David Lombao

O  incremento de hospitalización é o menor nun día dende mediados de mes pero os pacientes na UCI con test positivo da COVID son outro máximo da pandemia, con 193. Dous días da última semana rexistraron 22 mortes de persoas que contraeran a COVID-19 e o total chega a 1.688 mentres a incidencia segue marcando máximos da pandemia cada día, aínda que diminuíndo o seu ritmo de incremento

As 178 persoas co coronavirus nas UCI galegas son dúas máis que no pico de abril, que se supera dous días despois de deixar atrás o total de hospitalización da primeira vaga. Galicia segue rexistrando unha media dunhas 15 mortes por xornada tras dúas semanas con máis de mil casos diarios rexistrados cada día. A suba da incidencia acumulada amosa lixeiros sinais de freo e descende por primeira vez dende o Nadal en dúas cidades

Os peches perimetrais manteñen excepcións laborais ou médicas e para mercar produtos básicos que non haxa no propio concello, mais tamén para cazar. As persoas que vivan soas poden xuntarse cunha "única unidade de convivencia" e as parellas que residan en domicilios diferentes tamén poden reunirse

Tras rexistrar ata 27 novos falecementos, tres deles da última xornada, o total chega aos 1.649 e a media diaria de mortes da última semana rolda as 15. Despois de superar o pico de hospitalización total da primeira vaga, está a piques de suceder o mesmo coa ocupación máxima das UCI mentres o Sergas acumula dúas semanas sumando cada día máis de mil novos casos

As tres universidades retomarán as clases a través de internet o 8 de febreiro, inicialmente por unha semana. Como no conxunto de Galicia, o número de positivos "activos" ligados aos centros de ensino aumentou en maior medida tras o Nadal

Galicia xa supera o pico de hospitalización da primeira vaga con 1.154 ingresos. Sanidade rexistra 1.402 novos casos, máis de mil por décimo terceira xornada consecutiva, e unha media diaria superior ás 12 mortes. Os concellos sen novos casos en dúas semanas son menos de 20 e o incremento da incidencia modérase, pero lonxe de indicar que o coronavirus frea de xeito significativo

A familia da muller falecida non soubo da súa morte e do funeral celebrado en Xove por mor da identificación errónea ata dez días despois, cando a anciá que se recuperou foi trasladada de volta á súa residencia de orixe. A Fundación San Rosendo, propietaria de ambos centros, subliña que estes feitos de "gravidade" non teñen "precedentes" entre "os máis de cen traslados que se realizaron dende o pasado decembro"

As 1.066 persoas ingresadas por mor da COVID-19 son 99 máis que un día antes, o maior incremento nun día dende o 28 de marzo, e supoñen estar a piques de alcanzar o pico de hospitalización da primeira vaga. O Sergas suma outros 1.528 novos casos da COVID e as mortes xa son máis de 1.600. As incidencias acumuladas a 14 e a 7 días seguen empeorando, pero o seu ritmo de incremento é menor que na semana previa por primeira vez dende decembro

As actuais 967 hospitalizacións ligadas á COVID son apenas 140 menos que no pico de presión hospitalaria da primeira vaga mentres o récord de casos activos, por primeira vez máis de 18.000, contribúe a sobrecargar a Atención Primaria e o rastrexo. Este sábado, Sanidade suma 1.889 casos novos, outro récord en vinte e catro horas, e 15 mortes máis

Feijóo presenta o endurecemento das medidas como consecuencia de que o Goberno de España non adiante o toque de recollida e o seu 'número dous' no PP  asegura que Pedro Sánchez non o permite, "traspasa a última barreira da moral" e "pon vidas en xogo" para "gañar votos en Cataluña". Pontón ve imprescindible un confinamento dun mínimo de dúas semanas para "deter a cadea de contaxios e salvar vidas"

Os ingresos de persoas co coronavirus chegan aos 932, unha cifra semellante á de finais de marzo de 2020 que tamén aumenta a un ritmo semanal equiparable ao daquela. O 20 de xaneiro convértese no día con máis falecementos dende abril ao notificarse 18 mentres o Sergas rexistra máis de 1.800 novos casos da COVID nun día por primeira vez

Os positivos de residentes en centros de maiores e discapacidade increméntanse dende finais de ano e achéganse aos 500 mentres agardan pola segunda dose da vacina, a chamada a fornecer a inmunidade e que polo momento chegou a case 4.000 persoas en Galicia