David Lombao

O persoal afiliado á Seguridade Social aínda segue por baixo do nivel previo á pandemia e o atinxido por ERTE aínda rolda as 19.000 persoas malia encadear catro meses de descenso. O paro rexistrado está composto por 27.000 persoas menos que hai un ano. O Ministerio de Traballo subliña que a caída do paro a nivel estatal é a maior dende que hai rexistros, a CIG subliña a ligazón da baixada co sector servizos e CCOO chama a "consolidar o emprego creado" coa derrogación da reforma laboral do PP

Tras múltiples atrancos e coa seguridade financiada por máis de 50.000 euros da Xunta no seu inicio, os Franco accederan a abrir o pazo cun réxime de visitas que converteran nunha oda ao ditador entre ataques aos movementos para recuperar o recinto como patrimonio público Este 1 de xullo, xa co pazo como patrimonio público e a entrada xestionada polo Concello de Sada, Meirás abriu e tivo como primeiras visitas a vítimas da ditadura e membros de entidades memorialistas, cos investigadores Carlos Babío e Manuel Pérez como guías

No comité clínico as chamadas á prudencia entre os grupos de idade aínda non incorporados á vacinación masiva acompáñanse cunha reflexión impensable hai escasos meses: á actual situación da pandemia quédanlle unhas poucas semanas. Mentres, o Sergas notificou este xoves 258 casos novos, a cifra máis elevada en 24 horas dende o 13 de marzo

A Xunta prevé ter activo dende o 5 de xullo o novo sistema, que convivirá coa citación ordinaria mediante SMS por orde de idade. Sanidade ten pendente de definir o límite inferior de idade para o sistema de autocita; noutras autonomías está a fixarse nos 16 anos. Galicia supera o 50% da 'poboación diana' da campaña de vacinación coa pauta completa

49 das 86 probas PCR realizadas á pasaxe do voo na que volveu a Galicia parte do alumnado procedente de Mallorca deron positivo; 33 son estudantes e as Sanidade rastrexa os vencellos das outras 16. A incidencia acumulada a 14 días en grupos de idade aínda non incorporados á vacinación, como os de 12 a 19 e de 20 a 29 ano,s duplica amplamente o dato global de Galicia, situado na contorna dos 54 casos novos por cada cen mil habitantes

Este martes o Sergas xa confirmara 108 positivos ligados ao gromo da COVID con orixe en Mallorca, a gran maioría na área sanitaria de Pontevedra. Sanidade mantén Sarria no nivel alto de restricións e sitúa tamén nel a Carnota. Dende as 00:00 do sábado estarán en nivel medio nove municipios, entre eles a cidade de Pontevedra

O cambio de tendencia provoca que as incidencias acumuladas a 7 e 14 días abandonen a zona de risco baixo de transmisión na que Galicia lograra entrar hai apenas dúas semanas. As persoas hospitalizadas representan arredor do 3,4% do total de casos activos, dous puntos menos que hai un mes e máis de tres puntos por baixo que hai dous meses

A provincia de Pontevedra suma o groso dos centenar de casos vinculados ao foco con orixe nas viaxes estudantís en Mallorca, con 89 xa confirmados. Este gromo e outros máis locais inverteron a tendencia descendente das incidencias a 14 e 7 días para o conxunto de Galicia, que así e todo seguen por baixo dos niveis posteriores á Semana Santa

As vantaxes de contar cun Goberno e Orzamento de de seu ou a oficialidade do galego foron algúns dos argumentos centrais da campaña a prol do Estatuto de Autonomía de 1936, na que persoeiros como Castelao ou Bóveda apelaron á unidade do pobo galego e á participación masiva: "Os patrioteiros que nos acusan a nós de crear fronteiras verticais separan ao pobo, eles si son separatistas; no sentimento de amor a Galicia unímonos todos, sexan do partido que sexan"

A socialista Lara Méndez é alcaldesa de Lugo dende hai seis anos. Tras dous anos á fronte dun goberno de coalición co BNG, asegura facer un “balance tremendamente útil” do labor do seu gabinete nun bienio irremediablemente marcado pola pandemia. A COVID-19, evidencia, fixo preciso adaptar e tomar medidas de urxencia, pero non obrigou, asegura, a mudar a “folla de ruta” dos grandes obxectivos do goberno local, baseados na “sostibilidade” e nas “oportunidades” económicas para a veciñanza, pero tamén máis “amable” urbanisticamente e na mobilidade.

O groso da lei de eutanasia entra en vigor este 25 de xuño, pero o artigo que estipula a creación dunha Comisión de Garantía e Avaliación para aplicala en cada comunidade autónoma leva tres meses vixente. Feijóo di "entender" que a Comisión estará "en vigor para que se poida responder ás primeiras solicitudes" de eutanasia que reciba o Sergas e confronta a nova lei coa que regula en Galicia dende 2015 os coidados paliativos, a sedación e outros procedementos para persoas enfermas terminais

Ao comezo da pandemia, máis dun terzo dos casos activos eran de persoas hospitalizadas; na segunda vaga oscilaban entre o 5% e o 6%. A proporción non deixa de baixar dende o pasado marzo e agora rolda os 3,5% mentres segue a descender. As 45 persoas hospitalizadas son 16 menos que hai unha semana e outro mínimo dende agosto de 2020. A incidencia a sete días sobe en tres áreas sanitarias e mantense ou baixa no resto