David Lombao

Todas as partes acudiron ao encontro convocado pola ministra Teresa Ribera e varias delas saíron da xuntanza cunha impresión: ENCE ábrese por primeira vez a falar dun traslado aínda que siga mantendo que o ve "inviable"

A área sanitaria con maior incidencia segue sendo a de Pontevedra-O Salnés, que tende á estabilidade mentres a de Vigo traza unha liña ascendente. O Sergas engade 253 casos novos ao seu rexistro, a maior cifra en vinte e catro horas dende os primeiros días de marzo. A evolución segue sendo, en calquera caso, moito máis contida que en anteriores vagas

O presidente da Xunta afirma que "España leva vacinadas," o mesmo "número de persoas que resultaron contaxiadas" mentes que "Galicia leva vacinadas a cinco veces máis persoas das que resultaron contaxiadas", o que implica equiparar a poboación cunha soa dose coa que recibiu a pauta completa. A correlación galega é mellor que a estatal, pero de apenas nove décimas en poboación inmunizada. A poboación cunha soa dose si quintuplica en Galicia á contaxiada,  pero o dato estatal non "empata", senón que case triplica o acumulado de contaxios.

Malia oscilacións de xornadas concretas como os 220 casos novos das últimas vinte e catro horas, o incremento da incidencia en Galicia tras a Semana Santa segue a ser moito máis contido que en anteriores vagas. As comarcas do Salnés e da Barbanza e a área de Vigo concentran os focos de incidencia máis alta seguidos con maior atención dende o Sergas mentres as hospitalización se estancan arredor das 200

O Goberno galego entrega aos grupos parlamentarios unha relación de 247 proxectos públicos dos que di estimar que poderían "mobilizar" ata 7.000 millóns. Dos privados indica que son 107 e "acadan unha mobilización" duns 13.000 millóns. A listaxe de proxectos públicos combina iniciativas novas con outras xa previstas antes da pandemia e algunhas mencións xenéricas. Consulta aquí o documento íntegro

O Sergas suma 188 casos novos da COVID-19 e a incidencia global segue estable, aínda que Sanidade admite preocupación polas cifras máis altas en contornas como as Rías Baixas. Galicia volve rexistrar máis de 200 persoas hospitalizadas con test positivo do coronavirus

O pasado 2020 Galicia perdeu algo máis de 7.500 habitantes, segundo as cifras provisionais do Padrón municipal, aínda que a poboación nacida no estranxeiro aumentou en case 4.000 persoas e hai unhas 2.400 máis nadas noutras comunidades autónomas

Ana Pontón e Catarina Martins instan o Goberno portugués a "passar do anúncio aos investimentos efetivos" na mellora da conexión ferroviaria e ao español, a ter "a mesma vontade de fazer estas ligações ferroviárias para a ligação Vigo-Porto, o Corredor Atlântico de mercadorias e o Eixo Atlântico de mercadorias"

O informe elaborado pola profesora e dirixente do PP Silvia Valmaña, que liga un incremento das ocupacións de vivendas co suposto "amparo" da alcaldesa de Barcelona á comisión de delitos, foi facturado pola Universidade de Castilla-La Mancha. Reproduce parágrafos enteiros dunha iniciativa presentada polo PP en Castilla-La Mancha varios meses antes que, segundo o propio partido, fora redactada por un equipo dirixido pola mesma dirixente popular

Nos días clave para coñecer o impacto da Semana Santa nos contaxios, a incidencia acumulada da COVID-19 a sete días amosa sinais de acougo en varias áreas sanitarias. O Sergas suma 154 casos novos e o aumento semanal segue sendo moderado, pero ao producirse tras un prolongado período de estabilidade provoca que aumenten as cifras de casos activos. As cifras de hospitalización estáncanse

A Xunta exerce as súas competencias de tutela de persoas adultas a través da Funga, unha fundación pública que atende máis de 3.000 persoas e na que traballan apenas unha vintena de profesionais. En 2018, Política Social xa transferira medio millón de euros para afrontar débedas da Funga con centros privados e agora vén de facer o propio con 1,3 millóns, retirados da partida de imprevisto para atender "os pagos de maior urxencia" por este endebedamento pendente

A Xunta esgrime dous informes para reclamar un endurecemento do Código Penal a respecto das ocupacións. Un deles está redactado pola profesora Silvia Valmaña, ex-deputada do PP, que liga un "alarmante incremento" do fenómeno a un suposto "amparo" ao delito de usurpación por parte de dirixentes como a actual alcaldesa de Barcelona e sinala unha suba "exponencial" dos casos en Galicia comparando as cifras do ano en que os xulgados estiveron paralizados pola folga do persoal de Xustiza