David Lombao

Nos días clave para coñecer o impacto da Semana Santa nos contaxios, a incidencia acumulada da COVID-19 a sete días amosa sinais de acougo en varias áreas sanitarias. O Sergas suma 154 casos novos e o aumento semanal segue sendo moderado, pero ao producirse tras un prolongado período de estabilidade provoca que aumenten as cifras de casos activos. As cifras de hospitalización estáncanse

A Xunta exerce as súas competencias de tutela de persoas adultas a través da Funga, unha fundación pública que atende máis de 3.000 persoas e na que traballan apenas unha vintena de profesionais. En 2018, Política Social xa transferira medio millón de euros para afrontar débedas da Funga con centros privados e agora vén de facer o propio con 1,3 millóns, retirados da partida de imprevisto para atender "os pagos de maior urxencia" por este endebedamento pendente

A Xunta esgrime dous informes para reclamar un endurecemento do Código Penal a respecto das ocupacións. Un deles está redactado pola profesora Silvia Valmaña, ex-deputada do PP, que liga un "alarmante incremento" do fenómeno a un suposto "amparo" ao delito de usurpación por parte de dirixentes como a actual alcaldesa de Barcelona e sinala unha suba "exponencial" dos casos en Galicia comparando as cifras do ano en que os xulgados estiveron paralizados pola folga do persoal de Xustiza

O pasado mércores foi o día con máis novos casos do coronavirus rexistrados en Galicia dende finais de febreiro. O incremento no número de casos rexistrados prodúcese cando os datos xa reflicten os contaxios da Semana Santa; o incremento é, non obstante, moi inferior ao de anteriores vagas e a incidencia acumulada a 14 días para o conxunto do país segue por baixo dos 80 casos novos por cada cen mil habitantes 

O empresario despediu o traballador accidentado tras visitalo no hospital e o tribunal dá por probado que o fixo ao considerar que as lesións se prolongarían no tempo. O Tribunal Superior de Xustiza encadra os feitos no suposto de discriminación por aparencia de discapacidade, que se aplica por primeira vez no Estado

Os datos epidemiolóxicos reflicten xa os contaxios da Semana Santa e o incremento máis pronunciado da incidencia é o das áreas sanitarias de Pontevedra e Santiago por efecto, sobre todo, dos concellos da ría de Arousa. Alén da ría arousá, contornas como A Mariña ou puntos do sur de Lugo e de Ourense destacan tamén no mapa de incidencia da COVID-19. Mentres, a hospitalización estáncase e a mortalidade segue a diminuí

Mantense o peche de Galicia pola peor situación doutras comunidades e fanse máis flexibles as visitas nas residencias

As sedes de Telégrafos e as casas consistoriais acolleron a primeiras celebracións e proclamacións en Galicia o 14 de abril de hai 90 anos, con izados das bandeiras da nova República española e mais a galega. Na Coruña, Vigo, Lugo ou Ferrol, os líderes republicanos combinaran nos seus discursos a ledicia polo triunfo coas chamadas á "orde" e á "disciplina" da veciñanza. "Sexamos bos republicanos", pediran

O Consello da Xunta autorizou o 29 de decembro sen facelo público o trámite legal para transferir os fondos non utilizados durante o ano. En total, 305 millóns das consellerías e outros 132 das súas entidades dependentes

A través da reforma promovida polo BNG, a lei galega contra a violencia de xénero recoñecerá a "violencia vicaria" ao mesmo nivel que o resto destas agresións para asistir as mulleres que a padecen. "É a forma máis cruenta e retorcida, aquela que se exerce contra a vida dos fillos e fillas para facer o maior dano á muller", resalta Pontón

Para o conxunto de Galicia, a incidencia a 14 días rolda os 74 casos novos por cen mil habitantes e a sete días, os 41, o que apunta a un lixeiro ascenso nos días en que os datos epidemiolóxicos comezan a reflectir a Semana Santa. O Sergas rexistra 165 casos novos e cada día da última semana computou unha media duns 137 novos diagnósticos mediante PCR

O presidente da Xunta argumenta que é preciso "non esquecer" que "o proceso que sume na incerteza a unha das comunidades que foi vangarda de España" comezou "cunha reforma estatutaria precipitada e frustrante". Na súa primeira lexislatura á fronte do Goberno galego anunciara varios prazos para a reforma do Estatuto, pero non cumpriu ningún. O programa electoral do PP en 2012 recuperou a promesa con máis vaguidade e en 2016 e 2020 xa desapareceu da súa axenda