David Lombao

A líder do BNG ve unha "campaña orquestrada polo PP e Vox" para "abonar o terreo para culpabilizar as mulleres" dunha eventual cuarta vaga da pandemia. A presidenta da Deputación de Pontevedra, Carmela Silva (PSdeG), maniféstase "disconforme con impedir as manifestacións das mulleres (...) Canta ideoloxía hai nesta decisión, canto de culpabilizar ás mulleres?", pregúntase

Sanidade liga o levantamento dos peches das áreas da Coruña e Pontevedra á relativa mellora das cifras de hospitalización. Este 5 de marzo, o cómputo do Sergas suma 210 novos casos da COVID-19 e o número de persoas ingresadas con test positivo do coronavirus queda en 400. Xa faleceron 2.262 persoas que foran diagnosticadas desta doenza en Galicia

O límite para reunións "laborais, institucionais, académicas, profesionais, sindicais" pasa de 30 a 75 persoas en interior e de 75 a 150 ao aire libre. Nos concellos incluídos no nivel máis baixo de restricións, os centros cívicos e sociocomunitarios poden reabrir ao 30% da súa capacidade

O Sergas  diagnosticou uns 170 casos ao día mediante PCR na última semana e as persoas hospitalizadas con test positivo do coronavirus aínda roldan as 250. Cinco concellos superan os 500 casos por cada cen mil persoas a 14 días e noutros noventa non houbo positivos nas últimas dúas semanas. Entre as cidades, todas agás Ourense manteñen a tendencia descendente na súa incidencia

O 4 de marzo de 2020, o Sergas daba por confirmado o primeiro caso positivo por SARS-CoV-2 en Galicia. Dez días despois, comezaba o confinamento nun país inmerso nun clima preelectoral que marcou a xestión da primeira vaga da pandemia. Máis dun terzo das persoas contaxiadas que faleceron ata agora en Galicia co coronavirus viviran en residencias de persoas anciás ou con discapacidade

Galicia rexistra uns 130 caso novos da COVID por cada cen mil habitantes nos últimos 14 días e arredor de 50 na última semana e o Sergas admite a necesidade de cautela á espera dun maior alivio nos hospitais, onde aínda hai máis de 400 persoas ingresadas con test positivo do coronavirus, e tamén ata ver o efecto da 'desescalada'. O Sergas xa computa 2.256 mortes de persoas que contraeran a doenza.

Cos datos pechados a 1 de marzo, 155 concellos non rexistraran casos novos da COVID-19 nos sete días previos. Ata 86 deles acumulaban nesa xornada dúas semanas 'libres' do coronavirus

Unha directora xeral cualifica de “incidente puntual” o que un departamento subordinado admitiu que se fai “sempre” e asegura que vai “evitar no futuro este tipo de incidentes”

Tras dous meses seguidos con máis de 400 mortes de persoas que contraeran a COVID-19, o total chega xa ás 2.252. Apenas media decena de concellos superan os 500 casos novos por cen mil habitantes a 14 días, limiar que a Xunta fixara para o máximo nivel de restricións

O empresario que tentou rexistrar a marca 'Xacobeo 2022' iniciou os trámites apenas unha hora despois de que a Igrexa confirmase a prórroga do Ano Santo, o pasado 31 de decembro. A Xunta exerceu o seu dereito a opoñerse a ese rexistro e, paralelamente, rexistrou outras tres ligadas ao Ano Santo prorrogado por mor da pandemia

O total de persoas hospitalizadas con test positivo do coronavirus segue sendo dunhas 200 máis que antes do Nadal. Os 104 novos casos que suma o Sergas son a cifra máis baixa dende os primeiros días de agosto e os concellos sen novos casos nas últimas dúas semanas roldan os 80. Á espera da consolidación dos datos, febreiro de 2021 é xa o terceiro mes con máis mortes ligadas á pandemia

A transferencia da xestión dos terreos costeiros fora abordada por Anxo Quintana co Goberno de Zapatero; ao retornar á Xunta en 2009, o PP asegurara que ía "dar continuidade ás demandas" de competencias do anterior Executivo. Dende aquela, o Goberno galego non sumou ningunha competencia nova e transita polo período sen novos traspasos máis prolongado da historia da autonomía