David Lombao

A ponte festiva afecta aos indicadores de hospitalización e novos casos. As incidencias acumuladas a 14 e 7 días para o conxunto de Galicia baixan un chisco e quedan en 77 e 36 casos novos por cada cen mil habitantes. O sábado 20 foi o día con menos PCR procesadas dende setembro e, por esta razón, a taxa de positividade aumenta malia á estabilidade no número de casos novos

A incidencia da COVID-19 nos centros de persoas anciás pasou de quintuplicar a do conxunto de Galicia a ser inferior á da poboación xeral. Entre xaneiro e febreiro, o total de mortes COVID aumentou un 34% e nas residencias, un 14%; entre febreiro e marzo, o incremento nestes centros foi do 0,7% e o no global de Galicia, do 6% 

O Sergas suma 107 casos novos e a media diaria de diagnósticos a 7 días segue roldando os 130. A cidade da Coruña dá baixado dos 200 casos por cen mil habitantes a 14 días e en Santiago empeora o dato a 7 días; as incidencias máis baixas seguen en Lugo e Ourense. A xornada festiva inflúe no dato de hospitalización, que experimenta lixeiros incrementos pero segue por baixo do de hai unha semana

Alén da futura lei de cambio climático, que a pasteira siga ou non en Lourizán depende, sobre todo, do que resolva a Audiencia Nacional sobre os recursos contra a prórroga outorgada polo Goberno de Rajoy en funcións. O PP incluíu no seu programa de 2009 o traslado da factoría e Feijóo reiterou a promesa tras chegar á presidencia: "Non cabe a posibilidade de manter ENCE na ría"

Nos últimos sete días, o Sergas rexistrou unha media duns 155 casos novos por xornada; na semana anterior eran arredor de 156 diarios. Dende principios de marzo, a tendencia dos principais indicadores epidemiolóxicos da COVID-19 en Galicia é de estabilidade ou estancamento, sen trazar polo momento as repuntas que xa se dan noutros territorios

Alén das oscilacións puntuais, a incidencia segue estable nuns 81 casos novos por cen mil habitantes a 14 días e arredor dos 41 nos últimos sete. A área sanitaria con maior incidencia sendo a da Coruña, pero a peor evolución nas últimas xornadas é a de Vigo. As unidades de hospitalización ordinaria rexistran menos de 200 pacientes coa COVID por primeira vez dende mediados de outubro

O Congreso aproba definitivamente a lei de eutanasia por ampla maioría absoluta. A norma abre a posibilidade de acceder ao novo dereito a persoas con enfermidades "graves e incurables" ou "padecimentos graves, crónicos e imposibilitantes"

Nas unidades de coidados intensivos aínda están ingresadas máis de medio cento de persoas con test positivo da COVID-19. O Sergas rexistra na última semana arredor de 150 casos novos ao día e o total de falecementos de persoas que contraeran a doenza chega aos 2.310.

Galicia rexistra uns 83 casos novos da COVID-19 por cada cen mil habitantes nos últimos 14 días e arredor de 40 na última semana. As persoas hospitalizadas con test positivo do coronavirus son menos de 300 por primeira vez dende outubro

O Goberno galego mantén só tres concellos con prohibición da mobilidade e da restauración nunha nova desescalada que segundo o presidente non será revisada ata a propia Semana Santa. As novas medidas inclúen a prohibición de encontros entre non conviventes nos espazos privados, acordada entre o Goberno de España e as autonomías para San Xosé e Semana Santa

A implantación da videoconsulta para servizos dos centros de saúde e dos hospitais chega tras a extensión da consulta por teléfono durante a pandemia mediante unha nova aplicación que tamén inclúe unha versión electrónica da tarxeta sanitaria

O pasado xaneiro, Galicia rexistrou unha media de case 1.200 casos novos ao día; nos primeiros 14 días de marzo sumou pouco máis de 2.200. A media diaria de diagnósticos por PCR estáncase arredor dos 130 e as persoas ingresadas con test positivo nos hospitais galegos aínda superan as 300.