iniciou a remonta definitiva das forzas da esquerda". Ana Pontón, candidata do BNG, reclama ao aspirante á reelección que participe en máis debates: "Que non fuxa, sabemos que non lle gustan, pero é un dereito da cidadanía"
Feijóo pide seguir na Xunta esgrimindo riscos dun Goberno da esquerda, que se brinda ao pacto no debate electoral
A audiencia da Galega puido observar unha versión de Feijóo pouco vista nestas pantallas e mesmo, nalgún intre, puido velo fóra de xogo fronte a Caballero, Pontón e Gómez-Reino, que procuraron construír ante o electorado a imaxe dunha Xunta dirixida pola esquerda nun encontro constrinxido polo seu formato, con escasa marxe para o contraste de propostas
- Datos Galegas 2020
- Política
As solicitudes de 'voto emigrante' nas eleccións galegas caen un 40% e apuntan a unha influencia mínima no resultado
Apenas 12.500 persoas das case 500.000 inscritas no censo de residentes ausentes tramitaron a súa solicitude para votar nos comicios do 12X. A crise do coronavirus, que agora azouta especialmente o continente americano, presentouse como atranco para as solicitudes de voto das persoas inscritas no CERA
O debate de líderes, única oportunidade para impulsar a campaña en horario de máxima audiencia
As forzas da actual oposición avogaban por varios debates de líderes na CRTVG e ven neste unha oportunidade para dar pulo á campaña ante un público ao que, en boa medida, case nunca teñen oportunidade dirixirse con mínima amplitude
Os centros de día reiteran á Xunta que non poden seguir pechados polo "empeoramento das persoas usuarias"
A Plataforma de Centros de Día alerta nunha carta á conselleira de Política Social de que "o empeoramento físico e cognitivo xa é real, puidémolo constatar" e subliña que as medidas paliativas da Xunta non son dabondo. A Federación Galega de Dano Cerebral tamén advirte dunha "emerxencia terapéutica e social" por estender o peche dos centros de día e ocupacionais
- Datos Coronavirus
- Acontece
Dous novos diagnósticos de coronavirus en Galicia mentres seguen os rastrexos do foco da Mariña
A área de Lugo, que inclúe á Mariña, rexistra cinco "positivos activos" máis que o día anterior, segundo o Sergas. Por décimo sétimo día consecutivo, Galicia non rexistra novos falecementos pola pandemia e o total continúa en 619
Dez anos da fin de Caixanova e Caixa Galicia que precipitou o seu rescate con 9.000 millóns públicos
O 28 de xuño de 2010, os consellos de Caixa Galicia e Caixanova aprobaron definitivamente o seu "plan de integración", impulsado pola Xunta como vía para garantir a "solvencia" e a "galeguidade" do que despois sería Novacaixagalicia. O Banco de España calculou a finais de 2019 que 9.000 millóns públicos destinados ao rescate da entidade fusionada nunca serán recuperados
Os focos de coronavirus da Mariña suman 22 positivos e obrigaron a facer máis de 200 probas
O Ministerio de Sanidade certifica cinco diagnósticos novos da covid-19 en Galicia nas últimas vinte e catro horas e o Sergas procesa máis de 2.000 probas PCR nun só día por primeira vez dende comezos de maio