David Lombao

Sanidade pasa a detallar os novos diagnósticos diarios por todas as probas de infección activa e non só os realizados mediante PCR e ofrece, por primeira vez, datos practicamente completos dos casos novos rexistrados cada día. A incidencia acumulada a 14 días rolda os 75 casos novos por cen mil habitantes e a 7 días, os 38

Rodil (BNG) reclama á conselleira de Política Social unha reforma urxente para, ao xeito da aplicada en Canarias, evitar as devolucións da Risga: "Non poden pedir 5.000 euros a persoas que non teñen máis ingresos ca esa prestación". Tras manter a incompatibilidade na lei, Fabiola García di que esixe as devolucións porque "estamos obrigados" malia ser "un mal trago" e sitúa "no vindeiro trimestre" o inicio da reforma legal sen aclarar se incluirá a compatibilidade

A Xunta prevé manter o veto xeral ás reunións de non conviventes entre a 1 e as 6 da mañá e, nos concellos en nivel medio e baxio, ampliar a capacidade do comercio e eventos culturais do 50% ao 75% dende o sábado 29. A incidencia acumulada do coronavirus a 14 días rolda os 76 casos novos por cada cen mil habitantes e o indicador a sete días segue sendo menos da metade, o que indica un leve descenso

"Era un cliente excelente porque tiña visión", di Peter Eisenman sobre Fraga vinte anos despois do inicio das obras da Cidade da Cultura, con amplos sobrecustos que elevaron á contorna dos 350 millóns a construción dun complexo que é rematado sen ter en conta o o proxecto arquitectónico orixinal. "Era un arquitecto perfecto para el, porque estaba disposto a facer o que ninguén fixera", afirma

Os 90 casos notificados este martes polo Sergas son a cifra máis baixa en vinte e catro horas dende o 8 de marzo, cando foran 88. A incidencia acumulada a 7 días para toda Galicia, con 39 casos novos por cada cen mil habitantes, segue sendo menos da metade que o dato a 14 días, o que apunta a tendencia descendente

Galicia obtén un 4,5 sobre 10 no índice da Asociación de Directoras e Xerentes en Servizos Sociais, que valora os dereitos recoñecidos por lei, a súa dotación orzamentaria e a cobertura real. É a cuarta peor posición do Estado. O informe subliña que o "ben ordenado" sistema de servizos sociais galegos non se corresponde coa súa "relevancia económica feble e unha cobertura aínda reducida de prestacións e servizos"

O Sergas notificou este luns 123 casos novos mentres a incidencia a 14 días segue arredor dos 82 casos novos por cada cen mil habitantes e a sete días, en algo menos da metade

A Xunta bosquexa un protocolo con dous formatos de eventos en concellos con baixa incidencia da COVID, con público sentado ou en pé en función do número de asistentes e da capacidade dos recintos. Sobre a mesa, aínda incógnitas como a posibilidade de comer ou beber.

As persoas menores de 60 que recibiran a primeira dose de AstraZeneca poderán recibir a segunda dose da mesma vacina ou optar pola de Pfizer. A Xunta prevé comezar a citalas a vindeira semana ou na "primeira de xuño". O Sergas notifica 176 casos novos do coronavirus e as incidencias acumuladas a 7 e 14 días continúan nunha tendencia levemente descendente

O presidente di que o Goberno galego "acepta" a estes 20 nenos e nenas por "razóns de xustiza social e humanitarias", pero agrega que "discrepa" dos "efectos chamada que realizou o Goberno durante estes anos" e que, mantén, teñen "estas consecuencias". Segundo datos de Política Social, nos últimos anos os menores estranxeiros sen compaña familiar que foron acollidos en Galicia apenas superaron os 200

A Xunta rexistra 183 casos novos da COVID-19 nun contexto de incidencia á baixa e cambia as restricións case unha trintena de concellos, con Lobios como único municipio en nivel máximo. Ademais, o Goberno galego pasa a permitir que os bares sirvan ceas ata a 1 da madrugada, como os restaurantes, se contan con medidores de CO2

A área da Estratexia presentada por Pedro Sánchez sobre a transición ecolóxica centra un apartado na "redución do risco de incendios forestais" e na "mellora da xestión adaptativa e sostible dos bosques". Nel, recomenda "xeneralizar" os bancos de terras e toma como referencia un estudo da USC sobre o Bantegal elaborado pouco despois da súa creación por parte do Goberno galego da coalición PSdeG-BNG